حوارتنـــــا مع ولاد حـــــارتنــــا ..( انتظرونــا مع موضوعات اخرى)

[A F r i C a N o]

تدنى مستوى الطب فى مصر وخاصة فى المستشفيات العامه

انا برشـَـح دا برده

 

[سمسمه وبس]

تدنى مستوى الطب فى مصر وخاصة فى المستشفيات العامه

وانا برشح ده بردوا

 

[سندس]

تدنى مستوى الطب فى مصر وخاصة فى المستشفيات العامه

موضوع مهم ..

برشحه أنا كمان

 

[Gloming]

تدنى مستوى الطب فى مصر وخاصة فى المستشفيات العامه

الطب المصرى فى حاله يرثى لها ... وكل فئاته بتعانى من اهمال كبير ...
وطبعا الاهمال ده مش من مجرد الاطباء والممرضات مثلا والقائمين على الطب والعلاج والتمريض فقط لا الموضوع اكبر من كده بكتير بدليل ان الناس اتكلمت كتير واشتكت اكتر والاعلام كان ليه دور برضه فى انه يندد بالطب المصرى لكن لا حياة لمن تنادى

طبعا لو حبينا اننا ندرج الاهمال ده كله ونحصره فى نقط استحاله هنقدر نجمعه كله لانه لا يعد ولا يحصى ( من وجهة نظرى طبعا )

اهمال المستشفيات من عدم وجود رعايه طبيه ترعى المريض من نظافه وعلاج واهتمام

الاطباء اللى بيعملوا العمليات غير مبالين بصحة المريض اللى ينسى فوطه واللى ينسى جفت داخل احشاء المريض او تزحزح انبوب الاكسجين من المريض وتعرضه لغيبوبه تودى بحياته

الممرضات اللى بيعاملوا المرضى على انهم عبء فاقد الاهليه غير مبالين بالمريض وصحته

الادوات التى لا تلقى عنايه كامله من ناحية التطوير والنظافه
التامين الصحى اللى مفروض انه بيساعد الطلبه واولياء الامور منتهى الاهمال وسرقة الادويه علنا

المستشفيات العامه عامة لا تتمتع الا بالاهمال وعدم الاهتمام ولا تصلح اصلا للاستعمال الادمى

وبالاضافه لاسعار الادويه الباهظه لا يستطيع دفعها الموظف المصرى البسيط

حاجات كتير اوى لو حكينا فيها مش هتنتهى

لكن السؤال الاهم هل الاهمال ده من القائمين فى المستشفيات ؟ ولا الموضوع من الرقابه نفسها ؟
ايه السبب فى انحدار الطب والمستشفيات المصريه على وجه التحديد؟

وهتكرك لحضراتكم باقى الحوار ......

 

[EsL@M HeRe]

معاكى حق يا هبة لان المستوى الطبى متدنى جدا فى مصر
الواحد الايام دى لما بيحصله حاجة والمستشفى العامة تكون جنبه بيرفض يروحها عشان المستشفيات الايام دى لبقى فيها ادوية ولا اجهزة سليمة ولا دكاترة مميزين ولا حتى ممرضين يعرفوا يعتنوا بالمريض ................
وطبعا سمعنا الايام دى ان بتوع التامين الصحى اللى معندهومش ضمير اصبحوا بيسرقوا الادوية عشان يبعوها للصيدليات ...........
انا بصراحة مش عارف السبب فى ده مين وازاى نعالجه فى الزمن ده اللى مشاكله كترت اوى ........

 

[سندس]

فيه كتاب صغنن صدر من فترة بسيطة تبع سلسلة الهلال إسمه ( ساعة عدل واحدة ) تأليف دكتور

بريطاني إسمه ( سيسيل ألبورت ) .. والكتاب ده بيتكلم عن حال المستشفيات المصرية من الفترة

1937- 1943 .. وسيسيل ألبورت ده كان دكتور بريطاني موجود فى مصر .. بيحكي فى الكتاب

عن مهازل كانت موجودة فى المستشفيات قد تصل بيكي وإنتى بتقرأى الكتاب للضحك من منطلق

شر البلية ما يضحك .. يعنى مثلا يقولك إن وزير الصحة فى الفترة دي أنكر بتاتاً إن فيه تيفود فى

مصر ثم بعد تصريحاته دي يموت هو نفسه بالتيفود ..تحسى وإنتى بتقرأى الكتاب ده إن حال

المستفيات زمان لم تتغير عن الحال دلوقت ..ويقولك مثلا إن الممرضين كانوا بيسرقوا الدواء من

المستشفى علشان يبعوه بره .. وإن مكنش فيه فحص شامل فى المستشفيات للمرضى ويتم كتابة

دواء للمريض دون فحص .. اشياء كثيرة تشعرى وإنتى بتقرأى الكتاب أنه بيتكلم عن العصر

الحالي وعن مهازل المستشفيات الحكومية دلوقت ..فأجساد الفقراء حالياً مستباحة فى

المستشفيات العامة وبيتدرب عليهم كمان طلبة الطب ..والعملية كلها ماشية بالبركة حتى أن

فى بعض المستشفيات والمستوصفات خصوصاً فى دار السلام والبساتين وفيصل وإمبابة بيجيبوا

طلبة سنة خامسة وسادسة طب ويشغلوهم على أساس أنهم دكاترة إمتياز وطبعا مديري

المستوصفات راضيين بده لأنهم موش حياخدوا فلوس دول ناس جاية تتدرب ..مع العلم ان

المسئولين عن المستوصفات دى فى الغالب موش بيكونوا دكاترة ولا لهم أى علاقة بالطب ..حتى

أن واحد مفصول من سنة تالتة شغال مدير عيادات فى مستوصف وبيكشف على العيانين..

فى مهزلة فى الدنيا أكتر من كده..وبعدها يأتي الأطباء ليعترضوا على المهازل الطبية التى تنشرها

التى تنشرها الصحافة بدعوى أنى ذلك يقلل من هيبة الطب والطبيب وكأن المفروض

نهيل ركام من الغبار على الأخطاء المهنية القاتلة علشان سمعة الطبيب ..ويكفى أن زوجة

وزير الصحة حاتم الجبلى بتتعالج خارج البلاد ولما أراد الرئيس يعمل عملية سافر خارج البلاد

وكأن المسئولين بيقروا أن معندناش حاجه إسمها طب .

شكرا يا هبه على فتح باب الحوار وانا بس قولت جزء من اللى عندي

فالكلام فى الموضوع ده ذو شجون .

 

[A F r i C a N o]

بصى يا هـبة انا معاكى ف كل كلمة قولتيهــا
بس انا فى موضوع عاوز اكلمك فيــه
انا والدى كان مدير مستشـفى عـَـام تمام
بيقولى ان المريض مهما اتقدم له من خدمـَـاتْ مش بيبقى راضى
مع ان الخدمـات دى هى أكبر ما فى وسعهم يعملوها
يعنى إيــه مريض يموت اول ما يدخل المستشفـى طبعا قدر الله ومشـاء فعـَـلْ
أهله يجو يكسـروا المسـتشـفى وعاوزين يضربوا الدكـاترة ؟؟؟
وغيـرْ كدا فعلا فى ناس معندهاش ضمير هما الى بيبقوا مسؤولين عن حياه الناس دى
يعنى افتكر ف مرة ان الوزير عمل زيارة مفاجاه الساعة 10 ملقاش غير 5 اطباء من اصل 15
لقى ف غرف العمليـات ملابس داخلية هههههههههههههههههه اه والله بجد
وبعد ما حققوا لقو ان الدكتـور بتاع الكلية الصناعية الى هو مركز غسيل الكلى طالع له ارباح
ملاييـن بسبب قرارات العلاج ع نفقة الدولة طبعا محدش هيفهمها
يعنى واحد معاه قرار انه يتعالج ب 3000 جنيـه ف الشهـَـرْ الدكتور يصرف له علاج ب 200 جنيـه
والباقى يقسمه هو والى معـَـاه
بس ف الاخر هـقولك ان لو حد عنده ضميـر هو المسؤول عن المستشفى والله والله بتبقى احلى من المستشفيات الخاصة يعنى المستشفى الى عندنا والله تسـتاهل انها يتقال عليها مستشفى 5 نجوم
وقت ما بيحصل اي حاجة بنلاقى رعـاية فـٌـوق الوصـف
والسبب ف كدا ان الى مسؤول عنها حد عنده شوية ضميـرْ
والى بيتابع الناس دول حد عنده ضميـرْ برده
وأكيد السبب ف انحدار الطب والمستشفيات اكيد عدم الضمير واللا مبـالاه ف حيـاه الناس

 

[Gloming]

EsL@M HeRe

الواحد الايام دى لما بيحصله حاجة والمستشفى العامة تكون جنبه بيرفض يروحها عشان المستشفيات الايام دى لبقى فيها ادوية ولا اجهزة سليمة ولا دكاترة مميزين ولا حتى ممرضين يعرفوا يعتنوا بالمريض ................
وطبعا سمعنا الايام دى ان بتوع التامين الصحى اللى معندهومش ضمير اصبحوا بيسرقوا الادوية عشان يبعوها للصيدليات ...........
انا بصراحة مش عارف السبب فى ده مين وازاى نعالجه فى الزمن ده اللى مشاكله كترت اوى

والله عندك حق الواحد بقى بيخاف من المستشفيات العامه ده جدا
وبيخاف اصلا انه يروح ويتعالج فيها واول حاجه بيلجا لها هى المستشفيات الخاصه
والتامين الصحى سئ جدا منتهى الاهمال فى حق الطلبه والادويه وغير السرقه اللى بقت علنى وخصوصا فى الادويه

حاجات كتير لو فضلنا نحكى فيها مش هنخلصها
شكرا ليك يا اسلام نورتنى

 

[Gloming]

سندس

تحسى وإنتى بتقرأى الكتاب ده إن حال

المستفيات زمان لم تتغير عن الحال دلوقت ..ويقولك مثلا إن الممرضين كانوا بيسرقوا الدواء من

المستشفى علشان يبعوه بره .. وإن مكنش فيه فحص شامل فى المستشفيات للمرضى ويتم كتابة

دواء للمريض دون فحص .. اشياء كثيرة تشعرى وإنتى بتقرأى الكتاب أنه بيتكلم عن العصر

الحالي وعن مهازل المستشفيات الحكومية دلوقت

يعنى من كلامك نفهم ان تطورات العصر مقدرتش تغير حاجه فى المستشفيات المصريه وانها حتى مغيرتش تعاملات الدكاتره ولا الممرضات
تصورى بقى لما الكلام ده يحصل ادامنا وادام المسئولين الكبار اللى بيتحكى عنهم حكايات وان الحال ايام ما كان فى اوبئه وجهل هو هواه الحال حاليا مع تطورات العصر اللى بنحكى عنها
بذمتك مش حاجه تكسف ... الصحه اللى المفروض نهتم بيها واحنا 80 مليون مفيش اى اهتمام وكانهم عاوزين ياكلوا مننا علشان نقل

.فأجساد الفقراء حالياً مستباحة فى

المستشفيات العامة وبيتدرب عليهم كمان طلبة الطب ..والعملية كلها ماشية بالبركة حتى أن

فى بعض المستشفيات والمستوصفات خصوصاً فى دار السلام والبساتين وفيصل وإمبابة بيجيبوا

طلبة سنة خامسة وسادسة طب ويشغلوهم على أساس أنهم دكاترة إمتياز وطبعا مديري

المستوصفات راضيين بده لأنهم موش حياخدوا فلوس دول ناس جاية تتدرب ..مع العلم ان

المسئولين عن المستوصفات دى فى الغالب موش بيكونوا دكاترة ولا لهم أى علاقة بالطب ..حتى

أن واحد مفصول من سنة تالتة شغال مدير عيادات فى مستوصف وبيكشف على العيانين..

فى مهزلة فى الدنيا أكتر من كده..وبعدها يأتي الأطباء ليعترضوا على المهازل الطبية التى تنشرها

التى تنشرها الصحافة بدعوى أنى ذلك يقلل من هيبة الطب والطبيب وكأن المفروض

نهيل ركام من الغبار على الأخطاء المهنية القاتلة علشان سمعة الطبيب

والله انا مش عارفه اقولك ايه اللى بتقوليه ده مهازل مفيش رقابه مفيش متابعه ومفيش اى حد بيدور على الناس اللى موجوده فى المكان ده اللى المفروض بيبقى عليه رقابه جامده لانه مكان بيودى بحياة البشر
فين الكلام ده كله مفيش
يعنى لو لقينا جزار بيتشغل دكتور فى مستشفى المفروض منستغربش لان ده هيبقى عادى
خلاص الطب مش محتاج كليه ولا دكتوراه ... وعجبى

وبعدها يأتي الأطباء ليعترضوا على المهازل الطبية التى تنشرها

التى تنشرها الصحافة بدعوى أنى ذلك يقلل من هيبة الطب والطبيب وكأن المفروض

نهيل ركام من الغبار على الأخطاء المهنية القاتلة علشان سمعة الطبيب

وهم اللى غلبوا يتكلموا فى الطب ومشاكله كانوا عملوا ايه اصلا؟؟ ولا اى حاجه
كله كلام فى الفاضى
وطبعا الدكاتره مضايقين ان فى حد بينتقض لانهم مش عاوزين حد يتفرج على بلاويهم

ويكفى أن زوجة

وزير الصحة حاتم الجبلى بتتعالج خارج البلاد ولما أراد الرئيس يعمل عملية سافر خارج البلاد

وكأن المسئولين بيقروا أن معندناش حاجه إسمها طب .

مفيش غير رد واحد ... "اذا كان رب البيت بالدف ضاربا فشيمة اهل البيت الرقص "

هما بيروحوا بره علشان يتعالجوا واحنا نروح نحضر الكفن قبل ما نروح مستشفياتنا العامه والحكوميه

اشكرك بجد مناقشتك ومتابعتك للتوبيك بتزيدنى شرف
تحياتى ليكى منورانى والله

 

[Gloming]

A F r i C a N o

بيقولى ان المريض مهما اتقدم له من خدمـَـاتْ مش بيبقى راضى
مع ان الخدمـات دى هى أكبر ما فى وسعهم يعملوها
يعنى إيــه مريض يموت اول ما يدخل المستشفـى طبعا قدر الله ومشـاء فعـَـلْ
أهله يجو يكسـروا المسـتشـفى وعاوزين يضربوا الدكـاترة ؟؟؟
وغيـرْ كدا فعلا فى ناس معندهاش ضمير هما الى بيبقوا مسؤولين عن حياه الناس دى

محمد اذا كان والدك كان بيراعى ربنا وضميره فى عمله فده يعتبر واحد وسط الالاف وهى ده المصيبه وده اللى خلى اهل المريض اللى متوفى يروحوا ويبهدلوا الاطباء لان للاسف فى مشاكل كتير بتبقى بسبب الطبيب طبعا الموت من عند ربنا وقدرنا كلنا بس المشكله الاكبر ان لو دورنا هنلاقى نص اللى بيموتوا دول فى المستشفيات بيبقى السبب الغير مباشر هو الاطباء واكيد انت عارف الكلام ده

يعنى افتكر ف مرة ان الوزير عمل زيارة مفاجاه الساعة 10 ملقاش غير 5 اطباء من اصل 15
لقى ف غرف العمليـات ملابس داخلية هههههههههههههههههه اه والله بجد
وبعد ما حققوا لقو ان الدكتـور بتاع الكلية الصناعية الى هو مركز غسيل الكلى طالع له ارباح
ملاييـن بسبب قرارات العلاج ع نفقة الدولة طبعا محدش هيفهمها
يعنى واحد معاه قرار انه يتعالج ب 3000 جنيـه ف الشهـَـرْ الدكتور يصرف له علاج ب 200 جنيـه
والباقى يقسمه هو والى معـَـاه

يعنى هو لما عمل الزياره المفاجئه ده وحقق عمل ايه بعدها ولا اى حاجه طبعا عاد الامر لما كان عليه وبل بيزداد سوء كمان
واديك بتقول العلاج على نفقة الدوله فى ناس تانيه بتسرق منه وكمان مستفيده تصور بقى انت كمية الحقوق اللى بتتسرق وليه كل ده
لغيـــــــــــــــــــــاب الرقـــــــــــــــــابه
مفيش حد بيتابع ولا بيفتش على الناس ده
الطب المصرى من سئ لاسوء وده كله من الناس اللى معندهاش ضمير
بتعيش على قوت وتعب ومرض الناس اللى هى اصلا مش لاقيه العيش الحاف
والموضوع كله ضمير ودين ورقابه ومتابعه
فى مثل بيقول" المال السايب يعلم السرقه "

حسبى الله ونعم الوكيل فعلا
شكرا ليك يا محمد ردك كان وافى والله للموضوع
نورتنى