العودة   منتديات مزيكا تو داى > المنتديات العامة > المنتدى الأدبي > القصص و الروايات

إضافة رد
 
أدوات الموضوع إبحث في الموضوع انواع عرض الموضوع
قديم 17-07-2009, 04:27 AM   #1
LoVe SeNsE
عضو مزيكاوي
 
الصورة الرمزية LoVe SeNsE
 
تاريخ التسجيل: Jul 2009
الدولة: عند حبيبي
العمر: 23
المشاركات: 1,286
Talking الجزء الثالث من يوميات عمر وسارة

 

اولا الموضوع ده الجزء الاول والثانى الانسة سمسم نزلته وشكرا ليها جدا
انا بقي حابة انى اكملكم باقي اجزاء يوميات عمر وسارة
وطبعا هما مش بقوا عمر وسارة لا بقوا بابا عمر وماما سارة
انا عضوة جديدة هنا وحابة انى افدكم ومش عاوزة اتكلم اكتر من كده لانوا مش القسم المحدد للتعارف
لكن هاتعرفونى عن طريق المشاركات والردود باذن الله

يتبع
للمزيد من مواضيعي

 

الموضوع الأصلي : الجزء الثالث من يوميات عمر وسارة     -||-     المصدر : منتديات مزيكا توداي     -||-     الكاتب : LoVe SeNsE



hg[.x hgehge lk d,ldhj ulv ,shvm hgjhgj hg[.x d,ldhj ulv ,.hvm

 

LoVe SeNsE غير متواجد حالياً   رد مع اقتباس

 

 

 

قديم 17-07-2009, 05:28 AM   #2
Sayed_TheRock
الإدارة العامّـة
 
الصورة الرمزية Sayed_TheRock
 
تاريخ التسجيل: Jan 2007
الدولة: قـدام الكمبيـوتـر بتاعــى
العمر: 27
المشاركات: 41,367
إرسال رسالة عبر Yahoo إلى Sayed_TheRock
افتراضي

 

اوك يا جميل
وانا اول واحد هستنى الجزء التالت
ياترى عملوا ايه

 

__________________
My New Email
Sayed.TheRoock@Yahoo.CoM

الموضوع الخاص بطلبات الأفلام الأجنبية المترجمة



Finally ... TheRock is a TEN TIME World Champion

Sayed_TheRock غير متواجد حالياً   رد مع اقتباس

 

قديم 17-07-2009, 06:11 AM   #3
LoVe SeNsE
عضو مزيكاوي
 
الصورة الرمزية LoVe SeNsE
 
تاريخ التسجيل: Jul 2009
الدولة: عند حبيبي
العمر: 23
المشاركات: 1,286
Talking يوميات بابا عمر و ماما سارة

 

يوميات بابا عمر وماما ساره


الحلقه الأولى



قالت ساره
:

احتضنت يحيى بقوه ونحن عائدين إلى منزلنا وكأني أخاف أن يغيب عن عيني لحظه واحده .... رفضت كل المحاولات أن يحمله أحد بدلاً منى في السياره ... أخاف لو تركته أن يتسلل ويدخل داخل رحمي مره أخرى !! لا أستطيع أن أبعده عن أحضاني لحظه وعندما طلبت الممرضه أن تودعه حجره الأطفال كي أستريح من إرهاق الولاده رفضت بإصرار وكدت أقتلها ..... ورفضت حتى أن ينام في سريره الصغير في المستشفى وأصريت أن ينام بجواري وأفسحت له مكاناً ليكون ملتصقاً بي ..... ألم يكن ينام بجوار قلبي لأيام وشهور ؟! كيف أستطيع فراقه وقلبي أحبه قبل أن تراه عيني ؟! أجمل طفل رأته عيني ..... ولا لأني أمه أقول هذا ؟ أمه ؟! سبحان الله كيف تحولت في شهور قليله من فتاه بريئه تستطيع حشو العالم في جيوبها وتلمع عيونها بالحيويه والاندفاع والجنون إلى أم هادئه عاقله تخشى من نسمه الهواء أن تصيب ولدها ؟ وتوافق بلا تردد أن تموت ولا يخدش إصبع وليدها ؟ سبحان الله ..... لا يمكن أن تتحول الأنثى إلى هذه الدرجه بملء إرادتها بل لابد من غريزه ربانيه تغزو قلبها بعشق هذا الطفل قبل أن تراه كي تقبل كل هذا الألم والإرهاق حتى يشب وليدها رجلاً ..... يالله حتى في عشق المرأه لأطفالها يكون الله ثالثهما !!!

******************

قال عمر
:

والله وبقيت أب يا عم عمر !!!! إيه ده ازاى يعنى ؟ يعنى المفروض أعمل إيه ؟ لا أنا بجد لسه متلخبط وحاسس إني اتاخدت على خوانه يا رجاله ....... يعنى أخرج من البيت لوحدي ونرجع تلاته ؟ بس برضه حاطير من الفرحه وكل ما أبص ليحيى أشوفه ملاك جميل نائم في أحضان أمه التي ترفض أن يحمله غيرها ....وناقص تديهولى على عرض حال دمغه ! بس بجد أنا لو منها وشفت العذاب ده كله لا يمكن أخلى حد يلمسه .... الحمد لله إن الأم هي اللي بتولد مش الأب !!! وكفايه العض والخربشه اللي شفتهم من ساره في الولاده !! والمشكله إني مش عارف أشيله خالص وحاسس إني باشيل قطعه كريستال ستنكسر من أي حركه خاطئه .... والكل يصرخ في : ساره وأمي وحماتي بألف تحذير ( حاسب حاتلوح رقبته – حط ايدك في ظهره – ما تبوسوش جامد – دقنك حاتشوكه !!!! ) حتى قررت أن أتفرج عليه وهو على ذراع أمه ..... يعنى لو سمحت لي !! رغم إن أنا اللي دفعت كل التكاليف في المستشفى وخلافه .... وكمان اكتشفت إن عبارة ( ألف مبروك واللي جاب لك يخلى لك ! ) معناها ادفع يا سيدي من سكات ! سمعتها ألف مره من العمال والممرضات في المستشفى حتى توسلت لهم أن نرجع البيت فوررررررررررررررراً .


****************

قالت ساره
:

آه واضح إن تأثير المسكن حايبدأ يروح وبدأت أشعر بأن 10 فتوات ادوني علقه جامده جداً أو إني مشيت من طنطا لأسوان !!!!! آلام في كل جسمي ولا أريد إلا أن أنام وتركت تحضير الطعام وأمور البيت لأمي وحماتي وأخذت يحيى بجواري وأنا أكاد أتفتت من التعب واستغرقت في النوم في لحظات معدوده ....... إيه ده هو أنا لحقت أنام ؟ ده أنا ما كملتش نصف ساعه ؟ ده صوت قطه ده ولا إيه ؟ ياااااه مين ده ؟! آآآآآآآآه ده يحيى !!!!! إيه يا حبيبي بس الله يهديك بتعيط ليه نفسي أنام ولو ساعتين بجد حاموت من التعب ... يا مااااااااما الحقيني أعمل إيه ؟ وجاءت أمي على صراخي وهى تضحك وتقول : علشان تعرفي الغلب اللي إنتي وريتهولي وإنتي صغيره ! فرددت وأنا أكاد أبكى : طيب يا ماما خديه دلوقتي علشان أنام وإدي له رضعه ... وأنا أول ما أصحى حاعرف كل حاجه على طول !!!!! فرفضت بإصرار وردت على : بلاش دلع قومي رضعي الولد ده ميت من الجوع .
فرددت بتعجب : أرضعه ؟! ازاي ؟ مافيش لبن لسه .. لا لا ماعرفش أتكسف يا ماما .
فردت وهى تكاد تضربني : تتكسفي من إيه يا مجنونه إنتي !! يالا الولد حايموت من الجوع وبعدين هو لما يرضع يا حبيبتي ربنا حايبعت له رزقه وحاييجي اللبن يالا بلاش دلع .
فرددت باستسلام : طيب يا ماما .... من فضلك أخرجي وأنا حارضعه .
فخرجت وتركتني معه وضممته إلي والقمته صدري بأيدي مرتجفه وأنا أتوقع أن يرفضه أو ألا يعلم كيف يرضع ..... وياللعجب كأنه غريق وجد قارب النجاه وجدته يحرك شفتيه الصغيرتين ويرضع بكل هدوء واطمئنان ... سبحان الله من علمه هذا ؟ سبحانك يا رب ... من أين سيأتي الحليب ؟..آه .. أشعر بشرايين صدري تتفتح ... وقنواته المغلقه منذ ولدت تتفتح لتستقبل رزق الله من الحليب الطاهر بمجرد أن طلب صغيري رزقه من الله ....... وأخذ يرضع يحيى حتى ارتوى ونام هانئاً .... وسالت دموعي وأنا أرى عظمه الله تتجلى في هذه المعجزه الربانيه .....




***********************






قال عمر
:

ممنوع أدخل أوده النوم علشان ساره ويحيى نايمين فيها .. وماما نامت في الأوده التانيه وحماتي في المطبخ .... طيب أنام فين عند البواب ؟ من أولها كده يا يحيى باشا حانتركن على الرف ؟ ماشى يا عم بس لما تكبر حاوريك ! خلاص حانام في الصالون وأمري لله بس في البرد ده ؟! يالا علشان الواحد يقوم عنده كساح ونخلص بقى ! بس ساره وحشتني ويحيى كمان وحشني طيب أعمل إيه ؟ فتسحبت لأنام بجوارهما في دفء الحجره ومشيت على أطراف أصابعي وفتحت الباب بمنتهى الهدوء لأجد ساره حبيبتي نائمه في بحر عميق من شده الإرهاق وبجوارها الباشا الذي احتل مكاني !! ووجدتها فرصه لأدقق في ملامحه لأجده ورث عيون ساره الجميله ولونها الخمري وأخذ لون شعري الأسود وذقني ولمست بشرته الحريريه وأنا أتمنى أن يكبر فورا لألعب معه وأعرفه أنى والده ..... وقبلته بحرص شديد ولكن يبدو أنى أقلقت منامه فاستيقظ يبكى ... وحاولت إسكاته لم أعرف طبعاً فصحيت ساره مفزوعه واكتشفت جريمتي وصرخت في : حرام عليك يا عمررررررررررررررررررر !!!!!!!


********************


الى اللقاء مع الحلقه القادمه

تقبلوا تحياتي

 

LoVe SeNsE غير متواجد حالياً   رد مع اقتباس

 

قديم 17-07-2009, 06:16 AM   #4
LoVe SeNsE
عضو مزيكاوي
 
الصورة الرمزية LoVe SeNsE
 
تاريخ التسجيل: Jul 2009
الدولة: عند حبيبي
العمر: 23
المشاركات: 1,286
Thumbs up

 

اقتباس:
المشاركة الأصلية كتبت بواسطة sayed_therock مشاهدة المشاركة
اوك يا جميل
وانا اول واحد هستنى الجزء التالت
ياترى عملوا ايه
شكرا يا سيد ان تكون انت اول واحد يرد على اول موضوع ليا هنا
وده شرف كبير
وانا والله مش عارفة ايه اللى هايحصل لانى لسة هابتدى معاكم اهو
يللا بينا بقي

 

LoVe SeNsE غير متواجد حالياً   رد مع اقتباس

 

قديم 17-07-2009, 06:23 AM   #5
... SHeRY ...
عضو مزيكاوي
 
الصورة الرمزية ... SHeRY ...
 
تاريخ التسجيل: Jun 2009
الدولة: Mansoura
المشاركات: 838
افتراضي

 

شكرا ياقمر على الحلقه الجامده دى
فى انتظار باقى الحلقات ان شاء الله
ومش تتأخرى علينا

 

... SHeRY ... غير متواجد حالياً   رد مع اقتباس

 

قديم 17-07-2009, 06:27 AM   #6
LoVe SeNsE
عضو مزيكاوي
 
الصورة الرمزية LoVe SeNsE
 
تاريخ التسجيل: Jul 2009
الدولة: عند حبيبي
العمر: 23
المشاركات: 1,286
افتراضي

 

شكرا يا شري لمتابعتك القصة
وبجد نورتينى
وقريب ان شاء الله هانزل الحلقة الثانية باذن الله

 

LoVe SeNsE غير متواجد حالياً   رد مع اقتباس

 

قديم 17-07-2009, 10:11 PM   #7
LoVe SeNsE
عضو مزيكاوي
 
الصورة الرمزية LoVe SeNsE
 
تاريخ التسجيل: Jul 2009
الدولة: عند حبيبي
العمر: 23
المشاركات: 1,286
Talking يوميات بابا عمر وماما سارة

 

الحلقة الثانية

لا أدرى لماذا تذكرت فيلم الحفيد -والأب يبكى وهو يشترى لوازم الولادة من مغات ودجاج وخلافه – وأنا مع حماتى نشترى لوازم البيت والمغات وو و.... مع طبعا اللهمز واللمز من حماتى اننا مفروض نكون اشترينا كل الحاجات دى قبل الولادة .....وانا أتحجج بأن سارة ولدت قبل ميعادها وطبعا لم أقل اننا لم نملك ما نشترى به جناح كتكوت !!

واشترينا كمية من الدجاج تكفى حى شبرا وطن مغات وحلبة وسكروعسل وأرز ووووووو.......وكدت أبكى أنا الآخر وأترك حماتى وحدها وأتعلل أن عندى مشوار لليونسكو!! لولا انى وجدتها وقت الحساب تخرج مبلغا ضخما وتحاسب هى ...رقصت من السعادة وأنا أقطب جبينى وأقول ( ليه كده بس يا طنط ؟ طيب لو ما كنتيش تحلفى !!!!!!)

(ايه يا جماعة هو أنا وحش؟ ازاى آكل فرخة كاملة لوحدى ؟ وكمان مسلوقة ؟ لا بجد حرام !!) ولم تجد توسلاتى صدى أمام روسيا وأمريكا أقصد ماما وحماتى ...أخيييرا أجدهم متفقين فى شىء منذ زواجى الا وهو ضرورة جعلى كالدرفيل بعد الولادة من كثرة الطعام ...

فأجدنى فى الصباح مضطرة الى شرب كوب كبير جدا من المغات الذى تعلوه طبقات من السمن البلدى والمكسرات والذى يكفى وحده الى جعلى شبعانة لمدة شهر .... ويتبعه كوب كبير من الحلبة بالعسل الأسود مش عارفة ليه وكل ما أبدأ بالاعتراض تجتاحنى نظرات نارية من الطرفين تجعلنى أبتلع الكوب والملعقة أيضا

.....والمشكلة انى مطالبة بشرب كميات لا نهائية من المغات والحلبة طوال اليوم ....وعندما أرى الكوب الميمون يتجه نحو فمى يكاد لسان حالى يقول ( اشربى يا شابة ماحدش بياكلها بالساهل !!)
ووقت الغداء أجدنى مضطرة الى أكل فرخة ضخمة فى حجم الديك الرومى وحدى لا أعرف لماذا ؟ ومثلها فى العشاء !!!!! لا أعرف لماذا يظنون ان من تلد لابد أن تتحول الى فيل بزلومة ؟ فينك يا عمر ؟!!!!!!!!

سبحان الله نفس الهجوم اللى هجم علينا بعد الزفاف هجموا تانى بعد الولادة !!! الزيارات ليل ونهار بس المرة دى الوضع مختلف ان حماتى هى اللى بتقوم بخدمتهم والنساء يدخلون لسارة فى حجرة النوم وأنا أتدبس مع الرجالة فى الصالون ....ولازم الكل يشرب مغات ليه ولدوا هم كمان ؟

بس بصراحة المرة دى فيه نقوط كتير ليحيى ... بصراحة هو وش الخير علينا كفاية انهم وافقوا على موضوع شغلى الجديد فى نفس يوم ولادة يحيى ...صحيح سبحان الله عمرى ما تخيلت معنى الاية (نحن نرزقهم واياكم ) بالشكل ده.. يعنى ربنا قدم رزق الاطفال على رزق الاباء ....الحمد لله ربنا يخليك لينا يايحيى .....

(جايبة الوحاشة دى منين يا سارة ؟! ) كلمة سمعتها من كل من زارونى واغتظت لها جدا وكنت أغضب وأكاد أقول محدش يقول على ابنى وحش ده زى القمر .......عندما غمزت لى أمى ان الكل لازم يقول كده علشان لو البيبى تعب لا قدر الله مانقولش انهم حسدوه !!! طيب ما يقولوا انه جميل ويقولوا ما شاء الله !!!!

لا والأغرب ان ماما كانت تأمرنى أن أتظاهر بالاعياء الشديد وانى شفت الأهوال فى الولادة علشان برضه الحسد !!! وكنت أرى نظرة نارية منها لو وجدتنى ضحكت بصوت عالى او اقترحت الخروج من غرفة النوم للجلوس مع صديقاتى فتعيدنى هذه النظرة الى النوم على السرير والتظاهر بالكساح !!

آآآآآخ نفسى الضيوف دول يمشوا علشان أنام شوية ...والبيت محتاج فليبينية علشان يرجع لحالته الطبيعية وطبعا علشان حماتى هى اللى ح ترتب البيت ما ينفعش أطنش ولازم أساعدها دى مش سارة علشان أسيبها تعمل كل حاجة وأنا سلطان زمانى !!

لا والمشكلة كمان ان بعد حملة الترتيب القاتلة لن أستطيع النوم فى غرفة النوم كالمعتاد .....يكفينى سهرة امبارح والحفلة اللى كان نجمها الأوحد الأستاذ يحيى من سيمفونية صراخ متواصل حتى الفجر وعزف منفرد من بكاء سارة لفشلها فى اسكاته .......وكنت أنا المتفرج الوحيد فى هذه الحفلة وحاولت المساعدة ولكنى فشلت بالطبع فأخذت البطانية وسلمت أمرى لله ونمت فى الصالون !!!
طيب أنا فى أجازة حاليا حتى الاسبوع القادم عندما أبدأ العمل فى الشركة الجديدة .....ودول ناس لازم أكون فايق جدا معاهم ح أعمل ايه فى الحفلات المسائية للأستاذ ؟ ربنا يستر ....

آآآه أخيرا الضيوف مشيوا خلاص ...نفسى أنام ... أنا بقيت باعتبر النوم ده حاجة كده زى الحلم العربى !! البيه طول النهار نايم وطول الليل صاحى مش فاهمة ليه ؟!! بجد بأبقى خلاص حأرمى نفسى من البلكونة علشان ينام وبرضه مفيش فايدة ...

وطبعا عمر مش عارفة أصلا أشوفه من ساعة الولادة على طول مطرود من الأودة .....ياربى كل الأمهات بيتعذبوا العذاب ده ؟ طيب والأم اللى بتصحى بدرى علشان شغلها بتعمل ايه ؟ آآآآه الحفلة ابتدت جاية يا يحيى باشا !!!!


يارب تعجبكم

 

__________________
[IMG]http://i45.*******.com/2vcghsk.jpg[/IMG]
يحسدونا وماله يا ليل اللى غيران منا يقلدنا
الغرام والشوق والليل والحنين جوانا مدوبنا
LoVe SeNsE غير متواجد حالياً   رد مع اقتباس

 

قديم 17-07-2009, 10:12 PM   #8
Sayed_TheRock
الإدارة العامّـة
 
الصورة الرمزية Sayed_TheRock
 
تاريخ التسجيل: Jan 2007
الدولة: قـدام الكمبيـوتـر بتاعــى
العمر: 27
المشاركات: 41,367
إرسال رسالة عبر Yahoo إلى Sayed_TheRock
افتراضي

 

اقتباس:
إني مشيت من طنطا لأسوان !!!!!
اشمعنى طنطا
ليه مش من اسكندريه مثلا علشان تبقى مصر كلها
اقتباس:
وبجوارها الباشا الذي احتل مكاني !!
ياعينى
يعنى انا هايبحصلى كده فى يوم من الايام
________________________
الله ينور عليكى
كانت وحشانا الحاجات دى من زمان

شويه واقرأ الحلقه التانيه واجى اعلق عليها

 

__________________
My New Email
Sayed.TheRoock@Yahoo.CoM

الموضوع الخاص بطلبات الأفلام الأجنبية المترجمة



Finally ... TheRock is a TEN TIME World Champion

Sayed_TheRock غير متواجد حالياً   رد مع اقتباس

 

قديم 17-07-2009, 10:21 PM   #9
LoVe SeNsE
عضو مزيكاوي
 
الصورة الرمزية LoVe SeNsE
 
تاريخ التسجيل: Jul 2009
الدولة: عند حبيبي
العمر: 23
المشاركات: 1,286
افتراضي

 

اقتباس:
المشاركة الأصلية كتبت بواسطة sayed_therock مشاهدة المشاركة
اشمعنى طنطا
ليه مش من اسكندريه مثلا علشان تبقى مصر كلها

ياعينى
يعنى انا هايبحصلى كده فى يوم من الايام
________________________
الله ينور عليكى
كانت وحشانا الحاجات دى من زمان

شويه واقرأ الحلقه التانيه واجى اعلق عليها
هههههههههههههههههههههههههههه
على الاقل انتوا هاتعرفوا تناموا لكن احنا يا عينى علينا
ربنا معانا يااااااااااااااااااارب
هههههههههههههههههههههههههه
منورنا يا سيد باشا
شكرا لمرورك

 

__________________
[IMG]http://i45.*******.com/2vcghsk.jpg[/IMG]
يحسدونا وماله يا ليل اللى غيران منا يقلدنا
الغرام والشوق والليل والحنين جوانا مدوبنا
LoVe SeNsE غير متواجد حالياً   رد مع اقتباس

 

قديم 17-07-2009, 11:16 PM   #10
... SHeRY ...
عضو مزيكاوي
 
الصورة الرمزية ... SHeRY ...
 
تاريخ التسجيل: Jun 2009
الدولة: Mansoura
المشاركات: 838
Smile

 

هاى يا قمر
عامله ايه ؟؟ يا رب تكونى بخير
تسلم ايدك على الحلقه يا قمر والله
ومستنيه باقى الحلقان ان شاء الله
وبرضه مش تتأخرى علينا

 

... SHeRY ... غير متواجد حالياً   رد مع اقتباس

 

إضافة رد

مواقع النشر (المفضلة)

الكلمات الدلالية (Tags)
التالت, الجزء, يوميات, عمر, وزارة

القصص و الروايات


Ads


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مسلسل باب الحاره الجزء الثالث MeZoNeT المسلسلات العربيه والاجنبيه 69 26-03-2012 09:24 PM
وحش الحلبة باتيستا لكل عشاق المصرعة الجزء الثالث حسام بوليكا الصور و الجرافيك 9 06-06-2009 08:11 PM
حصرياً اليوم الثالث من يوميات برنامج أرض الخوف Fear Factor Exterme بمساحة 66 ميجا , سيرفرات صاروخيه Sayed_TheRock برامج تلفزيونيه ولقاءات 29 10-05-2009 02:00 PM
قصص الأنبياء ((الجزء الثالث والأخير)) Yahia التاريخ الإسلامي 5 06-04-2009 08:38 AM

Rss  Rss 2.0  Html  Xml  Sitemap 


الساعة الآن 07:04 PM.


Powered by vBulletin® Copyright ©2000 - 2014, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team



 
 
Bookmark and Share

افلام عربى | افلام اجنبى | اغانى | كليبات | لقاءات | عروض المصارعه | مسلسلات | مسرحيات | العاب | برامج | موبيل | رياضه 

العاب فلاش - العاب بنات - العاب سيارات - العاب اكشن

ألعاب المغامرات | أكشن وقتال | العاب عربيه | الذكاء والألغاز | العاب اطفال | العاب ورق | ألعاب الفتيات | ألعاب ثقافية | العاب رياضية | العاب سيارات

جميع المشاركات والمواضيع في منتدى لا تعبر عن رأي إدارته بل تمثل وجهة نظر كاتبها