حوارتنـــــا مع ولاد حـــــارتنــــا ..( انتظرونــا مع موضوعات اخرى)

[Student_Of_Liife]

الفيس بوك أول ما أنشأوه على النت ماكانش فيه الأوبشنز اللى موجودة دلوقتى دى كلها.. كان كبيرك تحطى صورة ليكى على البروفايل وحاجات تانية كدة بسيطة..

والفكرة منه إنك تتوقعى شخصية البنى آدم من صورته وطريقة ترتيبه لبروفايله! عشان كدة سموه الفيس بوك
عشان من مجرد صورة الشخص.. ممكن تعرفى شخصيته !

ف بالنسبة للبنات اللى بيحطوا صور ليهم بشكل غير أخلاقى وكدة والولاد كمان.. ف دول بيفضحوا نفسهم وكأنهم بيعرفوا الباقى إنهم هايفين و مش محترمين.. ف الهايف واللى مش محترم هيمشى وراهم وهيصاحبهم..
لكن المحترم العاقل هيبعد عنهم وهيقرف منهم!!
وزى مابيقولوا كدة الطيور على أشكالها تقع

و بقى الفيس بوك جزء لا يتجزأ من الإنترنت عموماً.. الإتنين فيهم الحلو وفيهم الوحش
يعنى لو ماكانش الفيس بوك موجود.. عادى جداً
المواقع الإباحية والبنات _اللى ربنا يهديهم_ ماليين النت واللى عايزهم هيدور عليهم وهيوصلهم!

ربنا سبحانه وتعالى خلقلنا الوحِش برضه زى ما خلقلنا الحلو.. عشان يبان الناس العاقلة اللى بتعرف الصح من الغلط واللى عارفة مصلحتها.. من الناس التانية الهايفة اللى شخصيتهم ضعيفة ووخداهم شهوات الدنيا ومضيعين مصلحتهم بإيديهم _ربنا يهديهم جميعا_

بس أنا ملاحظ إنك إتكلمتى عن سلبيات الفيس بوك بس.. لكن بالعكس هو ظهر فيه إيجابيات كتير حلوة..

وهى الجروبات الإسلامية اللى ظهرت فيه واللى ما شاء الله بينشروا معلومات دينية بيخلوا الواحد يعرف حاجات عن دينه ماكانش يعرفها..
وفى كل وقت للصلاة تلاقيهم يكتبوا فى الstatus للناس إنهم يقوموا يصلوا _أنا نفسى كانوا ياما بيفكرونى أقوم أصلى بال status بتاعتهم دى!_

فى برضه جروبات تانية زى حدث فى مثل هذا اليوم وجروبات الرياضة وجروبات الأخبار المحلية والأجنبية وحاجات تانية كتير حلوة

يعنى من الآخر معلومات وأخبار الواحد بيبقى نفسه يعرفها وبيلاقيها جاياله لحد عنده من غير ما يدور عليها!!

عشان ردى مايبقاش طويل بس.. ربنا يهدينا ويهدى الجميع ويثبتنا على الحق ويبعدنا عن شهوات الدنيا وعن هيافتها..

وشكراً ليكى على الموضوع

 

[:: Lonely Mody 4 Ever ::]

ازيكم يا شباب عاملين ايه يا رب تكونوا بخير ان شاء الله وكله تمام
ف الأول أحب أشكر سندس على الفكرة الجميلة دى لأن الفيس بوك
سلاح ذو حدين فعلاً .. وكمان بشكر هبه على تقديمها الموضوع بالطريقة
الجميلة والترتيب الشيك لطرح الفكرة طبعاً ...
ثانياً .. يا شباب آرائكم كلها عجبتنى وبصراحة ردود مقنعة جداً ومفيهاش
أى ذرة شك انها تكون غلط أو غير مقنعة بالمرة .. لكن هناك كلمة أنا بصراحة
أثارت دهشتى ع الطريقة التى كتبت بها هذه الكلمة وهى فى رد أختنا المشرفة العزيزة
Malket Saba وهي كلمة

لما اتعرب " لم "

طيب انا بجد نفسى اعرف ايه اتعرب يعنى ولم ازاى .. وازاى تخرج الكلمة دى اساساً
الكلمة طبعاً اهانة لكل العرب ولا انتى يا نودى مش واخدة بالك من انك انتى كمان عربية
والفيس بوك يا جماعة دا طريق يا تسلكه صح يا تسلكه غلط ولو غلط
هييجى فوق دماغك ويطبل زى ما بيقولوا .. أما بقى لو ماشى صح بقى
هتلاقى الدنيا جميلة معاك .. أنا عن نفسى عامل أكونت عليه بس مش عليه
غير 3 أصحاب بس لأنى بصراحة كدا كرهت الفيس بوك من أول ما عملت
الأكونت عليه حسيت انه كدا طريق للفساد اساساً محدش بيسلكه بجد خالص
يعنى ايه الواحد يتعرف على ناس ويتكلم معاهم وهو مش عارف دول مين اساساً
او كلامهم صح أو غلط ولا ايه النظام يعنى .. أنا بجد مش فاهم .
بس أنا تعليقى الأكتر على كلمة " لم " اللى كتبتها ندا ملكة سبأ بصراحة وعاوز
تفسير منها للكمة دى فى سبيل الموضوع للنقاش والتعليقات المطروحة والتعليق عليها .

تقبلوا مرورى وفائق احترامى

 

[Gloming]

شكرااااااااااااا جدا يا جماعه على الردود الجميله ده وياريت الناس بس تفهم بيتبصلها ازاى وخاصة البنات اللى مش عارفه هى بتعمل ايه
ربنا يهدى
وشكرا جدااااا لسندس على مساندتها ليا فى التوبيك وبصراحه افكارها نيره
وشكرا للناس اللى ردت وبعتذر عن النقاش لانى اتاخرت اوى وده تقصير منى وبعتذر بشده وانتظرونى فى موضوعات اخرى قريبااااااا

 

[:: Lonely Mody 4 Ever ::]

طيب انا نفسى نتكلم عن موضوع

:: أقنعة الغرور ::

ونفسى يعنى عشان الغرور بقى مالى العين
والدمع على الخدين

 

[سمسمه وبس]

فعلا موضوع جميل وجديد وانا برشحه :: أقنعة الغرور ::

 

[Gloming]

اوك يا محمد
حلو اقنعة الغرور
هنشوف راى الاعضاء

 

[مصر التى فى خاطرى]

ياريت موضوع زى دة يرجع تانى وتناقش فيه بنفس جمال الاسلوب وروعته
بجد موضيع جميله واسلوب اعضاء جميل جدا اتمنا يارب كل الحوارات تدار بالشكل دة
ياريت نرجع الموضوع دة من تانى ونبداء النقاش فيه
ولو ممكن نحدد موضوع نتكلام فيه

 

[kemo lover]

أقنعة الغرور
موضوع جميل ومفيد
وشكرا على التوبيك الرائع

 

[mido ghost]

ياريت هبه تشغل التوبيك ده تانى
لانه كان جميل بجد