مساء الخير علي كل الناس اللي بيشاركوا في الموضوع
احب اقولكم ان الموضوع دا كان عندي زيه بالظبط وان الجهاز كان تقيل جدا جدا جدا
وساعات بيقفل عن لعبه او بيعمل ريستارت
احب اوضح اولا ان لما الجهاز يعمل ريستارت لوحده دي محدش يخاف منها خالص لان بيكون علي البورده حاجات بتحميها من الكهرباء الزياده او من الفيروسات وحاجات زي دي كتير
***********************
وكمان ان في ناس كتير بتغلط وبتروح توصل الهاردات باجهزه سليمه وتعمل اسكان فيرس تعمل يا بيه لما الويندوز بيحمل كل الفيروسات اللي عندك بتروح عنده يبقي ايه الفايده انك تعمل اسكان فيرس
********************
كمان كل واحد تلاقيه معندهوش اصلا انتي فيرس علي الجهاز ولا بيهتم ان الجهاز عليه فيروسات ولا لا وكمان موضوع الفلاشات دا كتر اوي وكل واحد عنده فيرس ولو صغير بيتنقل بسهوله اوي
**********************************
والكل يرجع يقول هو الجهاز ماله تقيل ليه كدا ماشي مفيش اي مشاكل انا هقولكم علي حاجات يمكن متوصلتش اليها لما جربت اكتر من مره وفعلا نجحت العمليه دي
اولا هقول علي كل الحلول اللي ممكن تساعدكم في المشكله دي وان شاء الله تتحل فعلا ؟؟
1 - انت عندك في جهازك كام مروحه في جهازك ويا تري شغالين فعلا بكفائتهم ؟؟؟
في ناس تقولي انا معرفشي في كام مروحه دا الجهاز انا راميه تحت رجليه ولا بسئل فيه وناس تقولك انا بخاف افتح الكيسه لاحسن ابوظ فيها حاجه وواحد يقولي وانا مالي مش مهم انه شغال يا جماعه ناس كتير اوي اوي اوي مش بتهتم بكدا وبتحط الكيسه تحت رجليه وبتكون مكان كتمه اوي اوي
يبقي الحل الاول اتاكد ان جهازك مروحه البروسيسور شغاله بكفائه كويسه وكمان ضيف مراوح علي قد ما تقدر وكمان شيل كل التراب اللي في الجهاز كل فتره يعني حاول تعمل الكيسه من جوة تكيف بس كل المرواح تكون شفت من جوة الكيسه لبره مش لجوة تمام ويكون الكيسه في مكان فيه هوا يوصلها كويس
بعد ما حلينا اول مشكله وهي يمكن تكون سخونيه الجهاز تعالي نتكلم علي تاني مشكله
2- هي ان كتير منا ميعرفشي الحجر اللي جوة الجهاز دا
لو فتحت الكيسه من جوة هتلاقي في حجر ساعه كبير كدا متركب علي الجهاز من جوة الحجر دا ليه فايده مهمه اوي اوي
ان بيحتفظ بالساعه وبيحتفظ بالذاكره اللي الجهاز ماشي بيها طول عمره طيب عيب الحجر دا ان لو في اي فيرس دخل علي الذاكره دي بيفضل محتفظه بيه حتي لو شلت الكهرباء خالص بردوا موجود
طيب ايه الحل ؟؟؟
الحل موجود وسهل اوي
اول حاجه هتعمل ريستارت للجهاز وقبل ما يفتح هتدوس علي زر del علشان تفتح صفحه ال setup بتاعت الدوس ومتعملش فيها حاجه غير انك تعرف كل حاجه موجوده عندك جمبيها ايه الاختيار اللي متحدد عليه ويا ريت تكتبها في ورقه لان في حاجات كتير من دي هتتغير بعد ما تشتيل الجحر ركز بس معاي دلوقتي وسيبك ايه اللي هيحصل بعد كدا
دلوقتي انت كتبت كل حاجه في ورقه اكتب كل حاجه واختيارها ايه هتلاقيهم كتير شويه مش مهم بس اكتبهم علشان ترتاح من المشكله دي
وبعدين اعمل ايه بعد كدا ؟؟
هتتطفي الجهاز خالص وتشيل الكهرباء منه
وتفتح الكيسه وهتشيل الحجر بتاع الساعه دا من الجهاز خلي الحجر بره متركبهوش دلوقتي
شغل الجهاز واول ما الجهاز يقوم ويجيبي بيانات اطفيه وركب الحجر وشغل الجهاز تاني
بعد ما تفتح الجهاز دوس علي del تاني علشان تتدخل علي ال setup واي حاجه اتغيرت غير في الورقه رجعها تاني زي ما عندك في الورقه بالظبط عن طريق page up و page down هتلاقي الازرار دي في الكيبورد بعد كدا هتحب تخرج قبل الخروج هدوس علي F10 علي تعمل تسجيل للبيانات
ودي تاني حاجه كدا احنا فضينا الذاكره خالص من اي ملفات موجوده فيها
لما هتتدخل علي الويندوز اظبط الساعه واوعي تنساها لانك ممكن يحصل مشاكل بسبببها
3 - طيب افرض الهارد عليه فيروسات اعمل ايه ؟؟؟
في حل من الاثنين لو مش عايز اي حاجه علي الهارد فرمت الهارد خالص ولو تعرف ازاي تقسم الهارده يبقي خير وبركه معرفتش فرمته بس يا ريت يكون من الدوس مش من علي الويندوز
او اقولك امسح الدريف واعمله من جديد ودي من علي اسطوانه ويندوز xp عن التسطيب
طيب ولو معرفتش افرمت او مش ينفع اني افرمت هقولك الحل سهل جدا ؟؟ هتروح عند اي واحد صحبك بس قبل ما هتعمل اي حاجه وقبل ما تركب هردك اصلا هتعمل شويه حاجات عنده االاول طيب هعمل ايه انا مش فاهم انت عايزاني اعمل ايه عنده ؟؟ هقولك ؟؟ اولا هتنزل انتي فيرس محترم وجامد ؟؟؟؟ ايه هو الانتي فيرس دا ؟؟؟ طبعا كتير منا بيقول الكاسبر دا باشا ؟؟ للاسف دا ازبل انواع الانتي فيرس وعمري ما وثقت فيه ؟؟؟ طيب ايه الاحسن من الكاسبر يا سيدي ؟؟؟ اللي جربتوا وطلع معاي رجوله اوي ال NOD32 2.7 
مش NOD32 4.0 
دا زباله القديم هو احسن واحد وانا بالمناسبه دي رفعته علي الروابط دي بعد ما تنزله تعمله تحديث وتتاكد ان اللي مكتوب تاريخ النهارده او امبارح
وكمان نزل معاه برنامج avast البرنامج دا مفتري بجد بس اللي يعرف ينزله خير وبركه مش عرفت مش مشكله وانا حبقي بس حاول تتدور عليه وتنزله معاه وانا ححاول اني انزل الشرح بتاعه بالتفصيل
المهم نزلت دول وتمام كدا هتقولي اوصل الهارده ؟؟؟
هقولك اصبر مستعجلش دلوقتي انت عملت تحديث للانتي فيرس وضامن جهاز صحبك انه معلهوش فيروسات طيب جميل اوي الكلام دا دلوقتي هتروح وتنزل البرنامج دا اسمه deep freze هلاقي ناس تعرفه كويس
علي العموم انا رفعته اهو
الرابط
طيب جميل هتنزله وتسطبه عن صحبك وحدد علي كل الدريفات اللي عنده كلها وبعد ما يخلص هيعمل ريستارت لوحده حلو اوي بعد ما الويندوز يفتح تاني هتلاقي جمب الساعه علامه علي شكل راجل مغطي راسه هي دي علامه الديب فريز
حلو الكلام اوي اوي اوي
طيب دلوقتي انا اعمل ايه ؟؟
دلوقتي حضرتك هتقفل الجهاز خالص
هتوصل كبل البور بس في الهارد بتاعك
وباكد تاني محدش يوصل الا كابل البور بس بس بس
يبقي حد يقولي انا وصلت الداتا دلوقتي
وشغل الجهاز طبعا الهارد بتاعك هيقوم عادي لانه متوصل فيه كهربا
جميل الويندوز فتحت والانتي فيرس حمل وكله تمام
تعرف بقي دلوقتي ان جهاز صحبك محمي 100% من الفيروسات وانه مش هيدخله اي فيرس خالص خالص حتي لو انت نقلتله اي حاجه ال Deep Freze هيمسحها بمجرد لما تقفل الجهاز
يعني متخافش علي جهاز صحبك بعد ما الويندوز فتحت وصل كابل الداتا في الهارد وهو شغال وخلي بالك من الباور اوعي يفصل منك بور وصلت الهارد اصبر ثواني عقبال ما الجهاز يعرفه اعمل ريفرش في صفحه My Computer كل شويه لحد ما يتعرف جميل
هتقفل الصفحه دي وهفتح الانتي فيرس من جوة وهتقولوا scan &clean وهتسيبوا يعمل اسكان فيرس لحد ما يخلص خالص
بكدا احنا مسحنا كل الفيروسات اللي علي الجهاز خالص
لما تاخد هردك تاني هتروح وتنزل ويندوز بدون ما تفتح الويندوز بتاعتك خالص يعني من بره بره
ويفضل انك تفرمتها عن صحبك اول ما الهارد يقرا تمام كدا
وبعد ما تنزل نسخه علي الجهاز نزل النود وظبطه وكله هيكون تمام
بقول تاني يا جماعه اهم حاجه ان الكيسه من جوة تكون فيها مرواح تقدر تبردها كويس ومحدش يفتح الكيسه ويقول ما هي كده بتبرد لا اقفلها وحط جوايها مرواح في اي مكان فيه مكان لمروحه ومتكونش في مكان مكتوم خالص خليه جمبك اهتم بيها اكتر من الشاشه
لو ظهرت نفس المشاكل تاني يبقي البورده فيها حاجات مش مظبوطه وان مفيش حمايه علي الجهاز واحتمال كبير يكون البور سبلاي واي حد عايز مني اي حاجه هتلاقي ايميلاتي في البروفيل وشكرا لكل الناس
وشكرا
واسف علي الاطاله
جهازالكمبيوتر (بيفصل) ادخل وشوف المشكله 
متابعه 
العرض العادي
