العودة   منتديات مزيكا تو داى > المنتديات العامة > المنتدى العام

المنتدى العام General
Talk about anything ...اتكلم براحتك

موضوع مغلق
 
أدوات الموضوع إبحث في الموضوع انواع عرض الموضوع
قديم 14-06-2009, 09:09 PM   #1
HaKuNA_MaTaTa
عضو مخالف
 
تاريخ التسجيل: Jun 2009
المشاركات: 268
افتراضي تربية وتعليم

 

لو كنت حضرتك من عشاق الطعمية ؟
فأبشر انت راجل صاحب ثقافة عاليه وعاليه جدا كمان.
فلو كنت مثلا رواد المطاعم لجلب أقراص منع الفهم يوميا
ممكن تجمع تقريبا فى الشهر 30صفحة كتاب من كتب الوزارة فئة ال200ورقة.
والواحد بيستغرب اوى هى الوزارة مضخمة الكتب كدا ليه رغم ان ملزمة 15ورقة برقبة كتاب طويل عريض ميقلش عن 200صفحة
انا هخص بالذكر التعليم من ابتدائى لثانوى.
او التعليم الاساسى ذى مابيقولوا او الى كان اساسى.
الكتب بجد مبطرخة زيادة عن اللزوم وكأن الوزارة قاصدة انها تعملها كدا علشان الطالب ينفع بتاع الطعمية بيها فى أخر السنة
كنوع من المساهمة الغذائية ومحاربه الغلاء.
الاطفال بتوع الابتدائى بيصعبوا على الواحد لما نشوف الواد من دول طالع الصبح ياكبد امة وعلى ظهرة شنطة أوشكت على الانفجار من الى جواها كأنة هيهج ويسيب البلد او طالع رحلة.
مليون كتاب وكام سندوتش ملفوف فى ورقة كتاب برضة لحد مالعيال جالها أنحناء فى ظهرها
ويجرى على المدرسة علشان يعيش يوم من الحبس الجماعى هو وأصحابه.الى كل ذنبهم انهم تابعين للتعليم المصرى.
ايوة...!!المدارس بقت عاملة ذى سجن كبير مليان بالمساجين ولكن غير المذنبين.كل طالب بيروح الصبح للمدرسة على
أمل انة يشوف اى تغيير وعندما يضيق به الحال يحاول الهروب من هذا السجن بالطريقة المشهورة(نط مع على السور وأجرى واوعى حد يمسكك).بس الوزارة طبعا مش هتستكت هنا ولازم تلاقى حل للموضوع بتاع السور دا.تقوم تعمل ايه ذى ماشوفت بعينى فى بعض المدارس.....؟
تحط على السور قزاز مكسور....!!!
كأنة بتقول للطالب هتتعلم غصب عنك
وهى فى الحقيقة بتقولة هتتحبس غصب عنك
طيب ليه منحلش يا جماعة الموضوع من جزورة.....؟
الله أعلم.
طيب جربت مرة تشرح لأخوك الصغيرة مسألة فى كتاب.....؟
ممكن بجد يغمن عليك لما تشوف شكلة وعلى طريقة الست نفيسة تتف فى عبك وتقول خير اللهم ماجعلة خير
وفى الاخر تلاقى ان الموضوع بسيط ولكن الكتاب مضخم الموضوع وعامل فرح جوا.وان الدش دا الى قرب على صفحتين تلاتة كان ممكن يحل بدالة سطرين تلاتة.
وكل سنة يطلع وزير جديد ويخطب خطبة طويلة عريضة وهعمل وهخلى وهغير
ومفيش حاجة تتغير غير الوزير نفسة وغلاف الكتاب كتجديد يعنى
ولكن المضمون كما هو وكأننا بنمشى فى دايرة مغلقة.
بجد ياجماعة احنا بنفقتد الى التعليم الاساسى جدا ودا لاسباب منها المدرس نفسة او يعتبر أهمها كمان
لو كنت من عشاق الافلام الابيض واسود القديمة بجد هتشوف يعنى ايه مدرس
انما مدرس فى زمنا دا فهو طالب فاشل كما صنفتة الثانوية العامة واودعتة فى احدى مصحات التربية او الاداب ليخرج معقد للدنيا علشان يطلع كل الى شافة على قفا العيال دى بعدما حصل على واسطة تمام شغلتة.
واى حد ممكن يعرف الفرق بين المدرس بتاع المدارس الحكومية والخاصة.من شكلة حتى هتعرفه.
دا طالع الصبح مروق وفاطر وواخد الشاور بتاعة وحاطط برفان.
التانى نازل كأن غضب ربنا عليه وعامل حواجبة 88كأنة رايح يدرس لمجموعة من الارهابيين.
الامر مش صعب علشان نغير موضوع التعليم الاساسى
غيرو المناهج كفايه بقى هبة وعلى فى الكتب العيال زهقت.
أهلو المدرس صح.
بلاش تنسيق الثانوية العامة العقيم دا
الى خلانا متخلفين فى كل المجالات وكل واحد بيدرس الى تنسيقة جابه مش الى بيحبة علشان يطلع للمجتمع فاشل مع سبق الاسرار والترصد.
بصوا على الغرب وخدوا منه تجربتة فى التعليم بلاش ناخد منهم الموضة بس.
كفايه بقى ظلم للطالب اكتر من كدا.دا مش مجرد اهمال للتعليم دى خيانة للبلد نفسها المفروض يتحاسب مفتعلوها.
عايزين نشوف بجد
تربية وتعليم

للمزيد من مواضيعي

 

الموضوع الأصلي : تربية وتعليم     -||-     المصدر : منتديات مزيكا توداي     -||-     الكاتب : HaKuNA_MaTaTa



jvfdm ,jugdl

 

 


HaKuNA_MaTaTa غير متواجد حالياً  

 

 

 

قديم 14-06-2009, 10:11 PM   #2
..::lolo::..
عضو مزيكاوي
 
الصورة الرمزية ..::lolo::..
 
تاريخ التسجيل: Jun 2008
العمر: 25
المشاركات: 1,231
افتراضي

 

الحقيقة موضوع جميل اوي وكويس انك اتكلمت فيه بقى عشان اطلع كل اللي عندي انا اولا طالبة من اللي عايشين في معاناه الثانوية العامة والدنيا ما شاء الله (بمبي بمبي) بص أولا بالنسبة لحكاية الكتاب ده فانا معاك الكتاب يا عيني كبير جدا ده مش كبير بس ده ضخم وتفتحوا بقى من جواه تلاقي معظمه معلومات اثرائية واوعى ننسى كمان انشيد اخناتون اللي بيحطوها لنا والا بقى ما اقولكش الصور ما شاء الله الكتاب كله صور حتى في كتاب الفيزيا وماليان معلومات بطريقة رهيبة وتحس ان الكلام عمال بيعيد ويزيد وفيه واحنا ولا فاهمين حاجة لا والاوحش من كده كمان تحس من طريقة الكتاب انه بيكلم أحمد زويل وفاروق الباز الطريقة بتاعه الشرح أساسا معقده ولا حد فاهم اي حاجة في اي حاجة وعاملين دلوقتي كده موضوع غريب اسمه تطوير لتعليم وغيره المناهج وحاجات غريبة كده فمرة فتحت كتاب لاولى اعدادي وبتوع ابتدائي الحمد لله مافهمتش اي حاجة حاجات معقده جدا وال ايه بيقولوا ان هدف العملية دي تطوير المنتج(قصده احنا يعني الطلاب بالمنتج) والمدرسين برضه تحس انهم معقدين نفسيا كده وكلامهم غريب حافظ له كلمتين من الكتاب وبس وتيجي تسأله ع معلومات من بره الكتاب ولا هو فاهم حاجة ده برضه سبب من اسباب تخلفنا وحكاية الهروب من المدرسة بقى دي بقى حكاية مش جديدة بس الجديد فيها ان البنات والولاد بقوا بيهربوا وطريقة الهرب مش ع السور والمواضيع القديمة دي لا احنا ناس متطورة سور ايه ونبهدل هدومنا احنا مجرد نخرج بس من البوابة والمستر اللي قاعد ع البوابة نديله فلوس كده من تحت الترابيزة وكله في التمام يعني من الاخر ماتعرفش مين بيضحك ع مين الحكومة بتقولنا تطوير التعليم واحنا لسه جوة المدرسة بنهرب وبنعمل حاجات افظع بس عامة انا بقول حكاية التطوير دي لازم هتغير فينا بس التقدم هيبقى بطى ولعل وعسى يقللوا من حجم لكتاب المدرسي شوية ويشيلوا الحاجت اللي ملهاش لزمة عشان ع الاقل واحنا بنذاكر يبقى لينا نفس نذاكر ومش نتفاجأ من منظر الكتاب
وميرسي مرة تانية ع موضوعك ده

 

__________________
[IMG]http://i48.*******.com/9pozcx.png[/IMG]
I'm all about you ..I'm all about us
..::lolo::.. غير متواجد حالياً  

 

قديم 14-06-2009, 11:06 PM   #3
Gloming
الأعضاء
 
الصورة الرمزية Gloming
 
تاريخ التسجيل: Mar 2009
المشاركات: 4,118
افتراضي

 

موضوع مهم جدا وبصراحه فيه الف كلمه وكلمه
انت عارف التعليم اساسا ومن البدايه نظام فاشل وعقيم وخد بالك مفيش اى امل فى اصلاحه ومن سئ لاسوء ...المناهج اللى انت بتتكلم عليها واللى مبطرخه ذى ما تفضلت حضرتك محتاجه تغيير واباده من اساسها مناهج بتتعامل مع الطالب على انه انسان جاهل ومتخلف ومش عارف حاجه ... طفل الايام ده طفل النت والكمبيوتر عارف وبيفهم حاجات كتير جدا هبه ايه وكلام فارغ ايه ؟؟؟ لا طبعا ده ممكن الطفل يستهزا بالمنهج العقيم ده
وخد بالك احنا بنتكلم فى تعليم اساسى اللى اساس فكر وعقل .... مفيش طبعا اى علاقه بينه وبين اى واقع ... والغريب واللى يزعلك ويحرق دمك ان المنهج ده ممكن يقعد كده بالسنين ... طيب يا جماعه المفروض نطور ونجدد ونعمل ابحاث ودراسات ... الاطفال اللى احنا بنهمل فى حقوقهم دول ممكن جدا بل اكيد يغيروا من حال البلد ده

ومش هاكلمك عن نظام الثانويه العامه لان انا شايفه انه نظام مش راكب على بعضه وملوش اى اساس علمى صحيح معلش ده رايي مع الاحترام لكل الاراء ... ومش هنتكلم عن الغش اللى حصل فى السنه اللى فاتت واللى محدش اتحاسب عليه ومر مرور الكرام كده من غير عقاب رادع ولا راجع ...

بالنسبه لموضوع المدرسه انا عايزه اقولك ان خلاص دلوقتى مفيش مدارس والحمد لله تلاقى الولد من دول بيروح بعد ساعه يرجع وعادى جدا وطول السنه على كده ومش هاقولك انه نط من فوق السور لا هو اتصرف يعنى انت عارف ولادنا مبيغلبوش ...وخلاص مفهوم المدرسه اللى كنا نعرفه زمان ملوش اى اثر حاليا

والفرق اللى انت قلته عن المدرس ده صحيح ميه الميه وخد بالك انا عن نفسى باشوفه ... وبعدين المرتب فارق اوى فى المدرسه الخاصه وواخد مكانه جامده فى المدارس الخاصه ...حكومتنا مش عاجبها حد حتى المدرس اللى طالع عينه طول النهار بتديه مرتب بصراحه مينفعش حد يعيعش منه ...
والمدرس يعنى الحمد لله دلوقتى لقى طريق تانى يكسب منه وهو الدروس الخصوصيه ..واللى محتاجه مجلد نحكى عنها فيه

السؤال اللى بجد بيطرح نفسه ... الابحاث العلميه بتروح فين ؟؟؟والمدرسين اللى بيطلعوا تدريبات على مناهج جديده مش بتطبق ليه المناهج ده؟؟؟؟ ليه مفيش تغيير فى مناهجنا اللى من قرون فاتت ؟؟؟؟

انا مره قلت فى موضوع هنا فى المنتدى ان نظام التعليم بتاعنا محتاج احلال وتجديد وان البلد ده مش هتكبر او تطور الا بالتعليم ؟؟؟؟
باحييك على موضوعك ومعلش انا اتكلمت كتير بس والله عندى كلام اكتر بس مش هينفع
تقبل تحياتى

 

Gloming غير متواجد حالياً  

 

قديم 14-06-2009, 11:59 PM   #4
Caesar
مشرف عام
 
تاريخ التسجيل: Mar 2006
الدولة: مصـر .. والحمدلله عليها نعمه
العمر: 31
المشاركات: 1,621
إرسال رسالة عبر ICQ إلى Caesar إرسال رسالة عبر MSN إلى Caesar إرسال رسالة عبر Yahoo إلى Caesar إرسال رسالة عبر Skype إلى Caesar
افتراضي

 

ماله التعليم يا جدعان ؟؟

ما المناهج دي الى اتعلم بيها الجدود

و بنوا بيها الاهرامات والمعابد و الحضاره الي بهرت الدنيا

نيجي احنا بعد 7 الاف سنه واكتر و نغيرها ؟؟

يا راجل عيب عليك .. ال نغير التعليم ال

وبعدين صدق الى قال ( الدهن فى العتاقي )

 

__________________
وخــدتني ومشينا ..
والفــرح يضمنا ..
ونسينا يا حبيبي ..
مين انت ومين انا
حسيت ان هوانا
هيعيش ملييون سنه

وبقيت وانت معايا ..
الدنيا ملك ايديا ..
أأمر على هوايا
تقول أمــرك يا عنيـــــــا
Caesar غير متواجد حالياً  

 

قديم 15-06-2009, 02:38 AM   #5
HaKuNA_MaTaTa
عضو مخالف
 
تاريخ التسجيل: Jun 2009
المشاركات: 268
افتراضي

 

اقتباس:
المشاركة الأصلية كتبت بواسطة ..::lolo::.. مشاهدة المشاركة
الحقيقة موضوع جميل اوي وكويس انك اتكلمت فيه بقى عشان اطلع كل اللي عندي
الظاهر انك شايلة اوى من موضوع التعليم دا بس على فكرة لما تطلعى للجامعة ان شاء الله الموضوع دا هيقل حبتين
اقتباس:
المشاركة الأصلية كتبت بواسطة ..::lolo::.. مشاهدة المشاركة
البنات والولاد بقوا بيهربوا وطريقة الهرب مش ع السور والمواضيع القديمة دي لا احنا ناس متطورة سور ايه ونبهدل هدومنا احنا مجرد نخرج بس من البوابة والمستر اللي قاعد ع البوابة نديله فلوس كده من تحت الترابيزة وكله في التمام
هو على ايامنا كان التزويغ للراجل فقط بس طبعا احنا فى عصر مساواة يبقى البنت من حقها تهرب ذى الولد بالظبط.بس الاسلوب دا رغم انة اغلى حبتين او مكلف الا انة ذى مابتقولى هيوفر فى نظافة الهدوم


شكرا على مرورك ياlolo
وان شاء الله ربنا ينجيكى من طوفان الثانويه العامة

 

HaKuNA_MaTaTa غير متواجد حالياً  

 

قديم 15-06-2009, 02:53 AM   #6
HaKuNA_MaTaTa
عضو مخالف
 
تاريخ التسجيل: Jun 2009
المشاركات: 268
افتراضي

 

اقتباس:
المشاركة الأصلية كتبت بواسطة gloming مشاهدة المشاركة
موضوع مهم جدا وبصراحه فيه الف كلمه وكلمه
انت عارف التعليم اساسا ومن البدايه نظام فاشل وعقيم وخد بالك مفيش اى امل فى اصلاحه ومن سئ لاسوء

طيب عايزين شويه تفأل بس
هى قاعدة معروفة من يوم ربنا ماخلق الكون ان حال المسلمين يتدهور للاسوء
كل مايبعدوا عن ربنا ثم يرتقى كل ماقربوا منة

وذى ما الى قبلنا قالوا مسير الحال المايل يتعدل
والتعليم فى مصر مسيرة هيجى اليوم الى هنشوفة كويس ان شاء الله
اقتباس:
المشاركة الأصلية كتبت بواسطة gloming مشاهدة المشاركة
...المناهج اللى انت بتتكلم عليها واللى مبطرخه ذى ما تفضلت حضرتك محتاجه تغيير واباده من اساسها مناهج بتتعامل مع الطالب على انه انسان جاهل ومتخلف ومش عارف حاجه ... طفل الايام ده طفل النت والكمبيوتر عارف وبيفهم حاجات كتير جدا هبه ايه وكلام فارغ ايه ؟؟؟ لا طبعا ده ممكن الطفل يستهزا بالمنهج العقيم ده

هو الموضوع دا مش فى كل المناهج
اى نعم فى بعض المناهج تحس انها عقيمة وملهاش اى لزمة
ولكن البعض منها صعب لدرجة الملل
ولما تيجى تدور على الافادة منة متلقيش
اقتباس:
المشاركة الأصلية كتبت بواسطة gloming مشاهدة المشاركة
والغريب واللى يزعلك ويحرق دمك ان المنهج ده ممكن يقعد كده بالسنين ... طيب يا جماعه المفروض نطور ونجدد ونعمل ابحاث ودراسات ... الاطفال اللى احنا بنهمل فى حقوقهم دول ممكن جدا بل اكيد يغيروا من حال البلد ده

انا اعتقد ان الاب لما بيشوف كتب ابنة بيفتكر نفسة وهو صغير علشان تقريبا نفس الكتاب بس ممكن يكون اتغير فيه شويه صور وعناوين
كلامك صح المفروض ابحاث تتعمل وكل جيل ياجماعة ليه احتياجات ومعاملة غير التانى
الى بيحدد دا الخبرةوالاخصائيين الى ملهمش وجود فى زمنا تقريبا

اقتباس:
المشاركة الأصلية كتبت بواسطة gloming مشاهدة المشاركة
السؤال اللى بجد بيطرح نفسه ... الابحاث العلميه بتروح فين ؟؟؟والمدرسين اللى بيطلعوا تدريبات على مناهج جديده مش بتطبق ليه المناهج ده؟؟؟؟ ليه مفيش تغيير فى مناهجنا اللى من قرون فاتت ؟؟؟؟

الابحاث العلمية بتروح على الارشيف حضرتك
تحت بند ضعف الامكانيات علشان كدا تلاقى معظم الباحثين هجوا وسابوا البلد وراحوا يبحثوا فى بلد تانية فيها ناس بتقدر الابحاث العليمة وتحترمها والمدرسين الى بيطلعوا تدريبات على نظام تربوى جديد وليس على مناهج جديدة
ولو عايزين نغير المناهج لازم نغير عقول الى ماسكين موضوع التعليم نفسة
فين ياجماعة ميزانية التعليم
فين ميزانية البحث العلمى
الفلوس دى بتروح فين
اقتباس:
المشاركة الأصلية كتبت بواسطة gloming مشاهدة المشاركة
انا مره قلت فى موضوع هنا فى المنتدى ان نظام التعليم بتاعنا محتاج احلال وتجديد وان البلد ده مش هتكبر او تطور الا بالتعليم ؟؟؟؟

وانا بضم صوتى لصوتك وبجد مصر مش هتتقدم الا بالجيل الصغير
علشان كدا لازم نعلمة صح
لام نعتنى بيه صح
لازم نعلمة اذاى يتعامل فى دنيا بقى فيها الكمبيوتر والتكنولوجيا كل حاجة
كفايا بقى تعليم على حاجات انقرضت واتحللت




نورتى التوبيك بجد وشكرا على المناقشة الحلوة دى

 

HaKuNA_MaTaTa غير متواجد حالياً  

 

قديم 15-06-2009, 03:03 AM   #7
HaKuNA_MaTaTa
عضو مخالف
 
تاريخ التسجيل: Jun 2009
المشاركات: 268
افتراضي

 

اقتباس:
المشاركة الأصلية كتبت بواسطة caesar مشاهدة المشاركة
ماله التعليم يا جدعان ؟؟

ما المناهج دي الى اتعلم بيها الجدود

و بنوا بيها الاهرامات والمعابد و الحضاره الي بهرت الدنيا

نيجي احنا بعد 7 الاف سنه واكتر و نغيرها ؟؟

يا راجل عيب عليك .. ال نغير التعليم ال

وبعدين صدق الى قال ( الدهن فى العتاقي )
تصدق مفكرتش انا فى الموضوع دا خالص
بس هما بنو الاهرامات دى فى عصر كان الاهرامات فيها معجزة
انما دلوقتى تعالى قارن الاهرامات بحتة لاب توب صغنن كدا
وشوف مين الى معجزة فيهم
احنا عايزين بقى التعليم الى يخلينا نعمل اللاب توب دا بقى
مش عايزين نبنى اهرامات تانى
من كتر الدهن الى فى العتاقى دا جالنا سمنة ومبقناش عارفين نتحرك


نورت التوبيك ياكبير

 

HaKuNA_MaTaTa غير متواجد حالياً  

 

قديم 15-06-2009, 01:47 PM   #8
Genial25
عضو مزيكاوي
 
الصورة الرمزية Genial25
 
تاريخ التسجيل: Jan 2007
الدولة: many places but my heart in egypt
العمر: 33
المشاركات: 866
إرسال رسالة عبر MSN إلى Genial25 إرسال رسالة عبر Yahoo إلى Genial25
افتراضي

 

من الاخر هقو لكم مهزله هتسكتو بعده التعليم باظ لان القائمين عليه ليس عندهم علم من اصله
تعرفو او وزير تعليم مصرى كان تعليمه لحد فين؟؟؟؟؟؟؟؟
اقولكم كان معاه اعداديه ويا سلام على الكوسه الى دخلته الوزاره عر فتو ليه التعليم زى الفل فى مصر
تحياااا مصر

 

__________________
[IMG]http://i50.*******.com/2dqio9u.jpg[/IMG]

Ehna a3la heads fe Masr

Genial25 غير متواجد حالياً  

 

قديم 15-06-2009, 01:55 PM   #9
HaKuNA_MaTaTa
عضو مخالف
 
تاريخ التسجيل: Jun 2009
المشاركات: 268
افتراضي

 

اقتباس:
المشاركة الأصلية كتبت بواسطة yasein esmail مشاهدة المشاركة
من الاخر هقو لكم مهزله هتسكتو بعده التعليم باظ لان القائمين عليه ليس عندهم علم من اصله
تعرفو او وزير تعليم مصرى كان تعليمه لحد فين؟؟؟؟؟؟؟؟
اقولكم كان معاه اعداديه ويا سلام على الكوسه الى دخلته الوزاره عر فتو ليه التعليم زى الفل فى مصر
تحياااا مصر
مع انى مش واثق فى موضوع الاعداديه بتاعة الوزير دى
بس ماالعقاد كان معاه ابتدائية وكان اسطورة
المهم الدماغ النظيفة وخوفة على مصلحة البلد


تشكر لمرورك ياكبير

 

HaKuNA_MaTaTa غير متواجد حالياً  

 

قديم 15-06-2009, 04:16 PM   #10
romantic angle
عضو مزيكاوي
 
الصورة الرمزية romantic angle
 
تاريخ التسجيل: Dec 2008
الدولة: ♥♥ Waiting My Prince
العمر: 26
المشاركات: 1,770
افتراضي

 

موضوع حلو اووى ويستاهل الكلام فيه طبعا
بس المشكله ان احنا مش عارين المشكله فين؟

 

__________________
romantic angle غير متواجد حالياً  

 

موضوع مغلق

مواقع النشر (المفضلة)

الكلمات الدلالية (Tags)
تربية, وتعليم

المنتدى العام




أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أسرار ترتيب المواقع في ألكسا, مهم خيارات BaToT2daY برامج الكمبيوتر 2 21-04-2009 07:37 PM
تربية للبيع ...!!! A.H.M.A.D المنتدى العام 16 24-03-2009 10:18 AM
ترتيب المنتخبات العربية والأسيوية tamer-maroc الرياضة العالمية 0 20-01-2008 04:47 PM

Rss  Rss 2.0  Html  Xml  Sitemap 


الساعة الآن 12:46 AM.


Powered by vBulletin® Copyright ©2000 - 2018, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team



 
 
Bookmark and Share

جميع المشاركات والمواضيع في منتدى لا تعبر عن رأي إدارته بل تمثل وجهة نظر كاتبها