العودة   منتديات مزيكا تو داى > منتديات التعارف و الحب و الرومانسية > الضحك و الفرفشة

الضحك و الفرفشة الضحك والفرفشه
Post jokes and funny items Here , and share a laugh with us

إضافة رد
 
أدوات الموضوع إبحث في الموضوع انواع عرض الموضوع
قديم 27-02-2011, 01:27 AM   #1
amr elsayed
الأعضاء
 
تاريخ التسجيل: Jul 2007
المشاركات: 35
افتراضي ريس عاوز يتفسح..

 


1
(حوار بين وزير الداخلية والرئيس فى الميدنايت يعنى نص الليل)

وزير: ألحق ياافندم مصيبة!


الرئيس: اية خيراية فى اية يازكى ،مصحينى لية من أحلاها نومة مش عارف ان الريس لازم يستريح عشان يعرف يحكم الشعب!


الوزير :ياريس اللى هيحصل دة خراب للشعب!


الريس:انهى يازكى انتا لما بتحب تعقدها ما انا عارفك طول عمرك ساددها فى وشى بدل يا اخى ما تبعتلى بوكية ورد وتقولى حمدالله بالسلامة انا غلطان اصلا اللى عينتك ما كان عبد الحفيظ قدامى ومجربة وعمرة ما صدعنى صحيح هو بيعملنا مشاكل بعد كد مع بتوع حقوق الاسنان (قصدة الانسان بس ريس ويغلط براحتة)بس قلبة جامد مش كل يوم والتانى يصحينى من احلاها نومة الحق مسرح اتحرق الحق فية اعتصام الحق فية اضراب الحق مش عارف اية انا غلطان اصلا اللى مشلتكش لحد دلوقت ،انتا عاوز اية صحيح ؟!


الوزير:يا افندم معلش هو مين حل فى الاخر المشاكل مش انا


الريس :خلصنى وانجزنى ها عاوز اية


الوزير:ياريت انا اللى عاوز، دة هو


الريس :هو مين ؟!


الوزير :الريس الامريكاوى !


الريس :وعاوز اية بسلامتة، مش كفاية مستحملينة اهوة من اربعين سنة كان لسة عايش فى حارات افريقيا ويقرا اخبار حربنا على اللى مايتسموش وهو مبسوط اوى اللى فية دلولة قدرت على اللى مايتسموش دلوقتى لما وصل للبيت الابيضانى هيقرفنا ،عاوز اية الافندى دة ..


الوزير:يتفسح يا افندم..


الريس:......(كل واحد وذوقة فى الشتايم اللى حابب يضيفها مكان النقط)،(بعد الشتايم حصل حال ضحك هستيرى)،يعنى انتا مصحينى يازكى عشان تقولى عاوز يتفسح ما تفسحوة يازكى اية المشكلة يعنى (فاصل تانى من الشتايم وحروف الاعتراض وكل واحد وذوقة )..


الوزير: صحتك يا افندم مش كدة


الريس :ما انتا لو تهمك صحتى كنت زرت وزير الداخلية السابق والاسبق واستفدت من خبرتهم بدل ما انتا قارفنى كل شوية،انهى اية المشكلة فى ان الرئيس عاوز يتفسح ،وبعدين مدير مكتبى فين مكلمنيش هو لية ؟!


الوزير:مدير مكتب سيادتك فى الفندق بيحاول يهدى الرئيس الامريكاوى ومعاة نخبة من القادة ..


الريس:دة الموضوع كبير بقة ،وانتا مش معاهم لية يابروم(تفتكر فية ريس بيقول يابروم)


الوزير :انا متابع العملية من خارج الفندق عشان ترتيبات الامن ووضع خطة امنية فى حالة وصولنا لقرار تفسيح الرئيس يا افندم


الريس:واية المشكلة ما الصبح ظبطوة هرم بقة واقطعوا نفسة وقولولة عشان تاخد البركة لازم تطلع الهرم للاخر تلات مرات زى ما الفراعنة قالوا وهو هيصدق وبعدين طلعوة على الاقصر واسوان وانتا بقة عارف الباقى هو انا اللى هقلك..


الوزير:فى نفسة (يخرب بيت الزهايمر،انتا مش عايش فى البلد ولا اية) (واتكلم ):ياريس ما هو راح الاماكن دية فعلا


الرئيس:اومال عاوز يروح فين تانى؟!


الوزير:قال اية ياريس عاوز ينزل وسط البلد ويركب حنطور (ويتحنطر) وبعدين يروح الحسين ويشرب شاى فى الفيشاوى بعدين يخش اى سينما او مسرح ويقابل الجماهير ويختم بأى سوبر ماركت يعمل فية شوبنج وبشرط ان كل الحاجات دية يعملها بنفسة


الرئيس:يعنى اية بنفسة ما طبيعى هيشرب الشاى بنفسة ويتفرج بنفسة ويتحنطر بنفسة .....


الوزير:لا ياافندم حضرتك مش فاهم قصدى عاوز ينزل من الفندق ياخد تاكسى ويروح يتفسح لوحدة


الريس:بعد نوبة ضحك هستيرية،لا حقة ما هو كبر برضوا ولازم يحس انة راجل ويعتمد على نفسة،دة اتجنن خالص دة بقة جى عاوز يخرب لنا البلد يازكى عاوز يخرب بلدنا..


الوزير:طب هنعمل اية ياافندم..


الريس :اضحكوا علية،مش قضية يعنى ،عاوز يتحنطر هاتولوة حنطور قصاد الفندق عاوز يخش سيما مع الشعب دخلوة سينما الفندق وهاتوة شوية كومبارس يعملوة فيها غلابة،عاوز يشرب شاى شربوة شاى ،يااة يازكى لما تقفلوا دماغتكم..


الوزير:ياافندم ما احنا كل الكلام دة عملناة وبرضوا مفيش فايدة اللى فى راسة فى راسة ...


الريس:هما الافارقة كدة مزعجين،طب ما انا مكلمة النهاردة فى العصرية وقاللى انة زى الفل ومبسوط اوى من جو بلدنا الدافى بلدنا يازكى اللى الناس كلها بتحبها وبتقطع مشاوير عشان تجيها


الوزير:حتة نفاق على الماشى:بمجهوداتك ياريس


الريس:بتاثر:اهوة دة دورنا ولازم نؤدية واجبنا عليها، دية بلدنا يازكى بلدنا..


الوزير:طب هنعمل اية ياريس


الريس:بتأثر واضح من ساعة حكاية بلدنا دية وهو شارد الذهن رد باقتضاب :فى اية يازكى!


الوزير:فى حكاية الفسحة دية


الريس:ولا حاجة ،ان كنت انا مبنزلش غير فى موكب لما يكون المشوار صغير و فى طيارة لما يكون مشوار يستاهل والناس كمان بتحبنى وكلة تمام يعنى مفيش خطورة عليا يازكى بس ماينفعش امشى بين الشعب عادى كدة اصلى مش هروح البيت تخيل يازكى لو مفضتوش الطريق، الشعب هيتعطل اد اية، انا خايف على وقت الشعب صحيح بنقفلهم الطريق ساعتين بس اهون ما الطريق يقف طول اليوم عشان الشعب يتواصل معايا ويعبر عن حبة ويهتف (نظرية صحيحة الى حد ما )،انا مش عاوز وقت الشعب يضيع بسببى بدل ما يضيع على مجهودات الشغل والتقدم..هو عشان مش لاقى حد فى بلدهم يعبرة فبينزل الشوارع عادى ويروح المطاعم عادى ويعمل شوبينج عادى بس انا مش هسمحلة يبوظ البلد مش هسمحلة يازكى فاهم..


الوزير:فاهم ياريس،تحب حضرتك نتصرف ازاى ؟!


الريس:لأ مادام انتم حاولتوا كل حاجة وفشلتم سبهولى انا بقة وصلنى لية بخط تليفون فى أسرع وقت خلى الليلة دية تعدى طيرت النوم من عينى الله يخدك انتا وهو فى ساعة واحدة..وابقة فكرنى ارفضك بعد ما نخلص المشكلة السودا دية


الوزير:لية بس ياافندم ،لو على فضيحة تعذيب العيال بتوع الفيس بوك خلاص المشكلة اتحلت..


الريس:لا ياحبيبى مش عشان العيال دول ،مصيبتك الاولى صحيت ريس من نومة ومصيبتك التانية فية جملة مقولتليش فيها اى القاب ومصيبتك الافظع انك بقالك ساعة بتتكلم على حساب الشعب ،جهز نفسك عشان تبقة تحصل زمايلك الوزراء السابقين بتهمة ازعاج سلطات ولا تعكير مزاج الشعب (مش الريس هو الشعب برضوا؟!)


الوزير:سكووووووووت ومنطقش خالص..


....................................



2
(وتم حدوث حوار بين الرئيس الامريكاوى ورئيس بلدنا ومع ان الحوار على ارضنا لكن لزوم الاحترام لازم نذكر الريس الامريكاوى الاول،واستطاع رئيسنا الماهر فى الاقناع ان يقنع الامريكاوى بأن يتلهى ويقعد والا يروح على بلادهم..وبعد ما اقتنع الريس الامريكاوى بالطرق الشرعية وغير الشرعية وافق وسمع الكلام.. )


.................


(فى النهاية وبعد انتهاء الازمة ،وزير الداخلية تنفجر طاقاتة الشعرية ويحاول ان ينقذ نفسة ويبعث الى الرئيس بقصيدة مدح ،لكن احب اطمنكم ان الريس بعد ما قرا القصيدة قرر اعدامة مش سجنة بس ،لان على حد قول الريس فى القضية الوزير فكر فى بديل للريس فى وسط القصيدة)


ياباشا


يابغاشة


ياللى ابوك صول


وجدك يوسباشا


يابن الامرا (الامراء)


والباشوات


ياجامد ياابو القرارات


قرارتك دايما صح


وانتا اللى فينا صح


واحنا اللى نسألك ولا نتكسف


عن الغلط والصح


ياريس مالوش مثيل


قرارتك غير قابلة للتعديل


غير قابلة للتأويل


ومعناها واحد


مفيش مرة تضعف


ولو ضعفت فى يوم


برضوا هتبقة جامد


انتا اللى لينا ريس


وانتا اللى اصلا ريس


على اى ريس


ياريس الرياسة


يامنجينا من التعاسة


ياقاضى على الغلاسة


ياحلو وعاجبنا


كل اللى فات كوم


وانتا ريس من كون


تانى


انتا الريس الوحدانى


اللى صادق فى المعانى


انتا اللى تقول


وقبل ما نفهم نصدق


ولو قلت فى يوم نحود


هنحود ،ما انتا ريسنا


كبيرنا وحارسنا


ياريس ملوش مثيل


ولا نرضى بيك بديل


ولا نرضى بيك بديل..


ياقمر منور 30 يوم


فى 30 يوم


يا شايل همومنا حتى فى عز النوم


يارافع راقبنا فى كتب التاريخ


ياللى قلبك فى مرة صرخ صريخ


لما عرف ان فى يوم واحد نام من غير عشا


يادفى وحضن للغلابة


ياصفى سما طارد الاكتئاب من الكآبة


يا أجمد رئيس..


ياللى فى فترة حكمك


مفيش متاعيس


يخليك ربنا يحارسنا





......................


اللى وصل لهنا بقولة



اسف على الاطالة ...


وشكرا

عاوز يتفسح..
للمزيد من مواضيعي

 

الموضوع الأصلي : ريس عاوز يتفسح..     -||-     المصدر : منتديات مزيكا توداي     -||-     الكاتب : amr elsayed



vds uh,. djtsp>> djtsp vds uh,.

 

 


amr elsayed غير متواجد حالياً   رد مع اقتباس

 

 

 

قديم 27-02-2011, 10:47 PM   #2
A F r i C a N o
مشرف سابق
 
الصورة الرمزية A F r i C a N o
 
تاريخ التسجيل: Jul 2007
الدولة: My SweeT RooM
العمر: 27
المشاركات: 4,049
إرسال رسالة عبر MSN إلى A F r i C a N o إرسال رسالة عبر Yahoo إلى A F r i C a N o
افتراضي

 

خليه يطلع ع السعودية يتفسح معاهم هناك
هههههههههههههههههه

 

__________________


دايمـــا هيـكـُــون معَـــاه
جمهـُـوره إلى بنـَـــاه
وفى تـَــالتة شمَــال إتعلم الحيـــاه
أهـــــــَــــلـــــي
دا إسم أعظـم كيـَــان
عشـَــــنا أجمـَـل أيـَــام
وإحنَــا مســافرين وراه أي مكَــان
لفيــــــــــنا العَـالم البعيـــد
مهما طـَــال الطريق
مع كـُل ميـل وراه حبه يزيد
A F r i C a N o غير متواجد حالياً   رد مع اقتباس

 

قديم 28-02-2011, 12:12 AM   #3
amr elsayed
الأعضاء
 
تاريخ التسجيل: Jul 2007
المشاركات: 35
افتراضي

 

السؤال بقة لو الشعب السعودى عمل ثورة الملك هيروح فين؟!

 

amr elsayed غير متواجد حالياً   رد مع اقتباس

 

قديم 28-02-2011, 12:39 AM   #4
princes soso
الأعضاء
 
الصورة الرمزية princes soso
 
تاريخ التسجيل: Dec 2010
الدولة: alix
العمر: 23
المشاركات: 20
افتراضي

 

سؤال سهل جدااا يروح أى قصة فيها ملك يطلع الملك ويعاقد هو مكانه مش محتاجة ذكائك يعنى الله
ههههههههههههههههههههههههه بجد جامده تسلم ايدك كتير

 

__________________

لا تجعل كلمة أحبك سهلة على اللسان بل أجعله سماء يتمنى النيل منها كل أنسان
princes soso غير متواجد حالياً   رد مع اقتباس

 

قديم 28-02-2011, 01:03 AM   #5
جنه الفردوس
الأعضاء
 
الصورة الرمزية جنه الفردوس
 
تاريخ التسجيل: Sep 2010
المشاركات: 35
افتراضي

 

ههههههههههه بجد جامده تسلم ايدك كتير

 

__________________
جنه الفردوس غير متواجد حالياً   رد مع اقتباس

 

قديم 28-02-2011, 09:39 AM   #6
eldeep222
عضو مزيكاوي
 
الصورة الرمزية eldeep222
 
تاريخ التسجيل: Dec 2008
الدولة: in mazika2day
العمر: 27
المشاركات: 5,812
افتراضي

 

اقتباس:
المشاركة الأصلية كتبت بواسطة amr elsayed مشاهدة المشاركة
السؤال بقة لو الشعب السعودى عمل ثورة الملك هيروح فين؟!
هينزل على شرم الشيخ

 

__________________
eldeep222 غير متواجد حالياً   رد مع اقتباس

 

قديم 28-02-2011, 08:18 PM   #7
batma
عضو مزيكاوي
 
الصورة الرمزية batma
 
تاريخ التسجيل: Apr 2010
الدولة: هنا جنب جرنا اللى جنبينا
المشاركات: 3,482
إرسال رسالة عبر Yahoo إلى batma
افتراضي

 

بجد جامد اخر حاجة
تسلم ايدك
وانت بتقول فيها الشعب السعودى طالع بمظاهرات يوم11 فى الشهر الجاى

 

__________________

يـــــــــــــــــــــااااااااااارب

batma غير متواجد حالياً   رد مع اقتباس

 

قديم 01-03-2011, 01:07 AM   #8
amr elsayed
الأعضاء
 
تاريخ التسجيل: Jul 2007
المشاركات: 35
افتراضي

 

ِكرا ياجماعة على الردود
اقتباس:
وانت بتقول فيها الشعب السعودى طالع بمظاهرات يوم11 فى الشهر الجاى
يلا خلينا ننضف بقى من الظلم والاستبداد..

 

amr elsayed غير متواجد حالياً   رد مع اقتباس

 

قديم 14-03-2011, 02:44 AM   #9
جاكى شان جاكى شان
عضو مخالف
 
تاريخ التسجيل: Jan 2011
المشاركات: 896
افتراضي

 

ممتاز

 

جاكى شان جاكى شان غير متواجد حالياً   رد مع اقتباس

 

قديم 07-05-2011, 04:07 AM   #10
مازنهو
عضو مزيكاوي
 
الصورة الرمزية مازنهو
 
تاريخ التسجيل: Jun 2009
الدولة: مصر
المشاركات: 2,054
إرسال رسالة عبر MSN إلى مازنهو إرسال رسالة عبر Yahoo إلى مازنهو
افتراضي

 

يا راجل ده مبارك كان ارحم

 

__________________
مازنهو غير متواجد حالياً   رد مع اقتباس

 

إضافة رد

مواقع النشر (المفضلة)

الكلمات الدلالية (Tags)
يتفسح, ريس, عاوز

الضحك و الفرفشة



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
لو عاوز موضوعك يتعمله اعلان او عاوز تعمل موضوع ومايتحذفش (شروط وضوابط القسم) almosekar برامج جوالات الجيل الثالث 0 31-08-2009 11:56 PM
لو عاوز موضوعك يتعمله اعلان او عاوز تعمل موضوع ومايتحذفش (شروط وضوابط القسم) almosekar الثيمات 0 31-08-2009 11:34 PM
عـاوز تجمع بأحلى سعــر - عاوز صيانه - عاوز تبدل كـل ده فى البيت - عاوز تصمم موقع nour 3mr بيع و شراء أجهزة الكمبيوتر 3 27-06-2008 10:18 AM

Rss  Rss 2.0  Html  Xml  Sitemap 


الساعة الآن 08:47 PM.


Powered by vBulletin® Copyright ©2000 - 2017, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team



 
 
Bookmark and Share

جميع المشاركات والمواضيع في منتدى لا تعبر عن رأي إدارته بل تمثل وجهة نظر كاتبها