العودة   منتديات مزيكا تو داى > المنتديات العامة > منتدى المرأة

منتدى المرأة Fashion, Beauty Tips & Health ..كلام عن الموضه والمكياج

إضافة رد
 
أدوات الموضوع إبحث في الموضوع انواع عرض الموضوع
قديم 15-02-2010, 06:50 AM   #1
اعز الناس وبس
عضو مزيكاوي
 
الصورة الرمزية اعز الناس وبس
 
تاريخ التسجيل: Nov 2007
الدولة: فى الركن البعيد الهادى
العمر: 23
المشاركات: 2,267
افتراضي شبكة العروسة ( تلبيس ولا تدبيس ) ..؟!

 

 



شبكة العروسة تلبيس تدبيس ..؟!

عندما تتعالى أغنية الفنانة شادية "يا دبله الخطوبة عقبالنا كلنا ونبني طوبة طوبة في عش حبنا" في الفرح أو الخطوبة طبعا فمعناه أنه قد حانت لحظة "تلبيس" الدبل والشبكة..

طبعا الكل بيبقى فرحان وهات يا تصوير وزغاريط، لكن حد فكر في الشبكة دي جابها العريس إزاي؟ دفع فلوسها منين؟ على ذوقه ولا ذوق مين؟..

اللي دايما كنا بنسمعه أن "الشبكة هدية العريس للعروسة"، لكن للأسف تحولت الشبكة في الزمن ده إلى "هدية بشروط"، يعني تلاقي وقت الاتفاقات أهل العروسة يقولوا للعريس الغلبان: "والشبكة يا بني دي هديتك للعروسة.... وتظل الأقواس مفتوحة لا تقفل والكلام يستمر مش بيخلص.... "بس عايزين نعرف حتجبها بكام؟"... ولو العريس سكت شوية تلاقي الكلام: "إحنا بس عايزين نعرف حدود إمكانياتك".

أو تلاقي أبو العروسة بكل "تناكة" بيقول: "والشبكة دي هديتك للعروسة ... إن شاء الله تكون 15 ألف".. تزيد أو تنقص طبعا حسب كل أسرة، ولو جت من العريس وقال: "أنا ح جيب شبكة بـ 10 آلاف" .. تلاقي الرد: "طيب ما تزودها شوية خليها 12.. وكله ح يبقى في بيتك في الآخر".. ما هي تجارة وفصال!.

أو تلاقي أم العروسة تقول: "الشبكة تكون زي أختها"، ولو معندهاش أخت تقول: "بنت أختي جالها شبكة بكذا"، ولو اعترض العريس تلاقيها تقول بحنان: "عايزين نفرح البنت".. يعني هي البنت كانت زعلانة طول عمرها عندكو ودهب العريس هو اللي ح يفرحها ويطلعها من الحزن؟!

أما اللي يفرس فعلا لما العريس يرضخ لطلبات الحاج والحاجة عشان عيون بنتهم، أن الناس مش تسكت بقى لا تلاقي الحاجة تقول: "والدهب بقى ح نجيبه من الجواهرجي بتاعنا"... ماشي يا أمي أكيد الجواهرجي ح يكرمنا وينزل من المصنعية، بس مش شايفة أن كلمة "بتاعنا" دي تفرس شوية؟!!

ولو وافق العريس على كل الشروط اللي فاتت على "هديته"، وتم تحديد موعد للشراء ممكن يحصل شيء آخر، يلاقي العريس موبايله بيرن قبلها بيوم ويكون المتصل والد أو والدة العروسة: "إحنا بقى ح ننزل يا بني ننقي الشبكة النهاردة.. أصل فلانة قريبتنا ما شاء الله عليها بتفهم في الدهب كويس.. والجواهرجية بيعملوا حسابها.. وكمان عشان وقت الشرا ما نخدش وقت طويل"!

كماااان.. يعني أنتوا اللي بتنقوا الهدية، وح تخترها الست فلانة مش العروسة ومش سايبن حتى العريس يقول رأيه!.

وطبعا يوم الشراء وسط الأسرتين ما على العريس إلا دفع دم قلبه تمن الشبكة ولا يُبدي رأيه، ما هو لو أبداه يعني بيعدل على ذوق الست فلانة الخبيرة وأهل العروسة اللي بيثقوا في ذوقها، ودي معناها أنه بيشتمهم!.

حاجة كمان بتلاحظها يوم شرا الشبكة على الستات اللي جايين من طرف العروسة، كلهم لابسين الدهب اللي عندهم كله، واللي ممكن يكونوا مستلفينه من الجيران، وطبعا ده عشان يبينوا أن عندهم دهب ومجوهرات تلبسهم من ساسهم لراسهم، وأن الدهب اللي العريس ح يجيبه نقطة في بحر!.

عند وزن الجواهرجي للشبكة تلاقي العريس –يا ولداه- ضربات قلبه بتزيد ومستني كلمة الجواهرجي عن تمن الجرامات كأنه مستني نتيجة الثانوية العامة، وطبعا وأكيد وحتما الشبكة اللي اختاروها تطلع أزيد من التمن المتفق عليه أو اللي العريس عامل حسابه عليه، وهنا تلاقي أبو العروسة بكل دهاء يقول: "خلاص أنا هشيل الزيادة"، لكن العريس من سذاجته ولأنه عارف أنه خلاص "إدبس" ح يقول: "لا لا يا عمي.. خلاص خلاص مفيش مشكلة.. أنا عامل حسابي"، وهو يا عيني مستلف الفلوس وح يدفع اللى وراه واللى قدامه.

ويكتب الجواهرجي الفاتورة ويسأل السؤال المعتاد: "أكتبها بإسم مين؟"، وتبتدي المشكلة بين الأهل "بإسمها".. "لأ بإسمه"، ويعدي الموقف بتسليم العريس لأنه مش عايز مشاكل وفضايح من أولها.

وتتحط الشبكة في علبة شيك، وتظهر المشكلة التانية.. لحد وقت الفرح الشبكة ح تكون عند مين العريس ولا العروسة؟.. "إنتوا مش واثقين فينا ولا إيه"، "لازم أفرج الشبكة لأخواتي وبنات العيلة".. وبرده يرفع العريس الراية البيضا للمرة التانية.

آدي ما يفترض أنه "هدية العريس للعروسة".. لا حول للعريس ولا قوة في اختيارها، وحتى دبلته هو، بتكون على ذوق العروسة..

فعلا: "الراجل مش بس بكلمته.. الراجل بموافقته على شروط هديته"!!.

شبكة العروسة تلبيس تدبيس ..؟!


للمزيد من مواضيعي

 

الموضوع الأصلي : شبكة العروسة ( تلبيس ولا تدبيس ) ..؟!     -||-     المصدر : منتديات مزيكا توداي     -||-     الكاتب : اعز الناس وبس



af;m hguv,sm ( jgfds ,gh j]fds ) >>?! jgfds j]fds af;m

 

 

 


اعز الناس وبس غير متواجد حالياً   رد مع اقتباس

 

قديم 17-02-2010, 08:02 AM   #2
قلبى مغمى عليه
عضو مزيكاوي
 
الصورة الرمزية قلبى مغمى عليه
 
تاريخ التسجيل: Sep 2009
الدولة: قلب أمى
المشاركات: 1,754
افتراضي

 

لا تدبيس ولا تلبيس

ده بعيد عنك

تفليس

 

__________________

قلبى مغمى عليه غير متواجد حالياً   رد مع اقتباس

 

قديم 17-02-2010, 08:13 AM   #3
nada saleh
عضو مزيكاوي
 
الصورة الرمزية nada saleh
 
تاريخ التسجيل: Nov 2009
العمر: 22
المشاركات: 1,065
افتراضي

 

ههههههههههههههه طب والله ضحكتنى وانا ماليش مزاج اضحك

 

__________________
[IMG]http://i48.*******.com/2q06kpy.jpg[/IMG]
nada saleh غير متواجد حالياً   رد مع اقتباس

 

قديم 17-02-2010, 05:27 PM   #4
الست ريرى
عضو مزيكاوي
 
الصورة الرمزية الست ريرى
 
تاريخ التسجيل: Dec 2008
الدولة: بعيش فى بلد صغننه اسمها جمهوريه الالعاب جوه حضن بلدى الحبيب مصر
المشاركات: 2,854
افتراضي

 

هههههههههههههههههه
اكيد تدبيسه وتفليسه

 

الست ريرى غير متواجد حالياً   رد مع اقتباس

 

قديم 19-02-2010, 08:28 AM   #5
اعز الناس وبس
عضو مزيكاوي
 
الصورة الرمزية اعز الناس وبس
 
تاريخ التسجيل: Nov 2007
الدولة: فى الركن البعيد الهادى
العمر: 23
المشاركات: 2,267
افتراضي

 

هههههههههههههه
تسـلمو والله ع المرور ..

 

اعز الناس وبس غير متواجد حالياً   رد مع اقتباس

 

إضافة رد

مواقع النشر (المفضلة)

الكلمات الدلالية (Tags)
العروسة, تلبيس, تدبيس, شبكة, ولا

منتدى المرأة


Ads


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Rss  Rss 2.0  Html  Xml  Sitemap 


الساعة الآن 05:19 PM.


Powered by vBulletin® Copyright ©2000 - 2014, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team



 
 
Bookmark and Share

افلام عربى | افلام اجنبى | اغانى | كليبات | لقاءات | عروض المصارعه | مسلسلات | مسرحيات | العاب | برامج | موبيل | رياضه 

العاب فلاش - العاب بنات - العاب سيارات - العاب اكشن

ألعاب المغامرات | أكشن وقتال | العاب عربيه | الذكاء والألغاز | العاب اطفال | العاب ورق | ألعاب الفتيات | ألعاب ثقافية | العاب رياضية | العاب سيارات

جميع المشاركات والمواضيع في منتدى لا تعبر عن رأي إدارته بل تمثل وجهة نظر كاتبها