العودة   منتديات مزيكا تو داى > المنتديات العامة > المنتدى العام

المنتدى العام General
Talk about anything ...اتكلم براحتك

موضوع مغلق
 
أدوات الموضوع إبحث في الموضوع انواع عرض الموضوع
قديم 19-03-2009, 05:29 PM   #1
أكرم صبرى
عضو مزيكاوي
 
الصورة الرمزية أكرم صبرى
 
تاريخ التسجيل: Mar 2007
الدولة: فوق قهوة جمالات
العمر: 30
المشاركات: 1,251
افتراضي الحلقة الأولى : حركات ستات ومهيسة رجاله ( الحب فوق سيراميكا فينسيا)

 

حركات ستات ومهيسة رجاله
الحلقة الأولى حركات ستات ومهيسة
الحلقة اللأولى
الحب فوق سيراميكا فنسيا



يا ترى مين هى أول بنت حبتها فى حياتك غير سعدية الشغالة ؟! ..
بلاشك هى بنت الجيران .. والغالبية العظمى فينا احنا الشباب أول بنت حبناها كانت بنت الجيران .. طب اشمعنى بنت الجيران بأه ؟! .. لانها أول حتة ناعمه تشوفها فى حياتك
و تتعامل معاها من الجنس الاخر.. جايز الحتة الناعمة دى متكنش ناعمة ولا حاجه وإحتمال يكون كفها النونو الصغير أنشف من كف مخبر فى ليلة غبرة فى اى قسم بوليس ، لكن نظرا لان الانسان بطبعه بيميل ناحية الجنس الاخر وخصوصا فى سن المراهقة فجنابك علطول اندلقت زى البتاع ده اللى إنت عارفه وحبتها علطول وتعيش قصة الحب الاول والوسادة الخالية ..بس كم واحد فينا يا ترى راح للبنت اللى حبها وهو صغير ووقفها قدامه كده وسبل لها بعنيه وقالها يا فلانه أنا بحبك؟! ..

تصدق لما سألت العيال المقاطيع أصحابي فى لقاء القمة بيننا على قهوة جمالات قعدوا يبصوا لبعض فى نظرات مأساوية كلها اسف وخجل لنخرج بالنتيجة النهائية صفرا زى صفر المونديال كده .. ويبدو اننا مكتوب علينا فى البلد دي أننا نحرز الصفر فى كل حاجه حتى فى الحب .. فالشاهد أنهم كلهم قعدوا يحبوا فى صمت .. وفيهم اللى فكر يكتب جوابات وتراجع فى للحظة الاخيرة أحسن البت تستندل وتروح تودي الجواب لأمه التى بدورها حتقدم له هدية الحب الجميل الطاهر واللى حتظل معلمه أبد الدهر على قفاااااه مستندين فى تخوفهم إلى مأسأة الواد ( أظة ) اللى كان بيبوس البت ( بخاطرها ) بالعافية تحت بير السلم فما كان من (بخاطرها) إلا إنها راحت تشتكي لامه اللى أول ما عرفت طلعت تجري وراء
( أظة ) فى الحارة وهى حافية القدمين ورافعه سلاحها الميري إلى أعلى اللى هو طبعا شبشب الحمام لغاية ما عملت له كمين ووقع فى الاسر وذنقته بين مدفعيتها والحائظ وانهالت عليه ضربا وفى الاخر قالتله ( شوفت يا بن الكلب الشبشب اتقطع عليك ) ..

فنتيجة لهذا الموقف اللى ترسخ فى اذهان أطفال الحارة تراجع الكثيرون عن التعبير عن مشاعرهم نحو الحتة الطرية اللى فى حياتهم ..أما البنات فنظرا لان الولاد خلاص رفعوا الفنلة الداخلية على عصاية الغلية ( الراية البيضاء يعنى) بدأوا هما فى الحركات اللى تخلى العيال دى تتحرك بأه ..وبدأت حركات الحريم تشتغل حتى وهما فى السن الصغيرة دي فكنت تلاقى البت اللى تميل عليك وتقولك بلاش تكلم البت الفلانية دي ولما تسألها ليه تقولك وهى بتبص للأرض كده متكلمش حد غيري ..فى إشارة يعنى ( يا مغفل بحب انت ) .. وفيه من الولاد اللى فهموا الاشارات دي بس خافوا يعبروا عن حبهم وظل شبشب أم (أظة) حائل دون تحقيق أملهم وفيه اللى فهموا وقرروا انهم يتكلموا ودول موش كتير على فكرة بس تلميحات البنات كانت لها أثر المفعول السحري فى ان دول يتحركوا ..

وفعلا راح واحد من أصحابنا وقال للبنت اللى لمحتله قبل كده انها بتحبه واللى إدته شلوط للإمام علشان يتحرك ( كدفعة معنوية يعنى ) وبعد النحنحة والتهته ( الحركات إياها دي بتاعتنا واحنا صغيرين ) قالها ( فلانه .. أنا أنا أنا ..بحبك ) .. طبعا كان الواد منتظر منها أنها خلاص حتترمي فى احضانه وهى بتقوله وأنا كمان زى ما بيشوف فى الافلام العربي .. ولكن لا تأتي الرياح بما لا تشتهي السفن إذ فجأة حس الواد بحاجه ساقعة ضربت فى وشة ثم تركته وانصرفت .. وطبعا اللى اترمي فى وشه هى محتويات زجاجه الكولا اللى كانت بتشربها .. والواد باه أضحوكة أصحابة ..
بس الشىء الغريب ان البت دي هى اللى حسسته انها هى اللى بتحبه وهو راح وصارحها على هذا الاساس واللى أكد له انها لسه بتحبه كمان انها بعد هذه الواقعة اخذت تنظر له من بعيد ووتتبعه بنظراتها فى كل حته يروح فيها ولم يجد الواد الصغير فى هذا السن تفسير من اصدقائنا غير ( يا عم دى حركات ) .. وطلعت فعلا حركات .. البت لما تحب بتموت فى الحركات والتقل والحاجات دي وساعات بتسوق فيها وبتباه رخمة جدا زى البت بتاعه الكولا دي .. وممكن تلاقى البت بتحب وميته صبابه وسايقة التقل والعوج وماشية بالمثل الشعبي
( إبعد حبه تزيد محبة ) بالعكس من الرجل إلا لما يحب ملهوش فى الحركات دى وبيقول علطول ..

ويحضرني هنا حكاية كانت مثار ضحكنا أول ما دخلنا الكلية .. ومعروف إن فى سنة اولى كلية أول اهتمام لجميع الطلبة تكوين الصدقات وخصوصا من الجنس الاخر .. فكان لنا صديق بيحب واحدة ولكن هو متأثر بالسينما الصامته فكان بيحبها حب صامت ويبادلها النظرات وتبادلة النظرات لكن كان هو مفتقد الجرأة إنه يروح يكلمها حتى ولو كان مجرد كلام عادي خصوصا وهو ملهوش اى تجارب أو كلام مع الجنس الاخر ..وهو كان من العيال اللى مغرمة بأغاني فيروز فكان حافظ أغنية أنا موش فاهمها لغاية دلوقت بتغنيها فيروز بتقول ( يا زنبق يا غني بسياجه) فقرر الواد انه يكتب كلمات الاغنية على ورقة ويبعتلها للبت دي كوسيلة للتعبير عن حبه بطريقة غير مباشرة ( شفتوا الوكسة) وبعد ما عرف طريقة يوصل بيها الورقة للبنت دي واللى هى اصلا كانت ميالة له من البداية فوجىء انها جياله غضبانه جدا وهى ماسكة الورقة فى ايدها وبتقوله ( على فكرة انت قليل الادب ) وطبعا البت فهمت الكلام غلط على اساس انه حاجه قلت كدب مهو كلام ملعبك أساسا وهى اصلا متعرفش انه اغنية فظنت ان ( زنبق ) دي كلمة وحشة .

ويمكن نفس الموقف تكرر مع واحد قريبي من فترة أيام ما انتشر إعلان سيراميكا فنسيا واللازمة الشهيرة بتاعته ( مع سيراميكا فنسيا موش حتحتاج لفرش) وكان لسه الاعلان طالع وقتها وقريبى ده لقط اللازمة دى وعلقت معاه وكان بيهزر مع واحدة زملته فى الشغل كان معجب بيها يبدو انها مكنتش شافت الاعلان فكان الكلام عن انها عايزة تغير بلاط المطبخ وتعمل بدل منه سيراميك فتطوع قريبي قائلا لها ( هاتي سيراميكا فانسيا) فكانت أول مرة تسمع عنه فقالت له ( وده حلو ده؟!) فقال لها وهو يغمز بعنيه غمزة غريبة ( موش محتاج لفرش) ثم انطلق فى الضحك .. وطبعا مع الجملة الاخيرة ومع الغمزة ومع الضحك فهمته غلط فقالت له ( انت قليل الادب ولازم اشتكيك ) ..وأدى جزاء مهيسة الرجاله وادى اللى بناخدة من حركات الستات .

وإلى اللقاء قريبااااااااا
مع الحلقة الثانية
غلاف هذه السلسلة مع المقدمة من هنااااا
بقلمي
أكرم صبري

للمزيد من مواضيعي

 




hgpgrm hgH,gn : pv;hj sjhj ,lidsm v[hgi ( hgpf t,r sdvhld;h tdksdh) hgH,gd hgpgrm hgpf pv;hj v[hgi sjhj sdvhld;h tdksdh t,r ,lidsm

 

 


__________________
[IMG]http://i46.*******.com/33k7wok.jpg[/IMG]
يا رب أنت رب المستضعفين وأنت ربي
(( متوقف عن الكتابة حتى إشعار أخر)
أكرم صبرى غير متواجد حالياً  

 

 

 

قديم 19-03-2009, 10:00 PM   #2
A F r i C a N o
مشرف سابق
 
الصورة الرمزية A F r i C a N o
 
تاريخ التسجيل: Jul 2007
الدولة: My SweeT RooM
العمر: 24
المشاركات: 4,046
إرسال رسالة عبر MSN إلى A F r i C a N o إرسال رسالة عبر Yahoo إلى A F r i C a N o
افتراضي

 

هههههههههههههههههههههههههههههههههههههههههههههههههه هههههههههههههههههههه
حرام عليك بجد ايه يبنى دا
فكان الكلام عن انها عايزة تغير بلاط المطبخ وتعمل بدل منه سيراميك فتطوع قريبي قائلا لها ( هاتي سيراميكا فانسيا) فكانت أول مرة تسمع عنه فقالت له ( وده حلو ده؟!) فقال لها وهو يغمز بعنيه غمزة غريبة ( موش محتاج لفرش) ثم انطلق فى الضحك .. وطبعا مع الجملة الاخيرة ومع الغمزة ومع الضحك فهمته غلط فقالت له ( انت قليل الادب ولازم اشتكيك )
جــأمد جدا يا أكرم بجد
---------------------------
انا بقــا روحت صارحت بنت الجيران ورقصت معاها سلو كمان ع السـَـلم
وامهـَـا شافتنا وجريت ورايا وانا جريت وال روحت استخبى ف مامتى
ومامتها بتقول لماماتى شوفتى العيـَـال ولاد ..... بيعملو ال وانا مكسوف
أكلت حتة علقة ياد يا كيمو
والله مش هنســاها
مستنى الجزء التَــانى يا عسـَـل

 

__________________


دايمـــا هيـكـُــون معَـــاه
جمهـُـوره إلى بنـَـــاه
وفى تـَــالتة شمَــال إتعلم الحيـــاه
أهـــــــَــــلـــــي
دا إسم أعظـم كيـَــان
عشـَــــنا أجمـَـل أيـَــام
وإحنَــا مســافرين وراه أي مكَــان
لفيــــــــــنا العَـالم البعيـــد
مهما طـَــال الطريق
مع كـُل ميـل وراه حبه يزيد
A F r i C a N o غير متواجد حالياً  

 

قديم 19-03-2009, 10:18 PM   #3
:: Lonely Mody 4 Ever ::
مشرف سابق
 
الصورة الرمزية :: Lonely Mody 4 Ever ::
 
تاريخ التسجيل: Mar 2008
الدولة: CŕàşĦ 2 Më
العمر: 26
المشاركات: 9,898
افتراضي

 

حبيب قلبى كيمو أنا والله مش عارف أقولك ايه يعنى ع الموضوع الجميل دا والسلسلة الجميلة أوى دى ان شاء الله والبداية يا غالى جميلة جدا ومتوقعة كعادتك فى سابق مواضيعك ندخل بقى يا سيدى فى صلب الموضوع يا غالى ...

بداية أحب أن أوضح ليكى يا كيمو حبيب قلبى ان الموضوع دا وقع فيه ناس كتير جدا وفيهم ناس أعرفهم كانت تعمل كدا يعنى فيهم اللى فلح ف الموضوع دا واتجوز بنت الجيران وفى غيرهم بقى اللى وقع فـ الفخ دا واتلسوع يا غالى زى ما بتقول يعنى .
يا غالى فى الأول كله بيحب بنت الجيران لأنه زى ما قولت انت الحضن الدافى اللى هوا هيلاقيه فـ الوقت دا لإنه بيكون محتاج دا وأول بنت ممكن يكون يقابلها فـ حياته هيا بنت الجيران ، وأنا عن نفسى أول بنت حبيتها فـ حياتى هيا بنت الجيران ودا مكنش يعنى حب يا غالى دا كان مجرد اعجاب يعنى وهيا كانت فـ نفس الوقت برضه زى انا يعنى ولما كانت تلاقينى يا غالى بأحكى وألعب مع واحدة تانية تتغا أوى وكلام عبط كدا يعنى وتيجى تقولى ال ايه مخصماك ال وأنا ايه بقى لسه صغير مش عاوزها تبعد عنى يعنى وكدا وبأروح ال اصالحها علشان مش تزعل منى واعمل اللى هيا عاوزاه برضه واللى كانت بتقول عليه علشان أرضيها بأعمله ومش بكسر ليها طلب بقى سحرتنى بجمالها بقى ورقتها وفـ نفس الوقت يا جماعة كان فى واحد صاحبى برضه بيحب واحدة جيرانهم لكن دا بقى اتجوزها دوقتى وخلفوا كمان أما انا بقى فراحت عليا بدرى هههههههههههههه لكن حب الجيران دا أنا باعتبره ساعات يعنى بيكون حب فاشل لأنه بيكون مبنى على مراهقات والبنت ال تدلع عليك ومش عارف ايه وممكن ترزعك قلم صوابع يدها الخمسة تعلم فى خدك الجميل دا ويبقى زى الطماطم بقى وكدا وبعدين هيا تضربك ليه ال ايه مكسوفة من الكلمة اللى قولتها وهيا أصلا جواها بتكوت فى اهلك مش بتموت فيك انت بس وبتتمنى انها تعيش معاك العمر كله بس بتدلع والدلع الزيادة عن اللزوم دا بيكون وحش أوى وبيخلى منظر البنى آدم اللى قدامها زباااااااااااااااالة بجد يعنى ... طبعاً يا أكرم ان مفهوم ان الواحد يروح يعترف للبنت اللى بيحبها دى من بنات الجيران لأنهم لاحظوا إن اللى بيعمل كدا بيتكيف آخر تكييف بدج يعنى سواء من البنت نفسها أو من امها يا غالى ... ونظام الحب دا فى منه كتير على فكرة يعنى الواحد يقعد يبص لواحدة بقى ويعيش الدور انه بيحبها وهيا برضه تبادله نفس الشعور ال وحكاوى بايخة اوى كدا أنا اعرف ان الواحد اللى بيحب واحدة يروح يعترف ليها بحبه بقى مش يعيشوا وكأنهم طرش مش بيسمعوا بقى ولا بيحسوا ولا أى حاجة ف الدنيا يدوب يقعد يسبلها وهيا البت ايه بقى ما بتصدق تعمل نفسها مكسوفة وتبص ليه من تحت لتحت وتعمل ساعات ال انها مش شايفاه وممكن تكون موصية زميلة ليها انها تراعيله وتشوفه انه بيبصلها ولا لأ وكدا والحاجت دى بنشوفها يا كيمو يا باشا ، ويا كيموو ساعات البت ممكن تفسر كلمة مش عارفة معناها وهيا يكون معناها كويس وتفسرها هيا بقى على طريقتها هيا طريقة فسرلى يا ريس الكلام وأنا ساعات هتلاقينى بهيس ساعات ايه هتلاقهم ف الكلام الغلط دا بيهيسوا على طول يعنى ومعلش يا غالى هنعمل ايه بقى يعنى الواحد ممكن يقول كلمة لواحدة الغرض منها الضحك يعنى وهوا عاوز يوريها انه يعنى فالح أوى وبيعرف يضحك وتلاقى بقى قباقيب وشباشب زى الرز نازله عليه وكلام زى السم والله واسأل مجرب ولا تسأل طبيب ( مش أنا يعنى أنا بقول حاجات حصلت مع جماعة أصحابى )

وتسلم يا كيمو ع الموضوع بقى
ومستنى الموضوع التانى يا غالى

 

__________________

>>> بتنسينى حيــــــاتى <<<
:: Lonely Mody 4 Ever :: غير متواجد حالياً  

 

قديم 19-03-2009, 10:19 PM   #4
TIKA.MUSLIMBOY
زائر
 
المشاركات: n/a
افتراضي

 

اكرم بااااااااااااشا صبري
عامل ايه يا استاذ
الطبيعي بتاعك ابداع ما بعده ابداع
بس الصراحه المره دي تحفة تحفة تحفة بجد مش ممكن موضوعك اكثر من رائع
واسلوب سلس وخيالي في الكلام عجبني جدا جدا جدا
وموضوع واقعي اووووووووووي وبيحصل كتير اووووووووووي يا اكرم
مستني الحلقة التانيه يا كبير
شكرا علي ابداعك


 

 

 

قديم 19-03-2009, 10:37 PM   #5
Nody For Ever
مشرف سابق
 
الصورة الرمزية Nody For Ever
 
تاريخ التسجيل: Aug 2006
الدولة: فى خير ربنا
المشاركات: 9,374
إرسال رسالة عبر Yahoo إلى Nody For Ever
افتراضي

 

اية الموضوع الجامد دة ياكيمو هههههه اكيد طبعا كان لازم البنت تفهمة غلط وبيغمز كمان طب كويس انها مخلتلوش عنية على هذا الاساس ههههههههه كان ساعتها هيمشى بعين وعين

 

__________________

Nody For Ever غير متواجد حالياً  

 

قديم 20-03-2009, 12:04 AM   #6
Caesar
مشرف عام
 
تاريخ التسجيل: Mar 2006
الدولة: مصـر .. والحمدلله عليها نعمه
العمر: 27
المشاركات: 1,622
إرسال رسالة عبر ICQ إلى Caesar إرسال رسالة عبر MSN إلى Caesar إرسال رسالة عبر Yahoo إلى Caesar إرسال رسالة عبر Skype إلى Caesar
افتراضي

 

هههههههههههههههههه


يا ابن الايه يا جامد

انا الحمدلله يا عم .. مبحبش و مبروحش أقول .. هما الى بيجو لحد عندي

ال حب ال .. يا عم الحب دا خرافه زيه زي عمو التنين .. عمرك شوفت تنين ؟؟ ههههههههههههه

و لجل الحظ الحلو .. انا مكانش فيه فى الجيران بنات كلهم سني الا واحده .. و كانت اختي فى الرضاعه هههههههههههههههههههههههههههههه

كمل يا عم كمل ..

 

__________________
وخــدتني ومشينا ..
والفــرح يضمنا ..
ونسينا يا حبيبي ..
مين انت ومين انا
حسيت ان هوانا
هيعيش ملييون سنه

وبقيت وانت معايا ..
الدنيا ملك ايديا ..
أأمر على هوايا
تقول أمــرك يا عنيـــــــا
Caesar غير متواجد حالياً  

 

قديم 20-03-2009, 12:14 AM   #7
ايمى3
الأعضاء
 
تاريخ التسجيل: Sep 2006
الدولة: مصر(القاهره)
العمر: 27
المشاركات: 3,402
افتراضي

 

هههههههههههههههههه
ايه يا اكرم بجد جامد كالعادة
تسلم ايدك بجد

وفعلا فى ناس كتير بتقعد تسبل وخلاص هههههههههه
بس صاحبك دا فظيع يعنى خلاص حبك الهزار دا
ومتهيالى الولد اللى منتظر من بنت انها تقولوا انها بتحبه يبقه بيحلم
لان قليل من البنات اللى ممكن يعترفوا بحبهم للولد ودول بيبقه عندهم جراءه جامده
مش موجوده عند معظم البنات لان البنات طبعا بيبقه عندها كسوف من الناحيه دى
ومستنين الجزء التانى يا اكرم باشا
بس مش تتاخر

 

__________________
مواضيع مهمة لكل مسلم ياريت الكل يدخل
سيقل تواجدى فى المنتدى
ايمى3 غير متواجد حالياً  

 

قديم 20-03-2009, 02:52 AM   #8
..::saso::..
عضو مزيكاوي
 
الصورة الرمزية ..::saso::..
 
تاريخ التسجيل: Nov 2007
الدولة: في بلاد الله الواسعة
العمر: 25
المشاركات: 5,626
إرسال رسالة عبر MSN إلى ..::saso::.. إرسال رسالة عبر Yahoo إلى ..::saso::.. إرسال رسالة عبر Skype إلى ..::saso::..
افتراضي

 

( شوفت يا بن الكلب الشبشب اتقطع عليك ) ..
ههههههههههه
جامد بجد والله يا اكرم
وسيراميكا فينسيا دا موقف زي العسل

 

__________________
..::saso::.. غير متواجد حالياً  

 

قديم 20-03-2009, 03:48 AM   #9
bikky
الأعضاء
 
الصورة الرمزية bikky
 
تاريخ التسجيل: Feb 2008
الدولة: With My Husband
العمر: 25
المشاركات: 3,990
افتراضي

 

يااااااااااااااااااااه بيفوتنى حاجات حلوة كتير
معلش يا بشمهندس باجى متاخرة والمواضيع الحلوة مش بشوفها بس الحمد لله لحقت واحد
وبجد يا أكرم موضوعك ده جميل جدا ومش بعيد عليك طبعا
والموضوع ده يحتاج الى جرأة من الولد عشان يعبر عن حبه للانسانه اللى بيحبها عشان ماتضيعش منه ويخسر حبه
وكمان ماينفعش البنت تعترف لواحد انها بتحبو لان دا الطبيعى ان الولد هو اللى بيتقدم للبنت او هو اللى بيصرح بمشاعره الاول
وطبعا لكل قاعدة شواذ يعنى ممكن فى الزمن ده تلاقى بنات هما اللى بيروحو للولاد ويقوللهم انهم بيحبوهم وكدة
وطبعا فيه ولاد بيستخفو بمشاعر البنات دول ويقضوا حياتهم فسح وخروجات وعيشوا بقى
فأنا مش متخيلة يعنى بنت تروح تقول لولد أنا بحبك
مش متخيلاها بجد والله
يلا مبقاش فيه حاجة على حالها فى الزمن ده
ودايما يا أكرم متألق ومنفرد باللى بتقدمه لينا واتمنالك مزيد من التقدم والنجاح

 

__________________
اللَّهُمَّ أنزل بك حاجتي وإن قصر رأيي وضعف عملي وافتقرت إلى رحمتك فأسألك يا قاضي الأمور ويا شافي الصدور كما تجير بين البحور أن تجيرني من عذاب السعير ومن دعوة الثبور ومن فتنة القبور
bikky غير متواجد حالياً  

 

قديم 20-03-2009, 06:53 PM   #10
أكرم صبرى
عضو مزيكاوي
 
الصورة الرمزية أكرم صبرى
 
تاريخ التسجيل: Mar 2007
الدولة: فوق قهوة جمالات
العمر: 30
المشاركات: 1,251
افتراضي

 

A F r i C a N o
اقتباس:
انا بقــا روحت صارحت بنت الجيران ورقصت معاها سلو كمان ع السـَـلم
وامهـَـا شافتنا وجريت ورايا وانا جريت وال روحت استخبى ف مامتى
ومامتها بتقول لماماتى شوفتى العيـَـال ولاد ..... بيعملو ال وانا مكسوف
أكلت حتة علقة ياد يا كيمو
والله مش هنســاها
مستنى الجزء التَــانى يا عسـَـل
ههههههههههه
بترقص ع السلم يا أفريكانووووووووووو
طب كويس انها جت بس على اد الضرب
محدش طلبلك مستشفى المجانين ههههههههههه
طلعت واد نمس يا افريكانو

:: The Missing Organ ::
اقتباس:
حبيب قلبى كيمو أنا والله مش عارف أقولك ايه يعنى ع الموضوع الجميل دا والسلسلة الجميلة أوى دى ان شاء الله والبداية يا غالى جميلة جدا ومتوقعة كعادتك فى سابق مواضيعك ندخل بقى يا سيدى فى صلب الموضوع يا غالى ...
ربنا يخليك يا باشااااااااااا
وخش يا عم فى صلب الموضوع حد حايشك
اقتباس:
وفـ نفس الوقت يا جماعة كان فى واحد صاحبى برضه بيحب واحدة جيرانهم لكن دا بقى اتجوزها دوقتى وخلفوا كمان أما انا بقى فراحت عليا بدرى هههههههههههههه
لا راحت ولا حاجه..
هم بس قليلين اللى اتجوزوا بنت الجيران أول حب
واحيانا كتيرة موش بيكون حب ولا حاجه لان المشاعر فى الفترة دي موش بتبأه مظبوطة
وبيكون حب عياااااااااااااال
اقتباس:
ونظام الحب دا فى منه كتير على فكرة يعنى الواحد يقعد يبص لواحدة بقى ويعيش الدور انه بيحبها وهيا برضه تبادله نفس الشعور ال وحكاوى بايخة اوى كدا أنا اعرف ان الواحد اللى بيحب واحدة يروح يعترف ليها بحبه بقى مش يعيشوا وكأنهم طرش مش بيسمعوا بقى ولا بيحسوا ولا أى حاجة ف الدنيا يدوب يقعد يسبلها وهيا البت ايه بقى ما بتصدق تعمل نفسها مكسوفة وتبص ليه من تحت لتحت
الكلام ده ممكن يكون من عيال صغيرة
لكن الغريب ان ناس كبيرة وعاقلة ممكن تعيش فى الحب الصامت ده لفترات كبيرة ووهمه نفسها ان اللى قدامها كمان بيحبها ، اعرف شخص كان بيحب صامت وكان فاكر اللى بيحبها كمان بتحبه لغاية ما فوجىء ذات يوم بانها اتخطبت لواحد تاني .
وشكرا يا أورجان على ردك الرائع

TIKA.MUSLIMBOY
اقتباس:
اكرم بااااااااااااشا صبري
عامل ايه يا استاذ
الطبيعي بتاعك ابداع ما بعده ابداع
بس الصراحه المره دي تحفة تحفة تحفة بجد مش ممكن موضوعك اكثر من رائع
واسلوب سلس وخيالي في الكلام عجبني جدا جدا جدا
وموضوع واقعي اووووووووووي وبيحصل كتير اووووووووووي يا اكرم
مستني الحلقة التانيه يا كبير
شكرا علي ابداعك
ربنا يخليك يا طارق
وإن شاء الله الحلقة التانية حتكون موجودة قريبا
وطبعا تهمني متابعتك وتعليقك .

nody&koky
اقتباس:
اية الموضوع الجامد دة ياكيمو هههههه اكيد طبعا كان لازم البنت تفهمة غلط وبيغمز كمان طب كويس انها مخلتلوش عنية على هذا الاساس ههههههههه كان ساعتها هيمشى بعين وعين
الحمد لله يا نودي ربنا ستر معاه
واظن انه باه خلاص من بعدها لا حيتغمز ولا حيعمل اى حاجه
ميرسى يا نودي على مرورك الجميل .

Medo_Elsaher
اقتباس:
هههههههههههههههههه
يا ابن الايه يا جامد
انا الحمدلله يا عم .. مبحبش و مبروحش أقول .. هما الى بيجو لحد عندي
ال حب ال .. يا عم الحب دا خرافه زيه زي عمو التنين .. عمرك شوفت تنين ؟؟ ههههههههههههه
و لجل الحظ الحلو .. انا مكانش فيه فى الجيران بنات كلهم سني الا واحده .. و كانت اختي فى الرضاعه هههههههههههههههههههههههههههههه
كمل يا عم كمل ..
ههههههههه
يا بنى انا اساسا اعرف انك حبيب قديم
أطلع من دول ياض انت
وتابع يا خويا معايا تابع .
ايمى3
اقتباس:
هههههههههههههههههه
ايه يا اكرم بجد جامد كالعادة
تسلم ايدك بجد
وفعلا فى ناس كتير بتقعد تسبل وخلاص هههههههههه
بس صاحبك دا فظيع يعنى خلاص حبك الهزار دا
ومتهيالى الولد اللى منتظر من بنت انها تقولوا انها بتحبه يبقه بيحلم
لان قليل من البنات اللى ممكن يعترفوا بحبهم للولد ودول بيبقه عندهم جراءه جامده
مش موجوده عند معظم البنات لان البنات طبعا بيبقه عندها كسوف من الناحيه دى
ومستنين الجزء التانى يا اكرم باشا
بس مش تتاخر

هو يا ايمي مكنش منتظر انها تيجي تقوله انا بحبك
هو يظهر كان مكسوف ليس إلاااااااااااااا
وأشكرك على المتابعة يا ايمي .

..::saso::..
اقتباس:
( شوفت يا بن الكلب الشبشب اتقطع عليك ) ..
ههههههههههه

جامد بجد والله يا اكرم
وسيراميكا فينسيا دا موقف زي العسل

ميرسى يا باشااا على مرورك
وهى مواقف فعلا تفطس من الضحك
لكن شر البلية ما يضحك .
bikky
اقتباس:
والموضوع ده يحتاج الى جرأة من الولد عشان يعبر عن حبه للانسانه اللى بيحبها عشان ماتضيعش منه ويخسر حبه
وكمان ماينفعش البنت تعترف لواحد انها بتحبو لان دا الطبيعى ان الولد هو اللى بيتقدم للبنت او هو اللى بيصرح بمشاعره الاول

لو الانسان لم يمتلك الجرأة فى التعبير عن حبه طب بعد كده حيدافع عن الحب ده ازاي !
لكن فى التوبيك العيال دول كانوا صغيرين وبالتالى مواقفهم منطقية جدا بالنسة لسنهم .

اقتباس:
ودايما يا أكرم متألق ومنفرد باللى بتقدمه لينا واتمنالك مزيد من التقدم والنجاح

ربنا يخليكي يا بيكي واشكرك جدا على التعليق الجميل .




 

__________________
[IMG]http://i46.*******.com/33k7wok.jpg[/IMG]
يا رب أنت رب المستضعفين وأنت ربي
(( متوقف عن الكتابة حتى إشعار أخر)
أكرم صبرى غير متواجد حالياً  

 

موضوع مغلق

مواقع النشر (المفضلة)

الكلمات الدلالية (Tags)
الأولي, الحلقة, الحب, حركات, رجاله, ستات, سيراميكا, فينسيا, فوق, ومهيسة

المنتدى العام


Ads


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سلسلة حركات ستات ومهيسة رجالة ( المقدمة : كلمة ع السريع ) أكرم صبرى المنتدى العام 12 23-03-2009 04:11 AM
الجوانب السلبية فى الشخصية المصرية ( مطرح ما ترسي دوقلها ) ..!! الحلقة الأولي أكرم صبرى المنتدى العام 9 01-03-2009 08:25 PM

Rss  Rss 2.0  Html  Xml  Sitemap 


الساعة الآن 09:30 AM.


Powered by vBulletin® Copyright ©2000 - 2014, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team



 
 
Bookmark and Share

افلام عربى | افلام اجنبى | اغانى | كليبات | لقاءات | عروض المصارعه | مسلسلات | مسرحيات | العاب | برامج | موبيل | رياضه 

العاب فلاش - العاب بنات - العاب سيارات - العاب اكشن

ألعاب المغامرات | أكشن وقتال | العاب عربيه | الذكاء والألغاز | العاب اطفال | العاب ورق | ألعاب الفتيات | ألعاب ثقافية | العاب رياضية | العاب سيارات

جميع المشاركات والمواضيع في منتدى لا تعبر عن رأي إدارته بل تمثل وجهة نظر كاتبها