العودة   منتديات مزيكا تو داى > المنتديات العامة > المنتدى العام

المنتدى العام General
Talk about anything ...اتكلم براحتك

موضوع مغلق
 
أدوات الموضوع إبحث في الموضوع انواع عرض الموضوع
قديم 22-02-2008, 02:02 AM   #1
أكرم صبرى
عضو مزيكاوي
 
الصورة الرمزية أكرم صبرى
 
تاريخ التسجيل: Mar 2007
الدولة: فوق قهوة جمالات
العمر: 33
المشاركات: 1,251
افتراضي

 



أقطاي فلسع .. أيبك أتكل على الله وأخد إستمارة ستة ..شجرة الدر أخدت شبشبين وفطست .
طب لما أعوز اكلم شعب مصر ..أكلم مين !
سؤال محير وقع فيه التتاري أبو قرنين .. صحيح لما يعوز يكلم شعب مصر يكلم مين ! مهو مش معقول يتصل على 144 دليل على رأى علاء ولى الدين
الله يرحمه ..
فجأة يطلع عمنا أحمد مظهر ويقول بثقة ( تقدر تكلمني أنا ) على اساس انه هو قطز يعنى ..

الكلمة جرحت أحاسيس التتارى ابو قرنين ، فاتنطط واتشقلب وقاله ( وانت مين أنت ) ، احمد مظهر بص حواليه وقاله ( واحد من شعب مصر ومعرفش مين معايا ومين ضدى) ..وقطع الرسالة

رشدى اباظه يطلع فى الكادر ويقف جمبه ويقول ( وأنا معاه) .. وعم ابراهيم بتاع البيض ( وأنا معاه) .. وعم أحمد بتاع الفراخ ( وأنا معاه ) .. وهيييييييييييييييييييييه ويشيلوه ويقعدوه على كرسى الحكم .. وكده بأه قطز هو حاكم مصر ..

اللى فات ده جزء من فيلم عربي إسمه ( وإسلاماه )
والفيلم وإن كان فيه معارك تفتح النفس إلا انه من الاخر فيلم هندي ..وكل اللى فات ده تهييس فى تهييس ..وكلنا فاكرين القصة الحقيقية للبطل قظز الله يرحمه
واللى كتبها (على أحمد باكثير) وكانت مقرره علينا فى الثانوية العامة هى دى يا باشا القصة الحقيقية ..
لكن اللى شفته فى الفيلم ده قصه من وحي المؤلف ، وبعدين اصلا ( سلامه ) اللى هرب بقظزوجلنار معش اصلا لغاية معركة عين جالوت ..نعدى الفيلم الهندى ..ونروح لتمثيلية( الفرسان ) اللى قام فيها الممثل الجميل (احمد عبد العزيز) بدور قظز بإقتدار .. والتمثيلة بجد روعة وخصوصا مشهد اغتيال البطل المغوار قطز الله يرحمه

.. لكن فيها حاجات تهييس فى تهييس واختراع فى اختراع ... بلاش دى عملوا تمثيلية سورية عن ( بيبرس) وطبعا اتعرضوا فيها للفترة دى .. وأنا بيتهيئلى اللى كتب تمثيلية الظاهر بيبرس السورية واحد حشاش ..ضرب دبوس حشيش واقعد يكتب .. تمثيلية كلها تأليف فى تأليف ..وطبعا تمثيلية الظاهر بيبرس المصرية كمان بالمرة اخر مهيسة ..
تخيل معايا كده يا برعي

واإسلاماه .. الفرسان ..الظاهر بيبرس المصرية ..الظاهر بيبرس السورية .. أربع أعمال درامية لفترة واحدة كل مؤلف مع نفسه وكأن مثلا اللى بيكتبوه ده قصة شعبية زى قصة ابو زيد الهلالى مش تاريخ إسلامي ..
أنا مش ضد الحبكات الدرامية والاضافات الدرامية لكن متبأش الحكاية تزوير زى ما حصل فى مسلسل الظاهر بيبرس السورى .. أنا عاوز مؤرخ محترم يكتب مش واحد حشاش ..

نيجى باه للفيلم الرائع الناصر صلاح الدين اللى عمله أحمد مظهر بمعلمة
الفيلم عشرة على عشرة
لكن لما يطلعلى واحد مسلم اللى هو عيسى العوام انه مسيحى علشان الوحدة الوطنية يبأه ده تزوير لوعى الامة .. حلوة وعى الامة دى

يعنى يوسف شاهين من جبروته خلى واحد مسلم مسيحى علشان الوحدة الوطنية والفيلم يمشى ويعدى ويبأه كله تمام ... وأحنا معندناش مشكلة مع حد لكن بدل اننا بنتكلم عن فيلم تاريخى يبأه انا عاوز اتفرج على تاريخ حقيقى مع حبكات درامية لا تخل بالمادة التاريخية (( أنا بقول كلام كبير ))

عموما ..أنا ضد دخان الحشيش يوصل للتاريخ
وعاوزين شعب فايق ، علشان كل مؤرخ حشاش بيكتب قبل ما يتنيل ويكتب يسأل نفسه سؤال ..
لما احب أحشش مع شعب مصر
أحشش مع مين !

(( كـيــمــو))
للمزيد من مواضيعي

 

الموضوع الأصلي : لما أحب أكلم شعب مصر ..أكلم مين !     -||-     المصدر : منتديات مزيكا توداي     -||-     الكاتب : أكرم صبرى



! glh Hpf ldk lwv H;lg auj

 

 


__________________
[IMG]http://i46.*******.com/33k7wok.jpg[/IMG]
يا رب أنت رب المستضعفين وأنت ربي
(( متوقف عن الكتابة حتى إشعار أخر)
أكرم صبرى غير متواجد حالياً  

 

 

 

قديم 22-02-2008, 03:05 AM   #2
Caesar
مشرف عام
 
تاريخ التسجيل: Mar 2006
الدولة: مصـر .. والحمدلله عليها نعمه
العمر: 30
المشاركات: 1,622
إرسال رسالة عبر ICQ إلى Caesar إرسال رسالة عبر MSN إلى Caesar إرسال رسالة عبر Yahoo إلى Caesar إرسال رسالة عبر Skype إلى Caesar
افتراضي

 

تعالى حشش معايا ..

هههههههههههههههه

بجد توبك جامد جدا ً ..

هو فعلا فيه تزوير كتير فى الافلام التاريخيه .. مش عارف ليه .. فعلا النقطه دي انا استغربتلها جدا ... انا واحد من عشاق احمد باكثير و بعشق كتاباته خصوصا التاريخيه منها .. بس كل عمل من دول فيه حبكه دراميه منيله بنيله

المفروض الحبكه الدراميه او البلوت ( زي ما بدرسه ) فى الاعمال التاريخيه يكون سطحي .. ميخلش بالشخصيات او سياق الاحداث .. لأن دا عمل تاريخي مهوش عمل درامي بس تقول ايه بقي

شعب كله محششين

و هفتكر كلمه واحد زميل هنا فى المنتدي العزيز قالهالي فى توبك بتاعي ( مصر هيا أمــه )

سلملي ع البتنجان

 

__________________
وخــدتني ومشينا ..
والفــرح يضمنا ..
ونسينا يا حبيبي ..
مين انت ومين انا
حسيت ان هوانا
هيعيش ملييون سنه

وبقيت وانت معايا ..
الدنيا ملك ايديا ..
أأمر على هوايا
تقول أمــرك يا عنيـــــــا
Caesar غير متواجد حالياً  

 

قديم 22-02-2008, 03:55 AM   #3
bikky
الأعضاء
 
الصورة الرمزية bikky
 
تاريخ التسجيل: Feb 2008
الدولة: With My Husband
العمر: 28
المشاركات: 3,990
افتراضي

 

ههههههههههههههههه

انت كنت قاعد فى غرزة ولا ايه يا كيمو

فعلا الايام دى المولفين بقوا حاجه وحشه اوى بيدخلو حوارات كدابه فى الاعمال التاريخيه الجميله اللى بيحتفظ بيها التاريخ ويقدمولك حاجات بقالها زمن فى ساعتين ولا تلاته وايه مش مكتفيين بكده لا بيحرفولك التاريخ كمان

ربنا يهديم ويتمسكو فى قضية مخدرات عشان نستريح منهم

وابقى سلملى ع البتنجان زى ما بتقول

تحياتى ليك

bikky

 

__________________
اللَّهُمَّ أنزل بك حاجتي وإن قصر رأيي وضعف عملي وافتقرت إلى رحمتك فأسألك يا قاضي الأمور ويا شافي الصدور كما تجير بين البحور أن تجيرني من عذاب السعير ومن دعوة الثبور ومن فتنة القبور
bikky غير متواجد حالياً  

 

قديم 22-02-2008, 04:41 AM   #4
نور & نودة
الأعضاء
 
الصورة الرمزية نور & نودة
 
تاريخ التسجيل: Mar 2006
الدولة: هنا وهناك وهنااااااااااااك
المشاركات: 1,765
افتراضي

 

ههههههههههههههههه

اكرم مواهب تعالى كلمني انا وامري لله

بس انا زهقت من السطلة والاستهبال اللي هما فيه ده واحنا غلابة بنسدق على اساس اننا موش عارفين حاجه

ندخل بقى في الجد
اعاد فيلم المخرج الانجليزي ريدلي سكوت الاخير مملكة الجنة الذي يصور فترة الحروب الصليبية الثالثة التي انتصر فيها صلاح الدين على الصليبيين وفتح مدينة القدس الجدل مرة اخرى حول اسباب عزوف اثرياء العرب عن انتاج افلام تاريخية كبيرة تصور النهضة الاسلامية الحقيقية في قالب دعوي يستهدف نشر الاسلام

بعدما بدا تيار اسلامي صحوي قوي ينتشر في العالم العربي وخصوصا منطقة الخليج بالتحرك صوب الوان التكنولوجيا الحديثة مثل المحطات الفضائية ومواقع الانترنت
فرغم ان فيلم سكوت الذي تكلف 125 مليون دولار وشارك فيه 30 الف كومبارس من المغرب التي تم التصوير في صحرائها يستعرض فترة من اهم فترات التاريخ الاسلامي ورغم انه اول فيلم لهوليود يبدو انه محايد نسبيا فيما يخص المسلمين بحيث لا يتضمن هجوما عليهم فهو في النهاية فيلم يشوه صورة المسلمين ويظهرهم بمظهر قبيح يضر بصورة الاسلام وعلى العكس يظهر الصليبيين بانهم كانوا رجال عهد وعدل وانسانيين يسمحون للمسلمين بالصلاة والعيش بينهم ويعلمونهم الزراعة والفروسية وهو تزوير واضح للتاريخ

صحيح انه ظهرت محاولات محدود لصناعة افلام تاريخية عربية واسلامية وللاسف بممثلين اجانب كبار مثل عمر المختار او الرسالة وصلاح الدين ولكنها كانت محاولات محدودة لا تمثل ظاهرة وبعضها بها صور غير مكتملة او مشوهة عن الحضارة الاسلامية ولا تصور المسلمين والاسلام على حقيقته الناصعة السمحة كدين حياة وعلم وعمل وحرية وليس مجرد صلاة وحجاب وذقون وحراب ومعارك

بل ان بعض الافلام الدينية المصرية القديمة التي تصور حقبة الهجرة النبوية او الصراع مع المشركين ضررها اكثر من نفعها وهي ساذجة للغاية وتصور المسلمين على انهم حفنة من الدراويش الجاهليين الذين يعيشون في الصحراء وكفى ولا هم لهم سوى معاقرة الخمر واللعب مع النساء والغواني وهي بالمناسبة صورة العربي او المسلم في السينما الغربية



بس كفاية عليك كدة يااكرم



 

__________________




هون عليك فكل الأمر ينقطع
وخل عنك ضباب الهم يندفع
فكل هم له من بعـده فـرج
وكل كرب إذا ضاق يتسـع
إن البلاء وإن طال الزمان به
الموت يقطعه أو سوف ينقطع
نور & نودة غير متواجد حالياً  

 

قديم 22-02-2008, 05:06 AM   #5
بنت اسكندرية
عضو مزيكاوي
 
تاريخ التسجيل: Dec 2006
العمر: 28
المشاركات: 1,549
افتراضي

 

ههههههههههههههههههههههههههههههههه

اية دة يا اكرم اية اللى حصلك فعلا المفروض طالما تاريخ ميعدوش يغيروا فى حاجات ويوصلوا تاريخنا غلطت لينا ولاى حد بيتفرج الكويس يطلعوة وحش والعكس فالمفروض التاريخ نفسة والشخصيات ميغيروش فيها حاجة اه عايزين يحطوا حبكة درامية بس ميجوش ناحيه الحاجات الاساسية فى التاريخ

 

بنت اسكندرية غير متواجد حالياً  

 

قديم 22-02-2008, 02:31 PM   #6
أكرم صبرى
عضو مزيكاوي
 
الصورة الرمزية أكرم صبرى
 
تاريخ التسجيل: Mar 2007
الدولة: فوق قهوة جمالات
العمر: 33
المشاركات: 1,251
افتراضي

 

ميتو باشا ..تحياااااااااا مصر يا عم الحج

<div class='quotetop'>إقتباس[/center]
اقتباس:
تعالى حشش معايا ..
هههههههههههههههه[/b]
اشطه يا باشا يبأى على قهوة جملات ونديها
بس هو نفتح قبل ما نسلك ولا نسلك قبل ما نفتح

<div class='quotetop'>إقتباس[/center]
اقتباس:
هو فعلا فيه تزوير كتير فى الافلام التاريخيه .. مش عارف ليه .. فعلا النقطه دي انا استغربتلها جدا ... انا واحد من عشاق احمد باكثير و بعشق كتاباته خصوصا التاريخيه منها .. بس كل عمل من دول فيه حبكه دراميه منيله بنيله[/b]
دى مش حبكة دى مهيسة تاريخية ، سيبك أنت كله بيطلع فى الغسيل :P

<div class='quotetop'>إقتباس[/center]
اقتباس:
و هفتكر كلمه واحد زميل هنا فى المنتدي العزيز قالهالي فى توبك بتاعي ( مصر هيا أمــه )

سلملي ع البتنجان[/b]
بس نسيت تكمل على رأى المصلحة الاجتماعية نادية الجندي


bikky
بيكى باشا المنتدى منور بيكى وكلنا فخورين بيكى

<div class='quotetop'>إقتباس[/center]
اقتباس:
انت كنت قاعد فى غرزة ولا ايه يا كيمو[/b]
فى قهوة جملات

<div class='quotetop'>إقتباس[/center]
اقتباس:
ربنا يهديم ويتمسكو فى قضية مخدرات عشان نستريح منهم[/b]
طب هما فى ستين داهية ..المخدرات ذنبها ايه بأه

نور & نودة
الست رانيا هنا (وسع يا جدع للمعلمة ) واحد حلبة حليب هنا يا فتحى للأستاذة

<div class='quotetop'>إقتباس[/center]
اقتباس:
اعاد فيلم المخرج الانجليزي ريدلي سكوت الاخير مملكة الجنة الذي يصور فترة الحروب الصليبية الثالثة التي انتصر فيها صلاح الدين على الصليبيين وفتح مدينة القدس الجدل مرة اخرى حول اسباب عزوف اثرياء العرب عن انتاج افلام تاريخية كبيرة تصور النهضة الاسلامية الحقيقية في قالب دعوي يستهدف نشر الاسلام[/b]
ايه الدخلة الجامدة دى ..انت محسساني انك بتتكلمى فى نشرة الساعة 9

<div class='quotetop'>إقتباس[/center]
اقتباس:
بعدما بدا تيار اسلامي صحوي قوي ينتشر في العالم العربي وخصوصا منطقة الخليج بالتحرك صوب الوان التكنولوجيا الحديثة مثل المحطات الفضائية ومواقع الانترنت
فرغم ان فيلم سكوت الذي تكلف 125 مليون دولار وشارك فيه 30 الف كومبارس من المغرب التي تم التصوير في صحرائها يستعرض فترة من اهم فترات التاريخ الاسلامي ورغم انه اول فيلم لهوليود يبدو انه محايد نسبيا فيما يخص المسلمين بحيث لا يتضمن هجوما عليهم فهو في النهاية فيلم يشوه صورة المسلمين ويظهرهم بمظهر قبيح يضر بصورة الاسلام وعلى العكس يظهر الصليبيين بانهم كانوا رجال عهد وعدل وانسانيين يسمحون للمسلمين بالصلاة والعيش بينهم ويعلمونهم الزراعة والفروسية وهو تزوير واضح للتاريخ[/b]
طب ودهايه علاقتة بالموضوع :wallbash:

(( نعديها علشان خاطرك يا باشا))

<div class='quotetop'>إقتباس[/center]
اقتباس:
بل ان بعض الافلام الدينية المصرية القديمة التي تصور حقبة الهجرة النبوية او الصراع مع المشركين ضررها اكثر من نفعها وهي ساذجة للغاية وتصور المسلمين على انهم حفنة من الدراويش الجاهليين الذين يعيشون في الصحراء وكفى ولا هم لهم سوى معاقرة الخمر واللعب مع النساء والغواني وهي بالمناسبة صورة العربي او المسلم في السينما الغربية[/b]
الافلام الدينية دى كوم تاني خلاص
فى فيلم زى الشيماء مثلا جايبين الشيماء أسلمت من أول البعثة وده مش صحيح علشان هى اسلمت متأخر بعد غزوة حنين تقريبا
وكله كوم وهما مطلعين الشيماء وهى بتغنى وسط الرجاله ، بأه الشيماء حتعمل كده مش ممكن ابدا .
ده مش فيلم ديني ده فيلم مع نفسه .

بنت اسكندرية

<div class='quotetop'>إقتباس[/center]
اقتباس:
ههههههههههههههههههههههههههههههههه

اية دة يا اكرم اية اللى حصلك فعلا المفروض طالما تاريخ ميعدوش يغيروا فى حاجات ويوصلوا تاريخنا غلطت لينا ولاى حد بيتفرج الكويس يطلعوة وحش والعكس فالمفروض التاريخ نفسة والشخصيات ميغيروش فيها حاجة اه عايزين يحطوا حبكة درامية بس ميجوش ناحيه الحاجات الاساسية فى التاريخ[/b]
كل دى ضحكة،أوعى يا بنت لتفطسى وأروح أنا فيبها
لا يا بنت اسكندرية حبكة ايه وبتاع ايه ، دول تعدوا المرحلة دى ، باه يألفوا مع نفسهم تاريخ جديد
عارفه الراجل اللى كتب مسلسل الظاهر بيبرس السورى كان ناقص يطلع قطز بيحارب مع التتار :roflmao:

 

__________________
[IMG]http://i46.*******.com/33k7wok.jpg[/IMG]
يا رب أنت رب المستضعفين وأنت ربي
(( متوقف عن الكتابة حتى إشعار أخر)
أكرم صبرى غير متواجد حالياً  

 

قديم 22-02-2008, 02:59 PM   #7
سندس
الأعضاء
 
الصورة الرمزية سندس
 
تاريخ التسجيل: Jul 2006
الدولة: إسكندرية
المشاركات: 2,525
افتراضي

 

ههههههههههههههههههههه

كالعادة يا أكرم لازم أفطس من الضحك فى كل موضوع ليك ..
متميز يا أكرم فى موضوعاتك اللى بتعالجها بطريقة حلوة..
وده يا اكرم بيدخلنا فى قضية مين اللى بيكتب التاريخ .. وهل من حق أى كاتب أوسيناريست أنه يدخل على كتب التاريخ وينقل منها زى ما هو عاوز ..
طبعا أنا ضد الكلام ده ..
شوف مثلا يا اكرم ممكن يكون للواقعة التاريخية الواحدة أكتر من رواية كل رواية فى ناحية ..طب على أى اساس ممكن للشخص انه يختار .. المؤرخ المحترم عنده أسس وقواعد بيمشى عليها بعكس المؤلف العادى اللى بيدخل على كتب التاريخ وينقل اى حاجه والسلام ، أو مثلا فيه منهم اللى مش بيكلفوا نفسهم أصلا جهد البحث ويكتبوا من معلوماتهم اللى غالبيتها غير صحيحة ..

إعتقادى يا كيمو أن دى قضية خطير ، وخطورتها برده عند عمل مسلسل عن السيرة النبوية أو الصحابة ، فلازم اللى بيكتب الوقائع دى يكون باحث مش مجرد كاتب وأنت ضربت مثال بالشيماء ، وأنا اضربلك مثل برده بمسلسل عمرو بن العاص اللى عمله نور الشريف وكتبه اسامة انور عكاشة ، المسلسل مليان كذب وزور وبهتان على صحابي جليل هو عمرو بن العاص رضى الله عنه ، وهاجم المسلسل ده كتير من الدعاة بسبب هذا التلفيق على صحابي جليل رضى الله عنه ..

القضية دى مهمة .. من يكتب التاريخ ولاسيما التاريخ الاسلامي
وأنا انصح نصيحة لله- تبارك وتعالى - كل من يريد ان يقرأ تاريخ إسلامي وهو مطمئن يقرأ للأستاذ / محمد محمد الصلابي ،فهو باحث متميز فى التاريخ الاسلامي لا يجرى وراء الاكاذيب ويحقق الوقائع ويثبت الصحيح ويرد الضعيف ..

وشكرا يا كيمو على موضوعك المتميز .


 

سندس غير متواجد حالياً  

 

قديم 22-02-2008, 05:03 PM   #8
أكرم صبرى
عضو مزيكاوي
 
الصورة الرمزية أكرم صبرى
 
تاريخ التسجيل: Mar 2007
الدولة: فوق قهوة جمالات
العمر: 33
المشاركات: 1,251
افتراضي

 

سندسة يا لعب وفن هندسة

مجرد ان موضوعي يرسم بسمة على وجهك ده شرف اضافي للموضوع

<div class='quotetop'>إقتباس[/center]
اقتباس:
إعتقادى يا كيمو أن دى قضية خطير ، وخطورتها برده عند عمل مسلسل عن السيرة النبوية أو الصحابة ، فلازم اللى بيكتب الوقائع دى يكون باحث مش مجرد كاتب وأنت ضربت مثال بالشيماء ، وأنا اضربلك مثل برده بمسلسل عمرو بن العاص اللى عمله نور الشريف وكتبه اسامة انور عكاشة ، المسلسل مليان كذب وزور وبهتان على صحابي جليل هو عمرو بن العاص رضى الله عنه ، وهاجم المسلسل ده كتير من الدعاة بسبب هذا التلفيق على صحابي جليل رضى الله عنه ..[/b]
اسامة انور عكاشة فى الضياع هو يكتب المصراوية يكتب ليالى الحلمية لكن يكتب عن الصحابة دى مش شغلته
بس زى ما نقول كده العيب مش عليه لوحده ، مش فاكره ابراهيم عيسى فى فيلم خيانه مشروعة لما بيقول ( هما حرامية وعموا شغلهم ، احنا نعمل اللى علينا ونقبض عليهم ..) نفس الفكرة هما ناس ضاربة وكتبوا ، طب فين الرقابة .. فين الازهر
..لكن ..لكن ..من الاخر كده انتى منورة التوبيك
أوزع حاجه ساقعة يا ناس

 

__________________
[IMG]http://i46.*******.com/33k7wok.jpg[/IMG]
يا رب أنت رب المستضعفين وأنت ربي
(( متوقف عن الكتابة حتى إشعار أخر)
أكرم صبرى غير متواجد حالياً  

 

قديم 22-02-2008, 06:59 PM   #9
bikky
الأعضاء
 
الصورة الرمزية bikky
 
تاريخ التسجيل: Feb 2008
الدولة: With My Husband
العمر: 28
المشاركات: 3,990
افتراضي

 

اكرم باشا انت بتدينى اسم القهوة ولا ايه

اكيد طبعا المخدرات ما لهاش زنب فى دا كله بس هنعمل ايه اهو اللى هيقبض عليهم هو اللى هيفوز بدا كله

هنعمل ايه بقى

وبعدين دول ناس مروقه ع الاخر هيفوفوا لايه ولا ايه دى ناس بتتعب يا عم

ربنا يقدرهم على فعل الخير يا كيمو

تحياتى ليك

bikky

 

__________________
اللَّهُمَّ أنزل بك حاجتي وإن قصر رأيي وضعف عملي وافتقرت إلى رحمتك فأسألك يا قاضي الأمور ويا شافي الصدور كما تجير بين البحور أن تجيرني من عذاب السعير ومن دعوة الثبور ومن فتنة القبور
bikky غير متواجد حالياً  

 

قديم 22-02-2008, 07:27 PM   #10
أكرم صبرى
عضو مزيكاوي
 
الصورة الرمزية أكرم صبرى
 
تاريخ التسجيل: Mar 2007
الدولة: فوق قهوة جمالات
العمر: 33
المشاركات: 1,251
افتراضي

 

<div class='quotetop'>إقتباس[/center]
اقتباس:
اكرم باشا انت بتدينى اسم القهوة ولا ايه[/b]
اى خدمة .. شاى ، حلبة حليب ، رز بلبن .. اللى انت عاوزاه يعنى عند جملات

<div class='quotetop'>إقتباس[/center]
اقتباس:
تحياتى ليك[/b]
بالنحوي كمان

طيب

تحياتي لكي

 

__________________
[IMG]http://i46.*******.com/33k7wok.jpg[/IMG]
يا رب أنت رب المستضعفين وأنت ربي
(( متوقف عن الكتابة حتى إشعار أخر)
أكرم صبرى غير متواجد حالياً  

 

موضوع مغلق

مواقع النشر (المفضلة)

الكلمات الدلالية (Tags)
!, لما, أحب, مين, مصر, أكمل, شعت

المنتدى العام




أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Rss  Rss 2.0  Html  Xml  Sitemap 


الساعة الآن 06:34 AM.


Powered by vBulletin® Copyright ©2000 - 2017, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team



 
 
Bookmark and Share

جميع المشاركات والمواضيع في منتدى لا تعبر عن رأي إدارته بل تمثل وجهة نظر كاتبها