العودة   منتديات مزيكا تو داى > المنتديات العامة > المنتدى العام

المنتدى العام General
Talk about anything ...اتكلم براحتك

إضافة رد
 
أدوات الموضوع إبحث في الموضوع انواع عرض الموضوع
قديم 20-02-2011, 08:20 AM   #1
صــــــ الاحزان ـــــــمت
عضو مزيكاوي
 
الصورة الرمزية صــــــ الاحزان ـــــــمت
 
تاريخ التسجيل: Apr 2010
الدولة: egypt , cairo
المشاركات: 304
Thumbs down وائل غنيم ماسونى ولا مش ماسونى

 

وائل غنيم ماسونى ماسونى



بسم الله الرحمن الرحيم

بصراحه الواحد زهق من كتر الحوارت اللى عماله تتعمل عن وائل غنيم

وده مجند
وده ماسونى
وده مش عارف ايه

الواحد اتخنق

بالله عليكو اقرو الكلام ده كويس


تعالى اقولك وائل غنيم ماسوني ولا مش ماسوني


بدايه.. خلينا متفقين ان في ميه وتلاتين الف واحد – ان مكانوش ميه واربعين - هيقولي انصحك بانك تخش تقرا البروتوكلات الصهيونيه وتقرا عن الماسونيه وهيتهمني بالتخلف


----------


بعد الثوره المصريه بتاعت 25 يناير
انتشرت الكثير من الصور علي الفيس بوك
الحق وائل غنيم ماسوني
الحق ده لابس تيشيرتات
الحق ده لابس حظاظات
الحق بتاع البيت الابيض هو راخر لابس حظاظات !



ارجع كام يوم للوراء كده
واتفرج علي التلفزيون المصري اثناء الثوره
الحق اجندات .. الحق اخوان .. الحق كنتاكي
الحق عناصر اجنبيه

- بالمناسبه كان في عناصر اجنبيه بالفعل .. بس كانوا الصحفيين الي بيغطوا الخبر .. اصلهم مبينجموش -


الماسوونيه ... السيطره علي العااالم .. اليهوووود ... فووقوا يا مصر !!!


--------


خلينا انا وانت كده عزيزي القارئ
قاعدين علي القهوه وبنتناقش
ومعانا واحد رخم انا وانت مبنحبهوش


الصور اللي علي الفيس او غيره
بتدل علي ان وائل غنيم ماسوني !! ..حلو
وكمان قالك في خبر من ويكيليكس المشروع العجيب اللي كنت بثق فيه الاول قالك ان امريكا جندت وائل غنيم عشان يسقط النظام...!! حلو كده ..


استرجع معايا كام نقطه ..


يعني وائل غنيم بالصلاة علي النبي كده..كان قاعد في امريكا ولما حصلت حادثه خالد سعيد راحت امريكا قالتله ايه ...


السيناريو الاولاني


"خد يا واد يا وائل بص يا سيدي اعمل صفحه وسميها كلنا خالد سعيد واقعد نمي فيها وكبرها وعليها خليها زي بنتك حافظ عليها وان شاء الله استني لما تونس تخلع بن علي وابقي هيج الشعب واسقط النظام .. بس متتأخرش يا ولا !! "


السيناريو التاني


" خد يا واد يا وائل بص يا سيدي بما ان الشعب اسقط النظام في تونس وانت صفحتك ماشاء الله كبيره وفيها ناس حلوين فاحنا هنجندك عشان تسقط النظام عندكوا انتوا كمان وابقي خد معاك كام واحد كده عمرو سلامه علي محمد دياب وبقوا قدوه للشباب يا حبيبي واد يا وائل امريكا بتعتمد عليكوا يا ولاد !! ..
وائل راح قايل : حاضر يا طنت "



السيناريو الثالث


" واد يا وائل انت عارف يا حبيبي انك ماسوني وان امريكا ماسونيه هي رخرا وانت عاااارف يا حبيبي نظام مبارك وحش مش راضي يتعاون علي اسرائيل قاطع عنهم الغاز والميه والنور ومش راضي يقفل المعبر ولا يبني جدار مع اسرائيلين عشان يساعد الفلسطينيين الوحشين ووضعنا في اسرائيل متأزم اوي يا واد خد يا حبيبي الناس اللي عندك علي الصفحه واسقطوا النظام عشان نجيب واحد حلو مع اسرائيل في ظرف عشرين يوم تسقطوه يا ولا متتأخرش !! ..حاضر يا طنت "



ولك عزيزي القارئ تخيل اي سيناريو انت عايزه
حيث ان امريكا واسرائيل كانوا متضايقين جدا من نظام مبارك الوحش الكخه
اللي مكانش متعاون معاهم
فجابولنا وائل عشان يسقط النظام ويضحك علي الشعب ويجيبوا واحد يخدم اسرائيل وامريكا



يا صديقي القارئ بالله عليك كده امريكا هتهتم لأمرنا بتاع ايه ؟؟؟
يعني هتستفيد ايه لما النظام في مصر يكون ديمقراطيه يكون حاجه محترمه تحقق مطالب الشعب اللي بينادي بيها بقاله تلاتين سنه


يعني مثلا ..وائل غنيم ده
جاب مطالب من دولابهم اللي في اسرائيل بافتراض انه ماسوني يعني


يعني مثلا ..
الغاء قانون الطوارئ..وان الفتره الانتخابيه تكون فترتين اقصاهم
وتشيل الشروط التعجيزيه عشان الريس يترشح
دي مطالب اسرائيل مثلا .. وقالت لوائل اعمل كده يا وائل ؟



بلاش دي .. خد دي ..
كرامتك اللي كانت بتتهان مع الشرطه كل يوم
في اي مصلحه...مصالح البلد الي كانت واقعه
المليارات اللي اتسرقت .. اللي تشكل ميزانيه دوله ... هل ده كان شيء بيزعل اسرائيل وامريكا والماسونيه
فراحوا قايلين لوائل يا واد يا وائل عايزين نعمل البلد حلوه ونرفع راس وكرامه المصري عشان نعرف نسيطر عليه ؟؟؟



بافتراض افتراض خيالي علمي جاي من توم وجيري..
وائل ماسوني ها..وبعدين
اقصى حاجه ممكن يعملها ايه ؟؟

- وراعي برده انه كان مؤسس فكره خمسه وعشرين يناير او احد المساهمين فيها –



ها ..هيعمل ايه ...
هيقولنا مثلا.. يا جماعه اقلبوا ماسونيين واحنا نقول سمعا وطاعه يا وائل !!

هيقولنا مثلا .. يا جماعه..
تفرقوا .. وكسروا في بعض واعملوا مشاحنات ومتنضفوش الشارع !!!
سمعا وطاعه يا وائل ؟؟



يعني مثلا مثلا ..
اقصى حاجه ممكن يعملها ايه
اقصى اقصى حاجه .. هيقولهم يا جماعه البسوا حظاظات ؟؟


الشخص الرخم اللي كان معانا في القهوه : ..


طب بص يا سيدي ... تفسر بايه الحظاظات والتشرتات ادي واحد


تفسر بايه .. ان انت بتقول التلفزيون المصري كان بيقول اجندات
واهو دلوقتي مفيش حكومه
الحكومه بردو اللي بتقول علي وائل انه ماسوني ؟؟ ..ادي اتنين


يااااابني - ولازم يطول فيها كده -
فووق بقي وائل ده ماسوني.. ماسووني
يعني عايز يسيطر علي البلد عشان اسرائيل تحتلنا !!
انت مبتقراش بروتوكولات صهيونيه ؟؟



---------


الحظاظات كل لون بيرمز لرمز...
يعني الاخضر اللي كان وائل لابسه..بيدل علي السلام وسلام البيئه

رمز بيستخدمه...زي علامه النصر كده V ...


التيشيرت...الماركه ماركه عالميه معروفه
شبيهه بعلامه البوجو – مش بيجوه عشان بتقولوها غلط -
علي كده اللي راكب عربيه بوجو وعليها الاسد اياه .. يبقي ماسوني كافر زنديق !!



الجمله الاخيره والمطلوب انك تستوعبها كويس :


وانا اسف يا وائل ان كنت بتقرا هذا الكلام ولكن لو افترضنا فرض ان وائل ماسوني


الشعب المصري مش شعب متخلف
احنا شعب قمنا بالثوره في عشرين يوم
نعرف نفرق .. اذا كان الشخص في مصلحتنا ولا لا
محناش قطيع غنم لو واحد قالنا روحو هنروح .. وارجعوا هنرجع


عمر ما كانت الديمقراطيه وكرامه المصري خدمه لمصلحه اسرائيل


النظام السابق .. كان اكبر خادم وحامي لاسرائيل


وتأكد ..انه لو مكانش حامي وخادم لاسرائيل
مكانش قعد 30 سنه ...زي صدام كده .. راحوا وجابوه


اسلوب التفرقه وتخوين الجميع هو احد الاساليب الاسرائيليه فعلا ..

لما تلاقي الصحف والاذاعات الاسرائيليه
عماله تقول في اخبار عشان توقع بين ده وبين ده

هي دي اساليبهم
هتلر كان بيحرق فيهم عشان كده كان هتلر ينتصر يقولوا هتلر خسر

كان كل شيء .. عكسه


اكرر مقولتي الاخيره


نحن ليس بقطيع غنم..عشان حد يتحكم فينا


وائل ماسوني مش ماسوني
- وبالمناسبه فكره ان يكون في احتمال انه ماسوني دي تدل علي عدم الوعي وعدم الوعي اللي احنا فيه هو اكبر خادم لاسرائيل -

مش هيفرق معانا ولا حد هيتحكم فينا ولا احنا هننساق ورا اي رأي فاحنا عندنا عقل بنحكم بيه غياب العقل هو الفكره اللي عايزه تطبقها اسرائيل علينا



اعتذر اعتذار كبير لوائل غنيم.



للمزيد من مواضيعي

 

الموضوع الأصلي : وائل غنيم ماسونى ولا مش ماسونى     -||-     المصدر : منتديات مزيكا توداي     -||-     الكاتب : صــــــ الاحزان ـــــــمت



,hzg ykdl lhs,kn ,gh la ykdl

 

__________________

صــــــ الاحزان ـــــــمت غير متواجد حالياً   رد مع اقتباس

 

 

 

إضافة رد

مواقع النشر (المفضلة)

الكلمات الدلالية (Tags)
ماسونى, غنيم, ولا, وائل

المنتدى العام


Ads


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
هام جدا بخصوص وائل غنيم Blocked المنتدى العام 7 03-05-2011 08:40 PM
وائل غنيم ومحمد دياب يعتذران لتامر حسني ESLAM HBK اخبار النجوم وروابط الفنانين 0 12-02-2011 12:31 PM
إسعاد يونس تستنكر اعتقال الناشط السياسى وائل غنيم 3rafa Mahmoud اخبار النجوم وروابط الفنانين 1 06-02-2011 10:08 PM

Rss  Rss 2.0  Html  Xml  Sitemap 


الساعة الآن 10:54 AM.


Powered by vBulletin® Copyright ©2000 - 2014, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team



 
 
Bookmark and Share

افلام عربى | افلام اجنبى | اغانى | كليبات | لقاءات | عروض المصارعه | مسلسلات | مسرحيات | العاب | برامج | موبيل | رياضه 

العاب فلاش - العاب بنات - العاب سيارات - العاب اكشن

ألعاب المغامرات | أكشن وقتال | العاب عربيه | الذكاء والألغاز | العاب اطفال | العاب ورق | ألعاب الفتيات | ألعاب ثقافية | العاب رياضية | العاب سيارات

جميع المشاركات والمواضيع في منتدى لا تعبر عن رأي إدارته بل تمثل وجهة نظر كاتبها