خيانة الصديق !! هل هي حقيقية أم مزيفة ؟

[Sayed_TheRock]

خيانة الصديق !! هل هي حقيقية أم مزيفة ؟

بصوا يا جماعة كده بدون مقدمات علشان بحب اجيب من الأخر
الموضوع الخاص بميدو اللى هو منزله من حوالى اسبوع اللى هو
ما بين طرفة عين وانتباهتها .... يبدل الله من حال الى حال
انا لاحظت حاجه غريبه فى المشاركات
معرفش ان كان فى حد تانى لاحظها ولا لأ
ان اغلب اللى شاركوا بلا استثناء
كان من ضمن المشاكل اللى حصلتلهم
او المواقف اللى مروا بيها وأثرت فيهم

(خيانة الصديق)

حتى انا نفسى لو كنت اتكلمت باستفاضه
كنت هاقول ان من ضمن المشاكل اللى حصلتلى وأثرت فيا ان اقرب واحد ليا باعنى

طيب هنا بقى انا عايز افهم حاجه
لما كل واحد فينا ليه واحد صاحبه خانه
او اكتشف بعد فتره ان ده ميستحقش انه يبقى صاحبه
نتيجة لموقف معاه او بعد عنه لاسباب معروفه او غيره معروفه

وطبعا محدش بيقول الأسباب بس مش موضوعنا

نيجى بقى للنقطه المُعقده فى الموضوع ده
لما كلنا كده لينا أصحاب بتخونا وعملت مواقف بايخه معانا
لما كل الناس كده بقت وحشه
او احنا اللى شايفينها وحشه
طيب احنا نبقى ايه ؟
طبعا محدش فاهم منى حاجه لان انا اساسا مش فاهم انا قولت ايه

هابسطهالكم

يعنى لما كل واحد ليه صاحب خانه
ويمكن اللى خانك ده هو كمان ليه واحد خانه
وهكذا وهكذا وهكذا ...
مش معقول احنا بقى اللى ملايكه
وشاء القدر ان الملايكه دى كلها تتقابل فى مزيكا تو داى

طيب مين السبب فى كده بقى ؟
مش يمكن الغلط فينا أحنا
مش يمكن احنا اللى مش عارفين نحدد المشكله من الأساس
او يكون صاحبك اللى خانك بعد عنك او باعك بسببك انت
او احنا اللى مش بنلتمس الأعذار ليه
ما يمكن هو فى مشكله ما او خايف من حاجه
او خايف منك انت شخصيا
انه مثلا داخل على مرحله جديده مهمه بالنسباله
وشايف مثلا انك ممكن تبقى حاقد عليه او مش تتمناله الخير

المهم انا وصلت للنهاية ان الموضوع كله عبارة عن ثقه
ان لو بقى فيه ثقه حقيقية بين الأصدقاء مش هايحصل كل ده
ومحدش هايبيع التانى ولا يبعد عن التانى

خلص الكلام

أسمع أرائكم بقى لان الموضوع ده مجنني من ساعة ما شوفت الردود

وأسف على تكرار كلمة يمكن او ممكن

ومكبر الخط اهو عشان محدش يتلكك

للمزيد من مواضيعي

 

[Dena Yehia]

مش معقول احنا بقى اللى ملايكه
وشاء القدر ان الملايكه دى كلها تتقابل فى مزيكا تو داى

اكيد يا سيد الجمله دى صح جدا
بدليل ان انا كمان لما اقرب صحاب ليا غدروا بيا انا كمان غدرت بغيرهم
تقدر تقول انتقام
معرفش والله اسمه ايه
بس اكيد انا مش ملاك
بس زى ما تقول كده ذنوب ناس بتخلصها ناس

طيب مين السبب فى كده بقى ؟
مش يمكن الغلط فينا أحنا
مش يمكن احنا اللى مش عارفين نحدد المشكله من الأساس
او يكون صاحبك اللى خانك بعد عنك او باعك بسببك انت
او احنا اللى مش بنلتمس الأعذار ليه
ما يمكن هو فى مشكله ما او خايف من حاجه
او خايف منك انت شخصيا
انه مثلا داخل على مرحله جديده مهمه بالنسباله
وشايف مثلا انك ممكن تبقى حاقد عليه او مش تتمناله الخير

ممكن يكون فعلا سبب البعد انا
ممكن حس معايا بعدم الامان
حس انى بحقد عليه
كل دى حاجات عمرى ما هشوفها فى نفسى
الا لو بصيت لنفسى من بره كانى حد غيرى
لكن كل واحد شايف نفسه ملاك
محدش بيشوف عيوبه
ولا حد بيحب حد يبقى احسن من نفسه
دى طبيعه بشريه


انا ممكن احكى مواقف تبين انى انا اللى اتخليت عن اقرب صحاب ليا
وانا اللى قصرت فى حقهم
ده انا ممكن يعدى عليا شهر متصلش بيهم
ومحسش باى ذنب
ولما يتصلوا هما اعمل نفسى زعلانه انهم مش بيتصلوا
زى ما تقول كده باخدهم فى دوكه

دى طبيعه بشريه يا سيد
مستحيل حد يشم ريحه نفسه
مهما كانت درجه وحاشتها

 

[محمد تايسون]

محدش ملاك ولا حد نبى
بس بتتفاوت نسبة الحقد من شخص لأخر
اما الخيانة مش شرط تكون موجود فينا كلنا
بس ساعات بتتمنى ان حاجة حصلت لغيرك انها تحصلك
سواء شغل او اموال او شئ مادى او معنوى
بس ساعتها بتتحكمش شخصية البنى ادم وتربيته
هيحقد ولا هيحسد ولا هيقول اشمعنى ولا هيخونه عشان
ياخد مكانه او ياخ الشئ اللى راح ليه بأى طريقة
بس غالبا بتكون الخيانة ناتجة عن سوء سلوك مش اكتساب سلوك


متركزش فى اى حاجة لأنى مش فاهم التوبك اصلا
وانا من بكرة هجمع تواقيع مالاعضاء كلهم
ننشادك ونؤيدك متكتبش توبيكات تانى

 

[Dena Yehia]

المشاركة الأصلية كتبت بواسطة محمد تايسون

متركزش فى اى حاجة لأنى مش فاهم التوبك اصلا
وانا من بكرة هجمع تواقيع مالاعضاء كلهم

ننشادك ونؤيدك متكتبش توبيكات تانى

يا ابنى افهم ده بيتكلم عن ان خيانه الصديق ممكن تكون انت السبب فيها مش شرط يكون هو خانك علشان هو وحش

 

[Sayed_TheRock]

اكيد يا سيد الجمله دى صح جدا
بدليل ان انا كمان لما اقرب صحاب ليا غدروا بيا انا كمان غدرت بغيرهم
تقدر تقول انتقام
معرفش والله اسمه ايه
بس اكيد انا مش ملاك
بس زى ما تقول كده ذنوب ناس بتخلصها ناس

وهو المطلوب اثباته

ممكن يكون فعلا سبب البعد انا
ممكن حس معايا بعدم الامان
حس انى بحقد عليه
كل دى حاجات عمرى ما هشوفها فى نفسى
الا لو بصيت لنفسى من بره كانى حد غيرى
لكن كل واحد شايف نفسه ملاك
محدش بيشوف عيوبه
ولا حد بيحب حد يبقى احسن من نفسه
دى طبيعه بشريه

ودة بيأكد نظريتي ان العيب فينا أحنا
احنا فعلا مش بنشوف اخطائنا
وممكن تكون احنا السبب فى ان الناس تبعد عننا
وفى الاخر نقول ده باعنى او خانى او او او وحاجات كتير

انا ممكن احكى مواقف تبين انى انا اللى اتخليت عن اقرب صحاب ليا
وانا اللى قصرت فى حقهم
ده انا ممكن يعدى عليا شهر متصلش بيهم
ومحسش باى ذنب
ولما يتصلوا هما اعمل نفسى زعلانه انهم مش بيتصلوا
زى ما تقول كده باخدهم فى دوكه

احكى احكى انا بحب الفضايح

متركزش فى اى حاجة لأنى مش فاهم التوبك اصلا
وانا من بكرة هجمع تواقيع مالاعضاء كلهم
ننشادك ونؤيدك متكتبش توبيكات تانى

يا ابنى انت مش فاهم اى حاجه خالص وشكلك عايز تنام
روح نام ولما تصحى وتفوق وتبقى فله شمعه منوره تعالى اقرى الموضوع تانى

يا ابنى افهم ده بيتكلم عن ان خيانه الصديق ممكن تكون انت السبب فيها مش شرط يكون هو خانك علشان هو وحش

شاطره يا دينا فكرينى اجيبلك بكره مصاصه

 

[محمد تايسون]

طب تعالى نحسبها بالعقل

واحد لف عليك وخد منك حبيبتك
يبقى ايه العيب منك غير حاجتين
انك اخترت حبيبة صح وأمنت لصحبك دة

صحبك راح وطلع اسرارك برة
ملهاش حل غير انك غلط اما امنتله وحكتله

العيب فى الخاين مش فى اللى بيتخان


وفهمنى لو مش فاهم عشان عندى عشا ليلى

 

[Sayed_TheRock]

يا ابنى انت لسه شكلك مش فاهم الموضوع كويس برضه
بس هاريحك برضه وهارد عليك زى ما انت عايز
على الله تفهم

المواقف اللى انت بتقول عليها دى اصلا ده واحد عمره ما كان صاحبك
اللى يعمل كده عمره فى يوم من الايام مايكون واحد صحبك
انما انت اللى كنت عاوزه يبقى صاحبك
تفرق

بص خلاصة الكلام
انا فكرت كويس وملقتش غير حل واحد بس

اننا للأسف من صغرنا بنتعود على ان كل الناس تبقى اصحابنا وده غلط
حتى لو نفتكر ايام زمان نفكر اهلها يقولولنا نقى اصحابك كويس
وطبعا احنا مش بنبقى فاهمين حاجه
بس هما وجهة نظرهم هى اللى بتبقى صح فى الأخر

فالحل بقى اللى انا لاقيته
اننا نمنع كلمة الاصدقاء لحد سن 21 سنه
اللى هو لما تبقى بقيت تقدر تفرق بين الصح والغلط وبين اللى بيحبك واللى بيخدعك
وساعتها هتقدر تحكم على الناس أقوى
لانك لو تلاحظ هتلاقى مع بداية السن ده او قبله بحاجه بسيطه
بنبدا نكتشف حاجات فى اصحابنا غلط
او مش هو ده اللى ممكن يبقى صاحبى
وزى ما قولت برضه ممكن تكون انت السبب فى الخلاف
لانك مش بتشوف نفسك الا وانت كويس ومحدش بيشوف نفسه غلطان

واحنا طبعا المرحله دى مش هتتكرر فى حياتنا تانى
لان اغلبنا بقى فوق السن ده
بس اهو امل نشجع الجيل الجديد على الفكره دى

انا كان فى كلام تانى كنت هاقوله بس نسيته لما افتكر هارجعلك تانى
لانك دخلتنى فى موضوع تانى غير الموضوع اللى انا اقصده

 

[Most Wan†èD]

سالخير

اولا الموضوع كويس عشان انا فعلا ملاحظ ان الموضوع ده اتقال كتير سواء هنا ف المنتدى او انا ساعات الاقى واحد صاحبى بيقولى كلام على واحد صاحبه انه باعه او غدر بيه او دق معاه الناقصه

بس سيد هنا قال نقطه حلوة انا هعقم عليها

ان ف فرق بين صاحبك و بين واحد انت عاوزه يبقى صاحبك عشان هو لو فعلا صاحبك و عاوزك تبقى صاحبه زى م انت عايزه صاحب ليك لا يمكن هيعمل معاك حركه مش تمام

انما لو انت عاوز البنى ادم يكون صاحبك و بتعتبره صاحبك لكن هو مش بيعتبرك صاحبه ساعتها بقى ممكن يصدر منه اى حركه انت تعتبرها انها خيانه او انو باعك و ده بالنسبه ليه هيبقى عادى لانه مش بيعتبرك صاحبه

يعنى خلاصه الكلام الصداقه دى زى علاقه الحب ف المضمون بتاعها زى م انت هتحب حبيبك لازم هو كمان يحبك ولا انت هتحب لوحدك نفس الكلام ع الصداقه

زى م انت عايز البنى ادم ده يبقى صاحبك لازم هو كمان يبقى عاوزك صاحب ليه

و ف النهايه احب اقولكو انى مش فاكر الكلام اللى انا كاتبه فوق

ثانك يوم سى يو

 

[اعز الناس وبس]

بص يانجم انا كمان لاحظت كده كتييييير اووى من يوم متولدت اللى بتقول عليه ده ومش هنا بس ده فى كل مكان وعلى جميع المستويات
وعلى فكرة ده مش ف الصداقة وبس ده برضه فى جميع العلاقات لو جيت تكلم اى حد هيقولك ان محدش اتعذب واتغدر بيه اده وكلام من ده
طب اقولك حتى تلاقى الاغانى دايما بتعبر عن الجرح والغدر والكلام ده وانا لما كنت اسمع كلام من ده كنت ساعات اتغاظ واقول زيك كده
واستغرب واضحك واقوول هيا كل الناس مظلومه ومجنى عليها امال مين الظالم والجانى يكونشى فى ناس من المريخ هيا اللى بتعمل كده
ليـــه بقى اغلبنا عنه دايما احساس انه مظلوم وان الزمن جه عليه وانه فى كل الاحوال ضحية وكده فبصراحة انا مش عارف
بس متهيالى ان اللى يعرف الكلام ده تقريبا بتبقى ناس متخصصة فى علم النفس وكده
وممكن كمان اخمن جاحه كده وهيا ان اغلب الناس بتتلذذ بالاحساس والشعووور ده ليـــه بقى
وعشااااااااااان يداروا ويهربواا من ايه ؟
ممكن احساس بالنقص والحرمان او شعور بالاحتياج او .. بجد مش عااارف
والف شكررررررررر

 

[.::MiDo_StaR::.]

انا ممكن احكى مواقف تبين انى انا اللى اتخليت عن اقرب صحاب ليا
وانا اللى قصرت فى حقهم
ده انا ممكن يعدى عليا شهر متصلش بيهم
ومحسش باى ذنب
ولما يتصلوا هما اعمل نفسى زعلانه انهم مش بيتصلوا
زى ما تقول كده باخدهم فى دوكه

دى طبيعه بشريه يا سيد
مستحيل حد يشم ريحه نفسه
مهما كانت درجه وحاشتها

كلللللل دا صح
ودا راى

بس برضوا لو انتى اللى وحشة وانتى اللى سيبتى اعز اصدقائك هو لية ميكونش عندة ردة فعل
والعكس برضوا لية ميكونش عندك رد فعل تجاهه الموقف اللى حصل

لية لما بيحصل موقف زى دا بنتهم غيرنا وخلاص
او نتهم نفسنا
او اى حاجة نريح بيها دماغنا
مين فينا فكر لو بعد عن صاحبة يقابلة ويعرف اية سبب البعد وهيرجع تانى

وبعترض على ((خيانة الصديق))

كلمة خيانة كبيرة اووووووووووووووووووووووووووووى

يعنى سيد ياريت يضيف ف موضوعة كل واحد فينا فاهم كلمة خيااااانة الصديق ازاى
واحد يفهمها لو مرضيش يساعدك
واحد يفهمها لو اتكلم عنك وحش
واحد يفهمها لو فتن عليك
كل دا متوصلش لكلمة الخيانة لان من نظرى كلمة خيانة زى كلمة حب واخلاص كلمات كبيرة اووووووووووى بالرغم من قلة حروفها ولكن ليس بالساهل احساسها او قولها

ومحدش يقولى انت شايف الخيانة ازاى هقولة معرفش لانى الحمد لله محصليش اىىىىىىى موقف اعتبرتة خيانة