العودة   منتديات مزيكا تو داى > المنتديات العامة > المنتدى العام

المنتدى العام General
Talk about anything ...اتكلم براحتك

موضوع مغلق
 
أدوات الموضوع إبحث في الموضوع انواع عرض الموضوع
قديم 14-09-2009, 01:16 PM   #1
A.h.m.e.d.111
عضو مزيكاوي
 
الصورة الرمزية A.h.m.e.d.111
 
تاريخ التسجيل: Sep 2007
الدولة: !!Egypt !!
العمر: 24
المشاركات: 4,413
إرسال رسالة عبر Yahoo إلى A.h.m.e.d.111
افتراضي العيد فرحه ........ واجمل فرحه ........ فعلا العيد فرحه ولا كلام اغانى

 

أولا عيد سعيد عليكم و على الأمة الإسلامية كلها
أناحبيت أطرح الموضوع ده و أعرف رأيكم فيه
هوه اه لسه فاضل شويه على العيد بس مش كتير

هل فعلا العيد فرحة.. وأجمل فرحة ... ؟؟؟

أول حاجة تعالوا نعمل مقارنة بين العيد دلوقتي و العيد زمان ...

ليلة عيد الفطر - 1958

والأطفال الصغار متجمعين حول والدتهم الجالسة إلى جوارهاالخالات والعمات ينظمون العملية الكبرى المعروفة باسم "كحك العيد" فواحدة منهن تقومبأخذ العجين من الأطباق، وأخرى تقوم "بنقشه"، وثالثة تضعه في الفرن المخصص، ينطلقجرس الباب:
-
ترررررررررن ترررررررررن!

يتقافز الأطفال في فرحة، ويصيحونفي صوت واحد
-
أبويا جه أبويا جه!

ثم، وهم يفتحون الباب في سرعة، يدخل الأبوهو يحمل عدداً ضخماً من الأكياس والكراتين وابتسامة عذبة موجودة فوق شفتيه قبل أنيقول لهم:
-
بالراحة شوية عليا يابشر.. كل واحد هياخد نصيبه بسبهدوء

تستقبله الأم في حنان، ثم تناوله بضع قطع من الكحك الطازة الخارج لتوهمن الفرن فيلتهمه في استمتاع واضح قبل أن يقف من جلسته وقد استمد قوة سحرية ليبدأفي التوزيع:
-
واحد واحد.. أحمد أدي ياعم القميص الكاروهات.. منى خدي ياستيالفستان الأحمر اللي كنت هتموتي عليه.. ليلى.. حلوة البلوزة دي صح.. وآدي كمان حتةقماش لمامتكم تفصلها بقى على رواقة.. مش لازم تلبسي جديد على العيد يعني يا أمأحمد!

يسعد الأطفال كثيراً بملابسهم الجديدة ويتجهون إلى غرفتهم لارتدائهافي سرعة


استعداداً لأداء صلاة الفجر، ثم صلاة العيد في المسجد الكبير

والأبيبدل ثيابه تقول له الأم: كتير قوي يا أبو أحمد كل الحاجات دي..

الأب: خيرربنا كتير... صحيح الهدوم غالية السنة دي ده حتى فستان منى باتنين جنيه بحالهم.. بسعيد بقى وكل الولاد لازم تفرح.. كل سنة وأنت طيبة.

ليلة عيد الفطر- 2009

الأمتحاسب مندوب الديلفيري الذي جلب لها الكحك والبسكويت لحد باب البيت، وهي تقولله:
-
ها.. بالسمن البلدي ولا تقليد زي كل سنة!
-
بلدي طبعاً يافندم ده إحنامربيين جاموس عندنا في الشركة!
-
ماشي.. يالا كل سنة وأنت طيب

تدخل إلىالشقة، وهي تحمل علب الكحك لتنادي على أولادها:
-
يا أحمد، يا منى، يا ليلى.. مشعاوزين تدوقوا كحك العيد؟

يخرج لها أحمد وهو يرتدي ملابسه قائلاً:
-
كحكإيه بقى ياحاجة ده بقى موضة قديمة باي بقى عشان هاسهر الليلة مع أصحابي في خيمةرمضانية.. ده "حماقي" هيغني النهارده!

تضع الأم علب الكحك في حسرة علىالمائدة. ثم تخرج ابنتها ليلى. وتجلس أمامها لتشاهد التليفزيون باعتيادية، وكأنهالم تلمح علب الكحك بالأساس. في حين تهتم "منى" بالشات الذي تقوم به على الإنترنت. وتبدو في عالم آخر.

يرن جرس الباب
-
ترررررررررررنتررررررررررن!

تهتف الأم وهي متوجهة إلى الباب:
-
يعني كمان مش عاوزينتفتحوا الباب -تجد الأب- وأنت كمان مش معاك مفتاح مش بتفتح علطول ليه
-
نسيتهياستي الصبح.. هي دي عيشة أصلاً الواحد يفتكر فيها حاجة!

-
ماجبتش هدومجديدة للولاد طيب؟
-
جديدة؟ منين حضرتك.. وبعدين ماهو حتى الهدوم اللي جبتها لهمالعيد اللي فات ماحدش فيهم لبسها على اعتبار أنها مش على الموضة

ترفع الابنةصوت التليفزيون فتنساب في أركان الشقة الأغنية الشهيرة:


- العيد فرحة.. وأجملفرحة!



دلوقتي بقى عايز أعرف رأي كل واحدفيكم

هل مازال العيد محتفظ ببهجته ... ؟؟؟

و يا رب الموضوعيعجبكم

وكل سنه وانتم طيبين
مقدما

للمزيد من مواضيعي

 




hgud] tvpi >>>>>>>> ,h[lg tugh ,gh ;ghl hyhkn hgu]] hyhkd tvpi

 

__________________
A.h.m.e.d.111 غير متواجد حالياً  

 

 

 

قديم 14-09-2009, 06:26 PM   #2
sarah_alex
عضو مزيكاوي
 
الصورة الرمزية sarah_alex
 
تاريخ التسجيل: Jun 2009
الدولة: احلى اسكندرية فى الدنيا
العمر: 21
المشاركات: 455
افتراضي

 

اولا يا احمد بشكرك جداااااااا على موضوعك وهوه مهم اوى
وبصراحة عندك حق فى حكاية ان العيد دلوقتى مبقاش فيه بهجة ولا فرحة خاااااااااااااالص
وفعلا الناس بطلت تعمل كحك قليل اوى اللى بيعملو بمناسبة الموضوع ده انا لسه انا بسال صاحبتى عملتو الكحك قالتلى لا احنا هنشترى
هوه العيد يبقى عيد من غير لما تبقى اعد مع عيلتك وتعملو الكحك يمكن اننا نعمل كحك دى الحاجة الوحيدة اللى بنعملها دلوقتى لكن نزور حد قليل اوى الناس دلوقتى مبقتش بتعمل صلة رحم وبصراحة كتر خيرهم اوى لو اتصلو ببعض عشان يعيدوا دول كدا يبقوا عملو انجاز
وشكرا مرة تانية على موضوعك

 

__________________
sarah_alex غير متواجد حالياً  

 

قديم 14-09-2009, 06:38 PM   #3
lonely girl
عضو مزيكاوي
 
الصورة الرمزية lonely girl
 
تاريخ التسجيل: Mar 2009
الدولة: Mn Elbald dy
العمر: 21
المشاركات: 3,369
افتراضي

 

اولا شكرا على التوبيك انا كنت لسه بفتكر عيد زمان
ثانيا وانت طيب مقدما
الموضوع بقى انا مش هحكى على عيد 1958 لانى مش حضرته بس حضرت عيد 2000 و غيره وكنت فاهمه ان دا عيد
العيد زمان كان بيبقى احلى ايام السنه كلها دلوقتى العيد يجى ويخلص ولا نحس بيه
كنا صغار وكل حاجة كانت حلوة فى عيونا وكنا عايشنها ببساطه دلوقتى كبرنا وعقلنا كبر وكبر معانا مع السعادة ما بقناش نشوف السعادة الفستان والشوذ والضفاير بقت اكتر من كدة بقت معنى مش قادرين نوصل له
كنا نقضى ليله العيد نفكر هنعمل ايه يوم العيد دلوقتى بقينا نفكر هنعمل ايه بعد العيد
كنا نصحا من الصبح لساعه 6 كدة نلعب ونروح لجدنا وعمنا وكل العيله دلوقتى بقينا نصحا من الساعة 3 الظهر كدة نقعد ادام التلفزيون ياما الكمبيوتر

هو دا العيد عندى زمان ودلوقتى
بس دا كله بسبب الضغوط اللى بقت على الانسان ومشاكل الحياة

 

__________________
انا كلى ليك وحياة عنيك ماتغيب عليا
lonely girl غير متواجد حالياً  

 

قديم 14-09-2009, 06:50 PM   #4
Most Wan†èD
عضو مخالف
 
تاريخ التسجيل: Mar 2009
الدولة: Cλś†Ĺề Iห Ťĥè SќΫ
المشاركات: 5,808
افتراضي

 

نايس توبيك
طبعا العيد دلوقتى اختلف عن زمان و معدناش بنحس بجو العيد كده حتى رمضان برده الواحد مش حاسس بيه
يعنى دلوقتى العيد يجى و بسرعه تلاقيه خلص متعرفش ازاى

 

Most Wan†èD غير متواجد حالياً  

 

قديم 14-09-2009, 09:12 PM   #5
Dena Yehia
مشرفــه المنتــدى العــام
 
الصورة الرمزية Dena Yehia
 
تاريخ التسجيل: Aug 2008
الدولة: زمـلـكـاويه وأفـتـخـر
العمر: 30
المشاركات: 5,143
افتراضي

 

العيد اختفت منه الفرحه
حتى رمضان اختفت منه البركه
ربنا يعافينا من هذا الزمان

 

__________________
Dena Yehia غير متواجد حالياً  

 

قديم 14-09-2009, 09:25 PM   #6
ahmed0elsid
الأعضاء
 
الصورة الرمزية ahmed0elsid
 
تاريخ التسجيل: Jul 2009
الدولة: انا جاي اتسأل هنا ولا ايه!!
المشاركات: 527
إرسال رسالة عبر Yahoo إلى ahmed0elsid
افتراضي

 

nice topic
thanks

 

__________________
ليه ما استنتيش لو قلتلك حبك خلاص ما تصدقيش
do you think so
ahmed0elsid غير متواجد حالياً  

 

قديم 15-09-2009, 01:17 AM   #7
jeany
عضو مزيكاوي
 
الصورة الرمزية jeany
 
تاريخ التسجيل: Apr 2008
الدولة: In Wonderland
المشاركات: 1,917
افتراضي

 

تؤ انا عكسكوا كلكوا بجد العيد ده متعة بالنسبالي
انك تنزل وتشوف الناس ونظرة الهعم والتعب مختفية ولو ليوم ديه لوحدها تفرح
واما تشوف العيال بيفرقعوا صواريخ ف الشارع وانا وبنت خالو نفجر البيت والجيران ميطلعوش يزعقولنا ديه برضه متعة(انا مش شقية خالص بس بحب العب بالبمب والصواريخ بس)

انا عن نفسي بحب العيد عشان الناس بتبقى مبسوطة وعدوى الفرح بتنتقل بسرعة ما بين الناس وممكن نتغاضى عن سلبيات كتير زي الزحمة وغيرها

نايس توبيك يا احمد ولايت ولذيذ الذ من الكحك

 

jeany غير متواجد حالياً  

 

قديم 15-09-2009, 04:07 AM   #8
Mr_Ma7moud
عضو مزيكاوي
 
الصورة الرمزية Mr_Ma7moud
 
تاريخ التسجيل: May 2009
الدولة: فـوق الكـل يـا مصـر
العمر: 24
المشاركات: 2,199
افتراضي

 

تمام

تسلم يا بوب

 

__________________
ــــــــــــــــــــــــــــــ
سبحان الله وبحمده *** سبحان الله العظيم
Mr_Ma7moud غير متواجد حالياً  

 

قديم 15-09-2009, 04:58 AM   #9
LonelyAngel
عضو مزيكاوي
 
الصورة الرمزية LonelyAngel
 
تاريخ التسجيل: Feb 2009
الدولة: In A Lost Place
المشاركات: 931
افتراضي

 

العيد اختلف عن زمان 180 درجة
ومش السبب الكحك البيتى ولا الجاهز المشكله بقت فى الاحساس بطعم العيد نفسه
يمكن دى بتختلف من انسان للتانى بس عن نفسى مش بحس بيهم
من يوم وفاة والدى بجد مبقاش اى حاجه ليها طعم
ميرسى ليك على الموضوع الجميل
كل سنه وانت طيب
تقبل مرورى

 

LonelyAngel غير متواجد حالياً  

 

قديم 15-09-2009, 05:58 AM   #10
MiXawY
عضو مزيكاوي
 
الصورة الرمزية MiXawY
 
تاريخ التسجيل: Apr 2009
الدولة: S.H.O.U.P.R.A
المشاركات: 3,732
إرسال رسالة عبر Yahoo إلى MiXawY
افتراضي

 

اكيد طبعا العيد اختلف عن زمان وده بسبب اختلاف الاجيال وحتى رمضان ال الواحد محسش بى والعيد حيجى ولا حد حيحس بى

نيس توبك يا ابو حميد

 

MiXawY غير متواجد حالياً  

 

موضوع مغلق

مواقع النشر (المفضلة)

الكلمات الدلالية (Tags)
العدد, اغاني, فرحه, فعلا, ولا, واجمل, كلام

المنتدى العام


Ads


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Rss  Rss 2.0  Html  Xml  Sitemap 


الساعة الآن 01:10 PM.


Powered by vBulletin® Copyright ©2000 - 2014, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team



 
 
Bookmark and Share

افلام عربى | افلام اجنبى | اغانى | كليبات | لقاءات | عروض المصارعه | مسلسلات | مسرحيات | العاب | برامج | موبيل | رياضه 

العاب فلاش - العاب بنات - العاب سيارات - العاب اكشن

ألعاب المغامرات | أكشن وقتال | العاب عربيه | الذكاء والألغاز | العاب اطفال | العاب ورق | ألعاب الفتيات | ألعاب ثقافية | العاب رياضية | العاب سيارات

جميع المشاركات والمواضيع في منتدى لا تعبر عن رأي إدارته بل تمثل وجهة نظر كاتبها