العودة   منتديات مزيكا تو داى > المنتديات العامة > المنتدى السياسي

المنتدى السياسي Politics Forum
إتكلم فـ كل حاجه ،، سياسيه ،، اقتصاد ،، بدون رقابه على الكلام بشرط عدم وجود كلام خارج

إضافة رد
 
أدوات الموضوع إبحث في الموضوع انواع عرض الموضوع
قديم 12-01-2013, 12:19 PM   #1
سمير الشربينى
الأعضاء
 
الصورة الرمزية سمير الشربينى
 
تاريخ التسجيل: Apr 2010
المشاركات: 233
Wink فى الذكرى السنويه لثورة 25 يناير . . الاولى والاخيره ! !

 

السلام عليكم
ثورة 25 يناير . . رحمها الله ورحم شهدائها اجمعين . . الف رحمه ونور عليهم وعليها !
ولفب الاخيره - الذى ورد فى العنوان ! - لاينصب على الثوره . . بل على الاسلوب العجيب الذى تمت به . . فى ال 18 يوم الاولى ونتائجها العجيبه الغير قابله - من وجهة نظرى على الاقل ! - للتكرار بنفس الاسلوب !
المنتظر ثوره فعلا . . ولكن بأسلوب جديد ومبتكر ! . . لابد منها نظرا لما ألت اليه الاوضاع من تردى ! !
العجب العجاب هو مانراه يحدث امام اعيننا . . وقد يستعصى على فهم الاغلبيه المسحوقه من الشعب - كانت ولاتزال ! - ولكنه بالتأكيد لايستعصى على فهم النخبه أو الصفوه من رجال السلطه الجدد ومن خلفهم المستثمرين ورجال اعمال النظام السابق وقد اطلق لهم العنان - بأكثر ماكان النظام السابق يطلقه لهم ! ! . . ومن ثم تتضخم ارصدتهم بكل العملات الاجنبيه ! ! فى الخارج ! ! . . بينما يندحر الاغلبيه التى ازادادت قهرا وفقرا . . بجنيهاتها المصريه التى تحولت الى هباءوملاليم - بعملة الستينات التذكاريه ! _ بفعل استمرار سياسات العرض والطلب وتعطيش الاسواق وعطاءات البنك المركزى ! ! . . وموائمات صندوق النكد الدولى ( النقد الدولى ! ) ! !
العجب العجاب . . ذلك الذى نراه فى المشهد المصرى بل والعربى والعالمى ايضا
اولا . . امريكا وما فعلته ولاتزال تفعله من تقسيمات فى العالم - من قبل - وفى الشرق الاوسط الجديد ! - الذى نراه يتشكل امام اعيننا على تغير الرؤساء الامريكان ! . . ولكن تظل السياسه بكل الاساليب المشروعه وغيرها مستمره . . فرق تسد . . الهيهم بنزاعاتهم الداخليه واطماعهم الدولاريه وقتلهم بعضهم البعض ! . . علشان يعيش الامريكان يعيشوا فى سلام داخل ولاياتهم المتحده !
ثانيا . . مانراه على المشهد المصرى . . الجماعه اللى خرجت من غيابات السجون ومن تحت الارض بأغلبية اجنحتها ! ! . . الى السلطه العليا . . وكم التخبط والغباء والتزلف الى الامريكان وتنفيذ مخططهم - بوعى أو بدون ! - بحذافيره . . !
ثالثا الديل الصهيونى . . وهو ينفذ دوره المرسوم له من اللاعب الرئيسى . . امريكا العظمى !
رابعا واخيرا . . من ادعوا تبنيهم لثورة 25 يناير . . سواء اكانوا الاخوان أو شراذم الاحزاب المتناحره على كراسى السلطه . . ومن غبائهم لايدركون انها كراسى كهربائيه تصعق من يجلس عليها وتحرقه . . رغم الامثله الواضحه زى الشمس !! . . حوالينا وعلينا . . ! ! أو حتى مايطلق عليها ( جبهة الانقاذ والمعارضه ) . . التى تشبعت بما اوحى اليها بممارسة الديموقراطيه فى بلد اغلبية شعبه يحتضر أو يكاد من جراء الفقر والجهل والمرض . . بينما هى سياسه امريكانى قذره 100%
العجب العجاب هو مانراه على المسرح المصرى والعربى . . بل و العالمى الآن ! !
فى انتظار الثوره الجديده التى هى لابد منها - فى تقديرى المتواضع ! - ايا كان اسمها أو تاريخها - وهو قريب للغايه ! - ولكن بأسلوب جديد وبعيد عن السياسه القذره وبقياده قادره وملهمه . . بمشيئة الله
للمزيد من مواضيعي

 




tn hg`;vn hgsk,di ge,vm 25 dkhdv > hgh,gn ,hghodvi ! hgh,gn hg`;vd

 

 


__________________
سمير الشربينى غير متواجد حالياً   رد مع اقتباس

 

 

 

قديم 20-01-2013, 02:39 AM   #2
الشاعر سيد شهاب
الأعضاء
 
الصورة الرمزية الشاعر سيد شهاب
 
تاريخ التسجيل: Jul 2011
المشاركات: 237
افتراضي

 

اقتباس:
السلام عليكم
ثورة 25 يناير . . رحمها الله ورحم شهدائها اجمعين . . الف رحمه ونور عليهم وعليها !
ولفب الاخيره - الذى ورد فى العنوان ! - لاينصب على الثوره . . بل على الاسلوب العجيب الذى تمت به . . فى ال 18 يوم الاولى ونتائجها العجيبه الغير قابله - من وجهة نظرى على الاقل ! - للتكرار بنفس الاسلوب !
المنتظر ثوره فعلا . . ولكن بأسلوب جديد ومبتكر ! . . لابد منها نظرا لما ألت اليه الاوضاع من تردى ! !
العجب العجاب هو مانراه يحدث امام اعيننا . . وقد يستعصى على فهم الاغلبيه المسحوقه من الشعب - كانت ولاتزال ! - ولكنه بالتأكيد لايستعصى على فهم النخبه أو الصفوه من رجال السلطه الجدد ومن خلفهم المستثمرين ورجال اعمال النظام السابق وقد اطلق لهم العنان - بأكثر ماكان النظام السابق يطلقه لهم ! ! . . ومن ثم تتضخم ارصدتهم بكل العملات الاجنبيه ! ! فى الخارج ! ! . . بينما يندحر الاغلبيه التى ازادادت قهرا وفقرا . . بجنيهاتها المصريه التى تحولت الى هباءوملاليم - بعملة الستينات التذكاريه ! _ بفعل استمرار سياسات العرض والطلب وتعطيش الاسواق وعطاءات البنك المركزى ! ! . . وموائمات صندوق النكد الدولى ( النقد الدولى ! ) ! !
العجب العجاب . . ذلك الذى نراه فى المشهد المصرى بل والعربى والعالمى ايضا
اولا . . امريكا وما فعلته ولاتزال تفعله من تقسيمات فى العالم - من قبل - وفى الشرق الاوسط الجديد ! - الذى نراه يتشكل امام اعيننا على تغير الرؤساء الامريكان ! . . ولكن تظل السياسه بكل الاساليب المشروعه وغيرها مستمره . . فرق تسد . . الهيهم بنزاعاتهم الداخليه واطماعهم الدولاريه وقتلهم بعضهم البعض ! . . علشان يعيش الامريكان يعيشوا فى سلام داخل ولاياتهم المتحده !
ثانيا . . مانراه على المشهد المصرى . . الجماعه اللى خرجت من غيابات السجون ومن تحت الارض بأغلبية اجنحتها ! ! . . الى السلطه العليا . . وكم التخبط والغباء والتزلف الى الامريكان وتنفيذ مخططهم - بوعى أو بدون ! - بحذافيره . . !
ثالثا الديل الصهيونى . . وهو ينفذ دوره المرسوم له من اللاعب الرئيسى . . امريكا العظمى !
رابعا واخيرا . . من ادعوا تبنيهم لثورة 25 يناير . . سواء اكانوا الاخوان أو شراذم الاحزاب المتناحره على كراسى السلطه . . ومن غبائهم لايدركون انها كراسى كهربائيه تصعق من يجلس عليها وتحرقه . . رغم الامثله الواضحه زى الشمس !! . . حوالينا وعلينا . . ! ! أو حتى مايطلق عليها ( جبهة الانقاذ والمعارضه ) . . التى تشبعت بما اوحى اليها بممارسة الديموقراطيه فى بلد اغلبية شعبه يحتضر أو يكاد من جراء الفقر والجهل والمرض . . بينما هى سياسه امريكانى قذره 100%
العجب العجاب هو مانراه على المسرح المصرى والعربى . . بل و العالمى الآن ! !
فى انتظار الثوره الجديده التى هى لابد منها - فى تقديرى المتواضع ! - ايا كان اسمها أو تاريخها - وهو قريب للغايه ! - ولكن بأسلوب جديد وبعيد عن السياسه القذره وبقياده قادره وملهمه . . بمشيئة الله
ميعادنا 25 القادم لسه الثورة محققتش حاجة خالص من اهدافها

 

__________________
الشاعر سيد شهاب غير متواجد حالياً   رد مع اقتباس

 

قديم 20-01-2013, 10:54 AM   #3
سمير الشربينى
الأعضاء
 
الصورة الرمزية سمير الشربينى
 
تاريخ التسجيل: Apr 2010
المشاركات: 233
Wink دى هى الحقيقه . . من وجهة نظرى على الاقل ! ! !

 

السلام عليكم
عزيزى الشاعر / سيد شهاب . . اهلا وسهلا بيك من جديد . . نتواصل بعد الفاصل . . !
عدنا بحمد الله
قرض الشعر ينم عن حس مرهف . . وخيال خصب وحالم !
ده على فكره مدح مش ذم ! . . وشئ من اللطافه !
نيجى للجد . . بئه !
ثورة 25 يناير بالاسلوب الشاعرى اللى تمت بيه خاصة قى الثلاثة ايام الاول . . قبل انضمام الاخوه الاعداء ! !
الاخوان اليها وتحولها الى مصادمات مع شرطة مبارك والعادلى وما تلا من احداث ال 18 يوم المشهوره وهو ما ادى الى ( تخلى ! ) المخلوع عن الرئاسه وتفويض - وهو لايملك ! - ممارسة الحكم للمجلس العسكرى صاحب المواقف الغامضه جدا . . حتى الآن ! ! . . وخلينا نفتكر . . وقوفه موقف المتفرج بعد نزوله الى الميادين دون حماية حقيقيه للثوار ! . . وهى المقوله المستمره الى الآن . .انه حمى الثوره والثوار . . امال الشهداء اللى بالمئات فى كافة الميادين ماتوا ازاى ؟ ! . . قتل الثوار من فوق اسطح المنازل ومرور قافلة الجمل من بين صفوفه المحيطه بالميدان وخروج من تبقى منهم دون اى اعتراض من القوات ! ! ثم دوامات الديموقراطيه الحالمه والحافله بالوعود لطلائع الثوار واقناعهم بتكوين احزاب تضاف الى ماكان موجودا من احزاب كرتونيه ! تطميعا فى الوصول للسلطه ! بنبونى بشكل ومذاق مختلف ! ! . . ثم استفتاء الجنه والنار - 19 مارس - على تعديل بعض نصوص دستور 71 وبعدين استغلاله فى اصدار اعلان دستورى فاسد - بحجة ان نتيجة الاستفتاء بنعم هى موافقه ضمنيه على الاعلان ده ! . . وهو ماا دى الى كل الارتباك السياسى اللى حصل بعد كده وابرزه حل مجلس الشعب اللى اتصرف على انتخاباته المليارات ! ! وكان المفروض منطقيا - طبقا لذلك حل الشورى كمان ! - لان انتخابات الاتنين تمت بنفس الاسلوب غير الدستورى ! ! . .. متاهه ديموقراطيه اخدوا الثوار ومن خلفهم الشعب فى ملفاتها طوال عام ونص ! ثم الايحاء بوجود تناحر بينهم وبين الجماعات اللى خرجت من تحت الارض ومن السجون . . تحت سمع وبصر المجلس العسكرى وجهاز مخابراته ( العالمى ! ) وتحولت الى احزاب سياسيه ركبت موجة الثوره ! ! . . التناحر ده اللى اوحوا بيه للناس ( الثوار والشعب ! ) وصل الى قمته قبيل تولى الرئيس الدكتور / مرسى الحكم . . بالاعلان الدستورى المكبل ! - وبعد توليه كمان . . ولكن المفاجأه المدويه . . هى انسحاب المجلس العسكرى من المشهد السياسى . . كده ببساطه ! ! . . وذهاب اغلب اعضائه ورئيسهم المشير / طنطاوى الى التقاعد برضاهم ! ! . . ودفاع الحاكم الجديد ومن خلفه عنهم والى الآن ورفض توجيه اى اتهام لهم . . رغم مسئوليتهم الواضحه والمسجله بالصوت والصوره على الاقل عن موقعة ماسبيرو وعن الاهتراء الامنى - اللى كان مسموح بيه . . والى الآن ! ! ونزيف الاحتياطى النقدى اللى كان - رغم كل النهب والسلب والتهريب ايام مبارك ! - والمحاكمات الهزليه والطياره اللى رايحه جايه شايله المتهم مبارك من المستشفى 9 نجوم والى المحكمه والعوده ! . . مسرحيه كامله تعرف بالكوميديا السوداء هى ماشاهدها الشعب المصرى - الاغلبيه المطحونه ! - منذ نهاية ال 8 1 يوم والتخلى . . والى الآن والى متى وايه حتكون النتيجه ؟ ! . . ده شئ لايعلمه الا الله . . حضرتك بتقول الثوره لسه ما حققتش اهدافها ولم تكتمل ! . . ايوه ومش حتكتمل ولا تحقق اهدافها النبيله واحلام شهدائها . . بأسلوب المليونيات والهتافات والرقص اللى بنشوفه فيها وبعدين انفضاضها بفعل البلطجيه ! . . الطرف التالت او اللهو الخفى المشهور ! ده اسلوب فات اوانه . . خاصة بعد صعود الجماعات الى سدة الحكم ! . . ومش حتنزل ولا يمكن ! . . الا بالشديد القوى ! . . لكن الثوره الحقيقيه فى اعتقادى . . جايه جايه ! ! ولكن باسلوب مختلف ! . . لان الناس المصريين الحقيقيين خلاص روحهم طلعت او قاربت نظرا لصبرهم العجيب ! . . من كل الفساد والشحاته والكذب وادعاء التدين والفقر والجهل والمرض اللى مع كل الاسف ازدادوا جدا بعد ثورة 25 يناير الاولى والاخيره - بنفس الاسلوب ! ! . . رحم الله شهدائئا وشهداء المسلمين والمسيحيين المصرين اللى استشهدوا علشان مصر ترجع للمكانه اللى كانت فيها وهى بالفعل تستحقها لانها ام الدنيا ! رغم انف كل الحاقدين والشامتين الآن ! وياما دقت على الراس طبول !
مش عارف حيجيلك صبر تفرا الرد العجيب ده والا لا . . علشان كده باعتذر لك ولكل واحد دخل مصادفة وصبر وقرا . . لكن عذرى الحقيقى هو حزنى والمى . . الحقيقيين . . على الحال اللى وصلت له الامور ! . . وافتكر ده حال اغلب المصريين . . لكن الحزن العميق والتأمل دايما بيولد الحلم الحقيقى الممكن التحقيق . . وكمان ممكن يودى مستشفى المجانين !
مع كامل الاحترام والتحيه للجميع . . وخاصة المنتدى الجميل

 

__________________
سمير الشربينى غير متواجد حالياً   رد مع اقتباس

 

قديم 21-01-2013, 10:26 AM   #4
سمير الشربينى
الأعضاء
 
الصورة الرمزية سمير الشربينى
 
تاريخ التسجيل: Apr 2010
المشاركات: 233
Wink ثلاثة ايام متواليه . . ترى هل تكون كلها او احدها فارقا ؟ !

 

السلام عليكم
ثلاثة ايام قادمه . . عجيبه فى تعاقبها . . !
اليوم الاول 24 يناير . . هو احياء لذكرى مولد نبى الحريه . . سيدنا محمد عليه الصلاة والسلام
الذى تعود المصريين الاحتفال به كل عام على طريقتهم الفريده . . بشراء حلوى المولد . .
وزمان كانوا بيجيبوا حصان حلاوه للولد وعروسه حلاوه برضه للبنت تحولت مع التطور الى بلاستيك !
وهو مايدعى بعض المتطرفين الذين بزغوا الى الساحه المصريه بغتة ! . . فى القرن الحادى والعشرين وفى عام 2013 . . ان الاحتفال به كفر وضلال ! ! . . عجبى !
اما اليوم الثانى وهو يوم مشهود فى تاريخ المصريين . . وهو 25 يناير وهو احياء لذكرى ثورة شعبيه
سلميه من جانب من قاموا بها . . كان من اهم اهدافها - التى لم تتحقق للأن مع الاسف - ثلاثة اهداف الا وهى
عيش . . حريه . . عداله اجتماعيه . . وهو مايؤدى ان تحقق ! ! الى توفير الكرامه الانسانيه !
اما اليوم الثالث . . وهو 26 يناير . . موعد جلسة النطق بالحكم قى القضيه المعروفه بقضية استاد بور سعيد - والتى يأمل الثكالى من اهالى واصدقاء الشهداء قى صدور حكم عادل قى هذا اليوم المشهود يسهم فى القصاص لهؤلاء الشهداء ويعيد السكينه لقلوب ذويهم . . هى ببساطه قضية شباب مصرى مسالم ذهب الى استاد رياضى
لمشاهدة مباراه فى كرة القدم كما تعود ولكن بعضه سحل و فتل بيد فئه باغيه اعتقد انها لازالت مجهولة الهويه ! ! . . الى الآن . . رغم انها لازالت ايضا تعيث فى مصر فسادا وتدميرا . . ! . . تسمى احيانا بالطرف التالت أو اللهو الخفى ! . . ولااستطيع ان استوعب فكرة ان يكون هناك طرفا خفيا يتلاعب بحياة واقدار شعب ينتمى الى دوله من اعرق الدول . . ويظل خفيا رغم كل الاحداث ورغم كل الاجهزه المفروض انها فاعله ! . . من شرطه ومباحث ومخابرات وامن وطنى - امن دوله سابقا ! - وغيره من الاجهزه التى تصدع ادمغة المصريين يوميا بأنجازاتها . . وتعجز عن كشف هوية ذلك الطرف التالت المجهول . . حتى ينال جزاء اجرامه فى حق الشعب المسالم !
ترى هل يكون اى من تلك الايام الثلاثه المتتاليه فارقا فى التاريخ المصرى الحديث ؟ ! . . ربما . . دعونا نتابع ماسوف تسفر عنه الايام والاحداث !

 

__________________
سمير الشربينى غير متواجد حالياً   رد مع اقتباس

 

قديم 22-01-2013, 09:30 PM   #5
الشاعر سيد شهاب
الأعضاء
 
الصورة الرمزية الشاعر سيد شهاب
 
تاريخ التسجيل: Jul 2011
المشاركات: 237
افتراضي

 

طيب هما مين الاعداء دول
ياأستاذ الفلول
لو على الفلول ممكن أقدر ألمك
4 شورى
و5 وزراء حكومة
غير المصالحات اللى بتم دلوقتى بين الاخوان
والفول
قصدى الفلول

 

__________________
الشاعر سيد شهاب غير متواجد حالياً   رد مع اقتباس

 

قديم 24-01-2013, 11:46 AM   #6
سمير الشربينى
الأعضاء
 
الصورة الرمزية سمير الشربينى
 
تاريخ التسجيل: Apr 2010
المشاركات: 233
Wink كل حاجه اقرب للوضوح . . بس اللى يفكر ويفتكر ! !

 

السلام عليكم
عزيزى الشاعر / سيد شهاب
كل سنه وحضرتك وكل الاخوه فى المنتدى وكل المصريين بخير وسعاده بمناسبة ذكرى مولد الرسول الكريم . .
اللى بيسموهم بعد 12 قبراير 2011 الفلول . . دول امرهم معروف وواضح . . همه شوية مصريين التفوا حوالين النظام المخلوع واستفادوا بكل التسهيلات اللى اداها ليهم فى العلن . . ومن كل الفساد من تحت الترابيزه برضه ! وبعد 12 فبراير 2011 اتلموا واتجمعوا واعادوا الحسابات وهربوا اغلب الفلوس الحرام للخارج . . فى حماية من تولوا السلطه وقتها ! . . والفلوس اللى فضلت وجهوها لحماية ممتلكاتهم فى البلد . . بشتى الوسائل القذره طبعا ! ! مستغلين عوزوجهل فئه ليست بالقليله من الشعب . . ضحايا الاربعين عام انفتاح واستثمار اجنبى ! !
مش دول المشكله . . المشكله الحقيقيه هى فى قئه اخرى تدين بالسمع والطاعه . . دون وعى ! . . لمن يتولوا ارشادهم ! . . وهى فئه عمرها اكتر من تمانين سنه وعاصرت كل الانظمه وكل الحكام اللى مروا بمصر منذ عهد الاحتلال الصريح . . الى عهود الاحتلال المقنع . . الاقتصادى ! ! الحديث ! ورغم كل الاهوال والمعتقلات والتصفيات الجسديه اللى اتعرضوا لها ونزولهم تحت الارض وطلوعهم احيانا وبعدين كمونهم من جديد . . ! ولكن لانهم فئه متلونه بكل الالوان . . واخطرها اللون الدينى . . ! . . استطاعت البقاء ! . . بل والوثوب الى اعلى سلطه فى ام الدنيا . . ! . . استطاعوا مجاراة كل الاحداث اللى مرت بمصر فى العصر الحديث بالكامل والى الآن . . ولكن يبدوا وانهم . . رغم كل النجاحات اللى حققوها . . فيهم عيب اساسى انهم مابيشوفوش الا الاهل والعشيره . . وما يحقق المصلحه . . وبس ! واحنا شفنا حوالى سبعة اشهر من الحكم المطلق لهم . . نتيجتها ايه . . ! ! . . ايه اللى مطلوب نستكين تلاتين سنه تانى علشان نرجع نعيش فى الجاهليه . . بغطاء دينى ! ! مظاهره الملموسه هى الكذب واللوع والكلام الوهمى عن المستقبل المشرق و النهضه اللى مظهرش لها اى بوادر على الارض ! . . بأيدى ابناء الوطن . . كلهم . . والواقع هو الشحاته من كل من هب ودب ومحاولة الاستقواء بالخارج العربى ذو الاجنده الطامعه فى خيرات مصر والمدفوع من الكامن . . فى رأيى خلف كل الاحداث . . العم سام الامريكى ! . . او بمعنى ادق المخابرات المركزيه الامريكيه وهى دوله داخل الدوله هناك !
مشهد عجيب لمن يتذكر . . امتناع عن المشاركه مع الثوار فى البدايه ثم اندفاع فى المشاركه مع مسايره للنظام المتهاوى وعمر سليمان وكمون ومحافظه وعدم انصراف للاحتفال بالنصر حين حدث التخلى فى 12 فبراير 2011 . . ثم السعى التدعيم المراكز والوصول الى بؤر السلطه . . خلف الابواب المغلقه بعيدا عن الاعين ! . . واخنا شفنا اخراج المتهمين الامريكان فى قضية التمويل الاجنبى المشهوره . . واكيد بمباركه منهم ومن المجلس العسكرى وقتها ! ! . . ورغم انف القضاء . . ! وساعتها مفهمناش ! ! . . ثم الواقعه المدويه بأخراج المجلس العسكرى من الحكم . . كده ببساطه ورضا من المحالين للتقاعد ! ! ثم السعى المستمر للسيطره على كل المفاصل ! . . طيب وبعدين ؟ !
فئه تالته فى المشهد . . تبدوعاجزه عن الفعل الحقيقى وتلجأ لاسلوب عقيم تجاوزته الاحداث والتجربه وهو اسلوب المظاهرات والاعتصامات وقطع الطرق والكلام فى الفضائيات . . وهى ماتسمى الآن جبهة الانقاذ الموحده فى العلن . . ولكن الخلافات الكامنه سرعان ماتتفجر عندما تلوح المصالح والانتخابات والكراسى فى الافق !
فئه رابعه واخيره . . وهى القادره حقيقة على رد المظالم . . ولكن بعد تضحيات لابد منها ولايعلم مداها الا الله ! . . ده اذا وجدت من يقودها بأخلاص وتجرد وادر يقنعها بمواقفه الحقيقيه . . مش المغشوشه والسياسيه ! ! . . وشافت له تحقيق امثله على الارض مش مجرد كلام فى الفضائيات !
و فئة الشعب الحفيقى المطحون وهو 80% على الاقل من عدد السكان . . ودول بيشملوا الباحثين عن مصدر رزق شريف ( البطاله ) وحملة الماجستير والدكتوراه اللى ماخدوش فرصتهم لاثبات الكفاءه فى الداخل ومقدروش أو ما رضيوش يهربوا للخارج لتحقيق الذات . . واصحاب المعاشات 8 ونص مليون وعائلاتهم منهوبى المدخرات للآن ! . . واهالى النوبه المهمشين حتى الآن وسكان العشوائيات اللى اتعشوئت بسبب انصراف الحكومات لخدمة سكان القصور والساحل الشمالى ! وحتى الآن ! . . مع الاسف ! كل دول لو اتحدوا همه اللى حيعدلوا الدفه اللى رايحه زى ماالكل شايف وعاجز حتى الآن عن الفعل الحقيقى ! . . الى التخبط فى الصخور ! !
اسأل الله العلى القدير السلامه لارض الكنانه اللى هى محروسه برعايته من قديم الزمان والى يوم الدين . . والعفو والمغفره عن جيل او جيلين من ابنائها اللى جهلوا وافقروا وسرقوا وسرقوا باكتر مما سرقوا . . وساعدوا فى كل ده بفعل السياسه الدنيئه اللى ببتعرضوا لها بعقل مغيب وممسوح !
مع كل الاحترام والتقدير

 

__________________
سمير الشربينى غير متواجد حالياً   رد مع اقتباس

 

قديم 05-06-2013, 12:43 PM   #7
سمير الشربينى
الأعضاء
 
الصورة الرمزية سمير الشربينى
 
تاريخ التسجيل: Apr 2010
المشاركات: 233
Wink ديلمه . . لخبطيطه . . تمكين . . ثم . . تمرد و تجرد . . النتيجه . . صفر . . ! !

 

السلام عليكم
هو التخبط . . ؟ !
عيش . . حريه . . عداله اجتماعيه . . كرامه انسانيه . . ! !
شعارات الثوره الحلم . . تحولت الى احلام . . ! !
الواقع الآن هو . .
انقسام فى المجتمع الى اسلام سياسى يسعى للسيطره بوضوح بمعرفة مكتب الارشاد . . المرشد . . نائب المرشد ( المرشح الاساسى للرئاسه / خيرت الشاطر ) . . الرئيس ( الاستبن ! ) فى الترشح للرئاسه . . والعام اللى فارب على الانقضاء اسفر عن كونه شخصيه عجيبه . . ! . . متئدرش تئول سياسى . . لان له سئطات مضحكه . . متئدرش تقول وفى لعهوده . . لانه اخلف كل ما وعد به ابان فترة الدعايه الانتخابيه . . تماما . . ! وملاحظات عجيبه تانيه كتير . . ! حزب الحريه و العداله . . الذراع السياسى للجماعه . . حزب اسس على اساس دينى . . بوضوح . . ابان حكم المجلس العسكرى . . ولم يعترض احد . . ! وباقى الاذرع الاخرى الظاهر منها . . السلفيين والجهاديين . . رغم الترويج بوجود خلافات . . ترويج مضحك . . ! . . الا انه وقت الجد هم كلهم منتمون لفكر واحد وهدف واحد دينى وسياسى دونه الموت . . وهو احكام السيطره على مصر بشتى الوسائل . . الظاهر منها و الخفى ايضا . . ! ورغم هذا فهم يسلكون الطريق الخاطئ و الملتوى لتحقيق هدفهم . . بينما كان الطريق الاسهل والمؤكد النجاح هو الطريق الصادق والصريح و المستقيم ( وهو مايتفق على الاقل مع صحيح الدين ! ) لان هذا السبيل هو الاصلح لاحتواء الشعب المصرى . . ولله حكمه على مايبدو فى اعمائهم عن سلوك هذا الطرق السوى . . !
ثم مايقال ويروج له بأنه معارضه وجبهة انقاذ وبقايا ثوار 25 يناير . . ! . . وبعض الاسامى الرنانه مثل الدكتور / البرادعى وحمدين صباحى وآخرين . . كلهم مع الاسف منزوعى الدسم . . ! . . التجربه اثبتت كده . . ! . . خاصة الدكتور / البرادعى لاسامحه الله . . ! وسائلهم . . المظاهرات والاعتصامات والهتاف الحنجورى ووسائل الاعلام الساعيه للاثاره بحقيقة الاحداث . . ! . . والبلاك بلوك واخيرا تمرد . . ! . . كلها فيما عدا الاخيره التى لم تجرب بعد وموعدها النهائى 30 / 6 / 2013 . . ثيت قشلها على مدار العام تقريبا مع الحكام الجدد . . اللى واضح انه مش هاممهم اى خراب او دمار او دماء مصريه تسيل فى سبيل تحقيق هدفهم . . لانه زى ماقال الرئيس فى احدى طرائفه الكثيره . . جلدهم تخين . . ! !
وبعدين نيجى للشعب المصرى الحقيقى اللى بيمثل ( على اقل تقدير ) بعد خصم كل ماذكر من قبل . . 80% من التعداد المصرى وهم الفلاحين واغلب العمال والحرفيين والارزقيه واصحاب المعاشات و سكان العشوائيات . . نساء ورجال على حد سواء . . وهم مع كامل الاسف تعشوئوا فى اواخر عهد الرئيس / السادات . . حينما انتهج السياسه الامريكانى وفتح البلاد للصوص ونهازى الفرص ( المستثمرين ! ) . . مرورا بعهد مبارك الذى امعن فى الانفتاح ولكن بأسلوب فيها لخفيها . . ! ياانا ياالفوضى . . ! وحتى فى العام المنصرم الذى تولى فيه الحكم من يدعون انهم اسلاميين . . كل هؤلاء القاده انصرفوا . . للقصور وسكانها ورجال الاعمال والمصالح والبيزنس و . . القروض من كل من هب و دب . . من دم ال 80% . . وعلى حسابهم . . بمقولة ان هؤلاء ازازة زيت وكيلو سكر و3 ارغفه عيش مدعم وربما كيلو لحمه مستورده . . تسد بوئهم . . ! . .
مشيئة الله . . التى هى فوق الجميع ولاترضى ولاتغفل عن الظلم والظلمه . . اقتضت ان تعمى ابصار الظلمه عن العبره . . وتجعلهم يتجبرون بأذلال الشعب ( اغلبيته ) بشح الوقود تاره . . وقطع الكهرباء تارة اخرى . . والتهديد و التلويح بقطع المياه . . ! . . والارهاب بتوطن الارهاب فى الجزء المروى بدماء المصريين بدون استثناء . . سيناء الغاليه . . وغيره من اساليب السياسه القذره مثل الكذب والاعتقال ودهس الكرامه واذلالها . . ! ! ناسين او تم اعمائم ( بفدرة القادر ) عن التمثل بالعبره مما حدث لمن قبلهم وما كان يحدث على مر التاريخ من هبات للشعب المصرى اجتاحت من هم اعتى واقدر منهم . . باعتماد ذلك الشعب الطيب و الشرس عند الضروره على ايمان حقيقى وفطرى بقدرة الله عز وجل وحمايته ورعايته لارض الكنانه المحروسه بعنايته الى نهاية الزمان . . !

 

__________________
سمير الشربينى غير متواجد حالياً   رد مع اقتباس

 

قديم 02-07-2013, 02:46 AM   #8
سمير الشربينى
الأعضاء
 
الصورة الرمزية سمير الشربينى
 
تاريخ التسجيل: Apr 2010
المشاركات: 233
Exclamation الشعب المصرى بالكامل . . الآن . . على سطح صفيح ساخن . . جدا . . !

 

السلام عليكم
هبه جديده من هبات الشعب المصرى . .( النادرة المثال عالميا ) تلك هى حركة تمرد 30 يونيو 2013

ولكن الذى زادها التهابا واشتعالا . . هو بيان القياده العامه للقوات المسلحه الذى طالب فيه قوى الشعب المتعارضه بالتوافق . . وامهلهم 48 ساعه لهذا التوافق . . ! . . ماذا والا . . تدخل هو لرسم خريطة المستقبل التى يجب على الجميع تنفيذها بضمانه وتحت اشرافه . . الى آخره . . تلك المهله ( ال 48 ساعه ) جعلت الشعب المصرى بالكامل من شارك ومن لم يشارك سواء بالتأييد او بالمعارضه يحس بثقل مرور الساعات بل والدقائق وبمدى خطورتها على حاضر هذا الشعب ومستقبله . . فأختلفت ردود الافعال فبينما هلل المعارضون فى ميادين التحرير فى طول البلاد وعرضها لما احسوه من تأييد من القوات المسلحه ( رمانة الميزان ) لمطالبهم وتطلعاتهم وآمالهم فى ازاحة من سرق ثورتهم وانفرد بها . . وعبروا عن هذا بمظاهر احتفاليه تشبه تلك التى حدثت حين اعلن المخلوع / مبارك عن تخليه عن الحكم فى 11 فبراير 2011 . . ويبدوا انهم لم يستوعبوا درس ماحدث لثورتهم الاولى من انتكاسه . . بسبب انصرافهم عن الجديه الى الرقص والتهليل . . ! ! . . اما الفريق الآخر المؤيد لما يقول انها شرعية الصندوق الديموقراطى والذى كان قد اكتفى بحشد بعض قواه فى ميدان رابعه العدويه بمدينة نصر فقط تجنبا للالتحام بالمعارضين فقد احس الخطر الداهم الذى يهدد كرسى الحكم الذى اوصل اليه رمزه الاستبن ( الرئيس الدكتور / مرسى ) بشق الانفس وبعد صبر وتلون وجهاد السنين الطوال . . ذلك الحلم استشعر انه اصبح يتسرب من بين ايديه رويدا رويدا وخاصة بعد بيان القوات المسلحه . . ! . . وطبعا استنفر كل قواه الكامنه والظاهره ( وهو المعروف عنه انه القوه المنظمه ولديه من يأمر ولديه من يطيع . . ! ) لتأييد مايعتقد انها الشرعيه. . ! . . وبالتالى سيظل الشعب المصرى بأكمله على سطح صفيح ملتهب طوال تلك ال48 ساعه الحاسمه . . وربما بعد انقضائها . . بكثير ! . . بين السلم الاحتماعى والتوافق المنشود والانطلاق لبناء ماتهدم . . أو الحرب الاهليه - لاقدر الله - لاول مره فى التاريخ المصرى . ! . . ترى ماالذى تخبئه الاقدار لهذا الشعب الطيب والمقهور والمنتفض لازالة القهر . . . الله اعلم . . ومن افتى بغير ذلك . . هو مدعى علم . . ! !

 

__________________
سمير الشربينى غير متواجد حالياً   رد مع اقتباس

 

قديم 04-07-2013, 09:39 AM   #9
سمير الشربينى
الأعضاء
 
الصورة الرمزية سمير الشربينى
 
تاريخ التسجيل: Apr 2010
المشاركات: 233
Wink والآن . . اصبح لدينا مخلوعان . . ! !

 

السلام عليكم
صباح الفل على الشعب المصرى الحر الذى لايقبل ان يقوده فاشل او فاسد او جاهل
فى ملحمه نادرة المثال عربيا وعالميا ايضا سوف تنسج ملامحها اشعار فيما بعد هدوء الاحوال . . تم خلع الفاشل المخطئ ( كما قرر وكرر هو بنفسه ولسانه امام العالم اجمع . . ! ! ) الرئيس الدكتور ( السابق ) محمد مرسى القذافى ( شرعيه شرعيه . . فى الحاره المزنوقه . . ! ! ) . . وبذلك اصبحت حصيلة ثورات الشعب المصرى حتى الآن . . مخلوعان . . ! !
فى ثوره جديده تماما فى اسلوبها . . غلافها الخارجى . . السلميه . . وباطنها . . الاستفاده من اخطاء ثورة 25 يناير . . اللى تمت بحسن نيه . . ! لاتتناسب مع مواجهة اطماع الطامعين والمتربصين للانقضاض والاستيلاء على درة الشرق . . المذكوره فى القرآن . . المحروسه مصر . . ثورة التمرد على الاخطاء والحهل والظلام والفساد ( تحت عباءة التدين . . ! ! ) ثورة 30 يونيو 2013
الف مليون مبروك للشعب المصرى العبقرى . . من زمان وحتى الآن ! ! . . وجيشه المخلص تحت القياده الواعيه والحكبمه للفريق اول / عبد الفتاح السيسى ( رمانة الميزان ) وشرطته التى عادت من المجهول بقياده رشيده وواعيه للقائد / محمد ابراهيم وكافة المخططين والمنفذين للثوره التمرديه العبقريه التصحيحيه من شباب مصر ( املها ومستقبلها الحقيقى ) واتمنى ان يستمروا واعين بأخطاء الماضى القريب . . وان لاينجرفوا الى دعاوى السياسه والمناصب والديموقراطيه ( الامريكانى ! ) او اية اغراءات اخرى زائفه . . بل يضعوا شعب مصر كله نصب اعينهم . . مع وضع ايديهم فى يد القياده الباسله للقوات المسلحه وقيادة الشرطه المجدده والوطنيه . . بمنتهى الوعى والجديه لتخطى الفتره الانتقاليه الجديده بما قد يشوبها من اخطار( متوقعه ! ) لكى تعود درة الشرق ام الدنيا مصر الى مكانتها التى تستحقها بين الامم الناهضه . . بل وفى طليعتها
يارب . . انت الحارس لمصر وشعبها . . ادعوك ان توفق اولادها المخلصين الى مافيه كل الخير لشعبهم وبلدهم والعالم اجمع . . اللهم آمين

 

__________________
سمير الشربينى غير متواجد حالياً   رد مع اقتباس

 

قديم 07-07-2013, 02:00 PM   #10
سمير الشربينى
الأعضاء
 
الصورة الرمزية سمير الشربينى
 
تاريخ التسجيل: Apr 2010
المشاركات: 233
Exclamation ايه . . فى ايه بالظبط . . ؟ !

 

السلام عليكم
ايه اللى حصل بالامس ده . . ؟ !
هو احنا رجعنا تانى للمشهد اللى كان بعد 11 فبراير 2011 . . ؟ !
اولا . . انا ممن لايثقون فى مقدرة الدكتور / البرادعى على الخروج بالبلاد من الحاله الآنيه . . !
ثانيا . . ازاى لما فرع مما يسمى بالاسلام السياسى يعترض على تكليف رئيس مصر ( وحتى ولو كان مؤقتا . . ) للدكتور / البرادعى برئاسة الوزراء ( وهو مجرد رمز للتغيير ) يتم التراجع عن هذا التكليف بالشكل اللى الكل شافه وتابعه . . ؟ !
ثالثا . . ازاى ( رمانة الميزان ) القائد العام للقوات المسلحه المصريه . . رغم خطواته الجريئه والحكيمه الاخيره . . يشوف مشهد القاء الاطفال والشباب المصريين من فوق اسطح المنازل وقتل المتظاهرين السلميين بيد من يدعون التدين . . ولايحرك ساكنا . . ! ! ؟ . . وازاى المرشد العام يدخل الى حشد رابعه العدويه ( حتى ولو كان منقبا . . ! ) . . ويلقى خطابه النارى والمحرض . . ويسمح له بالخروج دون القاء القبض عليه . . ؟ ؟ ! . . رغم احاطة الامن بالحشد ومشهد الطائره الهليكوبتر وهى تحوم فوق ذلك الحشد . . ! . . االى مزيد من بث الفتنه وقتل المصريين . . ؟ ؟ !
رابعا . . هل عدنا الى مشهد المجلس العسكرى . . يقول اته متواجد لحماية الثوره والثوار . . ويشاهدهم وهم يقتلون امامه . . دون اى تدخل للحمايه الفعليه او حتى للفصل بين القاتل والمقتول . . وبعدين المشهد الديموقراطى السياسى الامريكانى . . وتسليم البلاد للاخوان . . كدهه . . عن طريق الصناديق . . ! ! ؟
خامسا . . ياترى فى النسخه الجديده سوف يتم تسليم البلاد مره اخرى لمجهول لنا ومعلوم لهم . . ؟ ! . . والا سيضطلع القائد العام بصلاحيته ( التى اقر بها والتى ايده عليها الشعب ! ! ) فى حماية الجبهه الداخليه من التمزيق والقتل والعشوائيه قبل حماية الحدود المصريه التى هى مهمته الاساسيه . . ويكون اد كلمته فعلا لاقولا فقط . . ومن حوله جموع الشعب الثائر على الاوضاع التى باتت اكثر ترديا وان لم تواجه بشجاعه وحسم وسرعة تصرف . . فالمجهول هو المنتظر . . اييييه . . هى امريكا تخلى المصريين ركبهم تخبط فى بعضها كده . . ؟ ؟ ! . . ابدا . . ابدا . . لم ولن يكون ده الشعب المصرى المختلف تماما وله من الخصوصيه على مر الناريخ اللى تثبت ده . . ! ! فقط المطلوب من القيادات ان لاتخشى فى الحق لومة لائم . . مها كانت قوته وعلا شأنه . . فالله هو الحق وهو اكبر من الجميع . . ادعوا الله فى تلك الايام المفترجه ان بسترجل الثوار وقادة حملة تمرد والمتمردين على الاوضاع الجائره ومعهم حماة الوطن داخليا وخارجيا وان لاينساقوا خلف خدع السياسه الديموقراطيه الامريكانى تانى . . حتى لايتكرر ماحدث للثوره الاولى ثورة 25 يناير من اخطاء والتى ان تكررت لاسمح الله سوف نكون قد اتجهنا الى المجهول . . !

 

__________________
سمير الشربينى غير متواجد حالياً   رد مع اقتباس

 

إضافة رد

مواقع النشر (المفضلة)

الكلمات الدلالية (Tags)
لثورة, الاولى, الذكري, السنويه, يناير, والاخيره

المنتدى السياسي




أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
فيلم "الطيب والشرس والسياسي" 2011 فى احياء الذكرى الاولى لثورة 25 يناير بجوده TVRip وعلى اكثر من سيرفر Alaa_EraGoN افلام عربى 18 02-04-2012 10:42 PM
كارول سماحة تغنى لثورة 25 يناير 3rafa Mahmoud اخبار النجوم وروابط الفنانين 1 18-03-2011 09:52 AM
عوده مع اقوى النشرات(جون سينا علاجه&جولد بيرج&رى مستريو&فيلم جديد&هوم فيديو&الذكرى السنويه لاوماجا&خطط ريسلمانيا&بيغ شو&سبب فى طرد كافال&جيركو)والكثير KANE المناقشات و الأخبار 48 06-01-2011 09:31 AM

Rss  Rss 2.0  Html  Xml  Sitemap 


الساعة الآن 04:17 AM.


Powered by vBulletin® Copyright ©2000 - 2018, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team



 
 
Bookmark and Share

جميع المشاركات والمواضيع في منتدى لا تعبر عن رأي إدارته بل تمثل وجهة نظر كاتبها