مساء الخير ياجماعة وكل سنة وانتم طيبين فى الاول عايز اقول ان بجد مفيش حد بيعرف قيمة الحاجة اللى معاه غير لما تضيع منه وانا ده اللى حصل معايا
كنت عايش قصة حب جميلة بقالها 8 سنين وانتهت من 3 شهور
كنا بنحب بعض جدا واتخطبنا بس المشاكل كترت اوى بينا الخطوبة لدرجة يوميا كنا بنتخانق بدون مبالغة والله وكنت انا دايما ببقى السبب زى مايكون كنت بتلكك وهنتها اكتر من مرة ومش عارف ليه كنت بعمل كده بس انا مكنتش حاسس بقيمتها وهيا معاايا لدرجة انها كانت بتقولى انت الوحيد اللى مش بتحسسنى انى حلوة رغم ان الناس كلها بتحسسنى بده انا بجد زعلان اوى من نفسى وحاولت معاها كتير اوى بس مفيش فايدة ومش قادرة تنسى بتقولى انت ضيعت اى حاجة حلوة كانت جوايا ليك وبجد انا محتاجها معايا جدا ومش قادر استغنى عنها وعايزها ترجعلى تانى اوى علشان انا بحبها ومش مصدق انها تقدر تبعد عنى علشان انا مقدرش ابعد عنها. وحشتنى اوى والله
السلام عليكم
حاول تانى وتالت ورابع
من اقوال طه حسين : ان الحب لا يسأم ولا يمل ولا يعرفف الفتور .... ولابد ان تلح فى حبك حتى تظفر بمن تحب او تفنى دونه ....
فنصيحه من اخ
خليك وراها و حسسها باختلاف تعاملك و انك اكيد اتغيرت
وربنا يسهل لو ليك نصيب فيها يبئا مهما حصل بتاعتك ملكك و مش ملك حد تانى
اما لو ملكش فيها نصيب يبئا ربنا مخبيلك اللى احسن منها و مخبيلها اللى احسن منك
فمتزعلش على نفسك لان فى احسن جاى ولو بتحبها زى ما بتقول يبئا اكيد عايزلها الاحسن
اعمل اللى عليك ومتزهقش بيحبوا الزن زى عنيهم
مزعل خطيبتى وحبيبتى اوى
العرض المتطور
