العودة   منتديات مزيكا تو داى > منتدى البرامج والموبيل والصور > منتديات الموبايل > الموبايل العام

الموبايل العام هنا يختص بكل المواضيع الخاصة بالموبايل ..
General Mobile

إضافة رد
 
أدوات الموضوع إبحث في الموضوع انواع عرض الموضوع
قديم 18-12-2011, 11:18 AM   #1
maker sense
عضو مزيكاوي
 
الصورة الرمزية maker sense
 
تاريخ التسجيل: Dec 2010
الدولة: in the Heart
المشاركات: 505
إرسال رسالة عبر Yahoo إلى maker sense
افتراضي اكواد هامه لفودافون - موبينيل موضوع مهم جدا يوجد به كل ما تريده عن الموبايل

 

اكواد هامه لفودافون موبينيل موضوع


vodafone






#100* فودافون لمعرفة الوقت والتاريخ ( فودافون) بس فية بعض الخطوط بتبقى الساعة بايظة بس على العموم
ممكن يعرف الوقت الصحيح ويزود ربع ساعة مثلا وكل مرة يشوف الوقت يزود ويبقى كدة عرف الغلطة فى الوقت



وعلى فكرة انا مسكتش اتصلت ب888خدمة العملاء اقولهم انا الساعة عندى مأخرة ساعة الا ربع قالى حضرتك خدمة #100* لسة لم يعلن عنها علشان كدة مش من حقك تسأل بايظة ولا شغالة



#150* فودافون لمعرفة اخر رقم اتصل بيك واحد يقولى طيب منا عندى المكالمات التى لم يرد عليها ممكن اشوفها اقوله بس دة حتى لو جهازك مقفول وحد اتصل هايجبلك الوقت اللى اتصل فيه و التاريخ بس زى ماقولنا فوق الوقت ممكن يكون مش مظبوط وبستخدم لما تيجي تطلع الموبايل من جيبك تلاقية مقفول (اوحش حاجة فى الدنيا لأنك متعرفش مقفول من الساعة كام ومين اللى اتصل ) بس #150* بتجيبلك اللى اتصل وهو مقفول والساعة والتاريخ بتاع الاتصال


#06#* نوكيا تعرفلك السيريال بتاع الجهاز اللى بيبقى مكتوب تحت البطارية على الظهر بتاع شاسيه الموبايل ودة مهم في اية اقولك انا لو الجهاز دخله سوفت الرقم دة بيتغير يبقى بتعرف ان الجهاز دة ملعوب فية او لو اتفتح واتغيرله الظهر بتاع الموبايل ودة الاختيار اللى بيختاره اللى شغالين فى شارع عبد العزيز علشان مايقولكش انه دخله سوفت يقولك دة الظهر متغير علشان وقع منى واتكسر ت حته منه والبورده سليمه والله


#0000#* نوكياوده بقى علشان يعرف تاريخ خروجة من المصنع علشان تعرف الوقت اللى اشتغله الموبايل من تاريخه وكمان بتجيب اسم الموبايل اللى معاك



#war0anty#* طبعا دى معناها #92702689#* نوكيا بيطلعلك الموبايل عمل كام ساعة علشان العداد اللى جوه الموبايل بيتصفر بأسهل السهوله اما العداد اللى هو بيجبهولك اصلى



#3370* بيعمل اعادة تشغيل الجهاز وفية ناس قالو انه بيعلى الشبكة



#4720* الرقم دة محدش يعرفه خالص المهم انه زي الرقم اللى فوق بيعمل اعادة تشغيل الجهاز والرقمين دول فى الاجهزة القديمة بس اكيد لية فايدة انا معرفهاش





#رقم اى موبايل*888* و #رقم اى موبايل*999* فودافون دى برضة اللى يعرفوها قليل اوى وخدمة جديدة من فودافون بيجبلك رقم الباك بتاع اى موبايل حتى لو مش بتاعك الفرق بينهم ان 888 بالعربى و 999 بالانجليزى




#اى رقم موبايل*505* فودافون طبعا دى حفظناها عن ظهر قلب كلمنى شكرا او كلمنى وجزاك الله خيرا

طبعا دي فودافون ليك 5 فى اليوم لفودافون بس


بعد ما كان 3 فى اليوم ولكل الخطوط




تحويل المكالمات




#اى رقم*21* و#اى رقم*002* فودافون لتحويل جميع المكلمات على الرقم اللى انت هاتكتبه لو الرقم دة غير صحيح اللى هايتصل بيك يقوله هذا الرقم غير صحيح ولو غير متاح يقوله هذا الرقم غير متاه وهكذا وفيه ناس بتحوله على كابينة ميناتل يقوله هذا الرقم مرفوع مؤقتا من الخدمة بناءً على طلب المشترك بس عمرى مرضيت اشغلها لأنها ملهاش لزمه انك مش هاتعرف مين اللى اتصل بيك الا اذا عملتها بدل ماتقفله مثلا الناس الوحيدة الى بتستخدمه بتوع السنترالات بيشغله التحويل دة علشان مش كل شوية واحد يتصل يقوله الرقم دة بيتصل بيه وهكذا انا معرفش الفرق بين الرقيمين اللى فوق

على فكره التحويل دة بيخصم من الرصيد لو حولت على الرقم تانى والرقم دة فتح على اللى بيتصل بيك بيعتبره هو اتصل بيك وانت اتصلت باللى انت محوله يعنى لو كنتى مهول على رقم دولى وواحد اتصل بيك يتخصم نص جنية منه ويكلم هو دولى وانت يتخصم منك 5 جنية بالشفا ان شاء الله اما لو حولت على رقم غير صحيح او غير متاح او اى حاجة بس المهم ان مايتفتح على اللى بيتصل بيك


لفك التحويل دة #21# او #002# على التوالى لو مشغله ب 21 تلغيه 21 ولو002 يبقى تلغيه ب 002

#اى رقم*67* فودافون ده تحويل برضة بس احسن تحويل عند انشغال الخط يعنى انت لو بتكبم واحد يحولهولك على اى رقم

يعنى لو محول على رقم غير صحيح يقول لو لنت مشغول هذا الرقم غير صحيح او لما تعمله cancel وهو بيتصل بيك يلاقى فى وسط ماهو بيرن عليك الست تطلع تقوله هذا الرقم غير صحيح يجنن هو بقة ملناش دعوة


يتلغى ب #67#

#اى رقم*61* دة للتحويل بعد 30 ثانية من الاتصال ونفس الكلام اللى قولناه فوق ويتلغى #61#







848 ببلاش

لمعرفة اخر معاد للشحن ودلوقتى فى سوبر دردشة تعرف بيها كام دقيقة اتكلمتها لحد دلوقتى لأنك اقل من 30 دقيقة بيخصم 7 جنية واكتر من 30 دقيقة بيخصم 5 جنية واكتر من 45 دقيقة مابيخصمش




868 ب 20 قرش المكالمة كلها لمعرفة رصيدك او تحويل الرصيد من 5 الى 50 فى المرة الواحدة


808 خدمة البريد الصوتى يعنى الانسر ماشين بفلوس على اللي بيتصل يعنى لو انت ماردتش او كنت مغلق هايفتح عليه ويقوله قول الرسالة بعد سماع الصفارة

858 ببلاش طبعا لشحن الموبايل بتدخل 14 رقم

على فكرة لو معرفتش تقرأ 5 ارقام من ال14 رقم اتصل ب888 ويقولك عل الارقام اللى ناقصاك اما لو اكتر من 5 يبقى راح عليك الكارت



888 ب 50 قرش المكالمة كلها خدمة العملاءهايقولك لو عايز الباك دوس رقم اى حاجة ( طبعا انا قولت فوق ازاى بنجيب الباك ببلاش ) ويقولك لوعايز تعرف معلومات عن نظامك دوس كذا المهم انك لو عايز تكلم واحد من خدمة العملاء دوس 0 زيرو وتتكلم معاه وتحكيله مشكلتك

880 مش عارف رسوم التحويل كام لتحويل من نظام الى اخر
( دلوقتىمفيش تقريبا الا الاصلى وسوبر دردشة ) وأكيد هايعملوا جديد بعد ماموبينيل عملت صلاحية مدى الحياة

5555 بجنية ونص الدقيقة للكوول تون

800 ببلاش لمعلومات عن خدمات فودافو
ن



لو انت قافل الموبايل فترة كبيرة أو موبايلك كان غير متاح وعايز تعرف كل اللى اتصلوا بيك فى خلال هذة الفترة ممكن تشغل هذة الخاصية

#777* بفلوس بتتصل بيها بعدين بيبعتلك رسالة يقولك انك شتركت فى هذة الخدمة واول ما تفتح الموبايل يبعتلك رسالة يقولك ان فيه حد اتصل بيك بس مش بيقول هوة مين لو عايز تعرف اتصل على #777* ولو اتصلت هايسحب منك نص جنية لو انت كارت وربع جنية لو انت خط (بزنس يعنى)

يبقى كدة لو انت متصلتش مش هاياخد فلوس ولو عايز تعرف هوة مين اتصل وهياخد فلوس يبقى ممكن تستنى لما يجمعوا عدد كبير من اللى اتصلو وبعدين تصل ب#777* ويجبلك ارقامهم كلهم فى نفس الرسالة


فيه رقم تانى بيساويه هو #110* بس مش معروف

قولنا قبل كدة ان فية خدمة ببلاش بتجيبلك اخر رقم اتصل بيك حتى لو انت قافل الموبايل #150*




mobinil





كل المعلومات التى تهمك عن موبينيل واشرحلكم ازى الاستفادة بيها

#100# ببلاش اسمها موبيليست بيجيبلك

1- تحويل رصيد

2- اعادة الشحن

3- معلومات عن حسابك (استعلام عن الرصيد) ب 20قرش

4- التالى

وهتلاقى كلمة ANSWERاو كلمة رد على الشمال دوس عليها هاتلاقى صفحة بيضا اتفتحت اكتب 4 هايجبيلك

4- أطلبنى

5- خدمات وعروض موبينيل (الجديدة )

6- عالم المرح والمعلومات ( بفلوس)

7- الضبط (لضبط القائمة اللى فوق )

اى اختيار من الاختيارات اللى فوق اكيد مفهوم هوة بيعمل اية


# رقم كارت الشحن*102# للشحن السريع

# رقم الموبايل *104# خدمة اطلبنى (كلمنى شكرا) على فكرة لموبينيل فقط و 3 مرات فى الاسبوع

446 ببلاش لمعرفة فترة الصلاحية بيبعتلك رسالة بعدد الايام اللى باقيلاك فى الصلاحية (على العموم الف مبروك على مدة الحياة يا ال موبينيل )

شوفوا بقة الاستخدام الجديد للخدمة دى كدة كدة الرسالة دى ببلاش يعنى اطلب
446 وتجيلك الرسالة وتشوف تاريخ الرسالة يبقى كدة انت عرفت الوقت والتاريخ

يعنى دى بدل #100* بتاع فودافون يبقى اللى عايز يعرف الوقت والتاريخ فى موبينيل يتصل ب 446

علشان متقولوش انى حارمكم من حاجة


444 للشحن - او شحن للغير - او تحويل رصيد -تشترى بية صلاحية بالرصيد اللى عندك

8000 بفلوس حجز شركات او فنادق او طائرات

777 بفلوس على اللى بيتصل بيك بريد صوتى ( الانسر ماشين)

250 او 110 بجنية ونص المكالمة كلها خدمة العملاء على فكرة اول 3 مرات مجانا
(كدة ابدأ احترم موبينيل )

445 الاختيارات اللى هايديهالك



1- استعلام عن الرصيد ب20قرش تدوس واحد هايفتح قائمة تانية


(1) استعلام عن الرصيد


(2)ميعاد اخر رسالة ورقم المرسل الية (خدمة جامدة من موبينيل )


(3) اخر مكالمة والمدة والرقم الى اتصلت بيه (كدة فعلا الواحد يحترم موبينيل ان الخدمات دى مش فى فودافون)

2- استعلام عن اسعار المكالمات ببلاش


3- لتغيير اللغة ببلاش


4- معلومات عامة عن موبينيل ببلاش


5- استعلام عن الباك بتاع اى رقم اواستطلاع عن رقم الخط ببلاش


6- للحصول معلومات عن نظامك ببلاش

442


1- للاشتراك فى احد الانظمة ( لتغيير نظامك)


2- للاشتراك فى احدى الخدمات


3- للمزيد من المعلومات عن انظمة الو


4- لمعرفة الخدمات اللى اشتركت بها

300

1-احدث عروض موبينيل


2- استعلام عن اشتراكك


3- خدمات موبينيل افراد


4- خدمات موبينيل شركات



5- أقرب مراكز خدمة العملاء




انا جايبلوكو جميع اكواد موبينيل السرية


للاستفاده من الخدمات التاليه اتبع الاتى :




اكتب الكود : مثال ( #1234# ) ثم اضغط اتصال



خدمه تحويل الرصبد



#1*100#

خدمه الشحن

#2*100#

لمعرفه الرصيد الخاص بك مجانا


#3*100#



خدمه كلمنى شكرا ( 3 رسائل اسبوعيا
مجانا



#4*100#


خدمه معلومات عن حسابك


#5*100#


خدمه اشحن خطى من فضلك


#6*100#


خدمه الشحن لخطوط اخرى



#7*100#



خدمات موبينيل


#8*100#






etisalat



واخيرا وليس اخرا اكواد اتصالات


اخيرا اتصالات

لمعرفة الرصيد #555*

لمعرفة الدقائق المجانية#558*

لشحن الرصيد#15 رقم اللي على الكارت*556*

لارسال رسالة "من فضلك كلمني" #رقم التليفون اللي انت عايزه*111*

بالنسبة لعرض رمضان هذة هي الاكواد الخاصة به:

لمعرفة الدقائق #1*555*

لمعرفة الرسائل #2*555*

لمعرفة الفديو كول #3*555*

تفاصيل خدمة سلفني من اتصالات

يمكنك استخدام هذا الرصيد في اجراء المكالمات المحلية ( أي محمول/أرضي ) و الرسائل القصيرة (محلية/دولية)
استخدم فقط ما تحتاجه من ال 3 جنيه و سوف يتم خصم فقط القيمة المستهلكة و تكلفة الخدمة عند إعادة الشحن .

هــــــــــــــــــام
تكلفة هذه الخدمة 5 قروش تضاف على سعر اي دقيقة او رسالة
بمعني
الرسائل القصيرة (محلية/دولية) سعر الرسالة العادي +5 قروش
الدقيقة المحلية ( أي محمول/أرضي ) سعر الدقيقة + 5 قروش

مثال: إذا كان استهلاكك من هذه الخدمة 1 دقيقة و سعر الدقيقة على نظامك الحالي 0.19 قرش سوف تحاسب كالاتى : (0.19+0.05)=0.24 قرش


سوف يتم خصم فقط القيمة المستهلكة و تكلفة الخدمة عند إعادة الشحن

طريقة استلاف ال3 جنية من اتصالات


لإستخدام خدمة سلفنى شكرا من اتصالات اطلب
# 911 *
نجمة 911 شباك

لمعرفة رصيدك المتبقي من خدمة سلفني من فضلك اطلب #2*555* مجاناً

هذه الخدمة متاحة بعد 3 شهور من الاشترك على نظام إتصالات أهلا على أن يكون استهلاكك الشهر السابق

يمكنك استخدم هذه الخدمة أكثر من مرة يوميا, بمعني اذا قمت باستخدام الخدمة ثم قمت بشحن الرصيد و أصبح رصيدك اقل من جنيه يمكنك إعادة طلب الخدمة



حصريا جميع اكواد اتصالات مصر
(1) لمعرفة رصيدك اطلب *555# مجانا او كلم 555 بـ 19قرش
(2) لشحن موبايلك بكارت شحن اطلب *556*الكود الشحن # او كلم 555
(3) لمعرفة نظامك الحالى وتفاصيل نظامك كلم 555
(4) لمعرفة رقم موبايلك كلم 555
(5) لمعرفة احدث عروض اتصالات كلم 500 مجانا
(6) لمعرفة رمز الباك الخاص بك او اى خط اتصالات اخر كلم 500 مجانا
(7) للتحويل لأى نظام اخر كلم 525 بـ29قرش
(8) لاختيار تخصيص الـ 3 ارقام اتصالات على نظام yes كلم 535 او ابعت 3 رسايل في كل رسالة بـ 10قروش للرسالة
(9) للدخول على قائمة اتصالات اطلب *100# او #100# مجانا
(10) لمعرفة استهلاك الحالى من الانترنت اطلب *558*5# مجانا
(11) للأشتراك فى خدمة كولت كول[ الارقام التى حاولت الاتصال بك وتليفونك مغلق او غير متاح ] اطلب *787# بـ 5جينية فى شهر
(12) لأرسال كلمنى شكرا اطلب *111*رقم اتصالات# ليك رسالتين مجانا فى اليوم
(13) لتحويل رصيد من اتصالات لـ اتصالات اطلب *557*الرقم*المبلغ#
(14) للأشتراك فى خدمات الانترنت ابعت رسالة فاضية لـ 250مجانا حتوصلك رسالتين احفظ رسالة التكوين
(15) للأتصال على حساب الغير من اتصالات ضع # قبل الرقم واتصل
(16) للأستخدام خدمة سلفنى شكرا اطلب *911#
(17) للأشتراك فى خدمة كول تون اتصالات كلم 1500 بـ1.50قرش للدقيقة او ابعت كود الاغنية على رقم 1505
(18) للأتصال بخدمة العملاء كلم 333 من اى خط اتصالات او 0111234333 من اى شبكة اخرى او 35346333 من اى خط ارضى

[IMG]http://forums.*****.com/images/buttons/quote.gif[/IMG]
للمزيد من مواضيعي

 




h;,h] ihli gt,]ht,k - l,fdkdg l,q,u lil []h d,[] fi ;g lh jvd]i uk hgl,fhdg gil l,fdkdg l,q,u hgl,fhdg h;,h] jvd]i []h d,[n

 

__________________

maker sense غير متواجد حالياً   رد مع اقتباس

 

 

 

إضافة رد

مواقع النشر (المفضلة)

الكلمات الدلالية (Tags)
لفودافون, لهم, موبينيل, موضوع, الموبايل, اكواد, تريده, جدا, يوجى, هامه

الموبايل العام


Ads


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Rss  Rss 2.0  Html  Xml  Sitemap 


الساعة الآن 07:17 AM.


Powered by vBulletin® Copyright ©2000 - 2014, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team



 
 
Bookmark and Share

افلام عربى | افلام اجنبى | اغانى | كليبات | لقاءات | عروض المصارعه | مسلسلات | مسرحيات | العاب | برامج | موبيل | رياضه 

العاب فلاش - العاب بنات - العاب سيارات - العاب اكشن

ألعاب المغامرات | أكشن وقتال | العاب عربيه | الذكاء والألغاز | العاب اطفال | العاب ورق | ألعاب الفتيات | ألعاب ثقافية | العاب رياضية | العاب سيارات

جميع المشاركات والمواضيع في منتدى لا تعبر عن رأي إدارته بل تمثل وجهة نظر كاتبها