منتديات مزيكا تو داى

منتديات مزيكا تو داى (http://forums.mazika2day.com/index.php)
-   المنتدى العام (http://forums.mazika2day.com/forumdisplay.php?f=21)
-   -   إبــــــــاحـــــــيــــــــــة الأدب ..!! (http://forums.mazika2day.com/showthread.php?t=110230)

سندس 11-07-2010 09:45 PM

إبــــــــاحـــــــيــــــــــة الأدب ..!!
 
إبــــــــاحـــــــيــــــــــة الأدب ..!!
بقلم / سندس


لماذا يتعامل كثير من الأدباء مع القراء على أنهم مجموعة من السذج ! ..فنجد كل أديب أو شاعر يكتب ما يكتب من كلام تخجل منه الأنفس العفيفة ثم يخرجون علينا فى الجرائد والمجلات ليدافعون عن تلك الإباحية الأدبية بكل وقاحة .. وهم فى دفاعهم هذا يتهمون جمهور القراء بأنهم لا يفقهون ولا يعرفون أى شىء فى الأدب وإننا يجب ألا نحمل الكلام على المعاني الظاهرة لأن هناك معاني باطنة لا يفطن إليها إلا الجهابذة !! ..ويمكننا أن نرى تلك النوعية من الناس فى المدافعون عن شعر " نزار قباني" الذى يسمى عند محبيه بشاعر النهدين والحلمات من كثرة ما كتب عن نهود المرأة وعن مفاتنها بطريقة فجة جداً ..فكيف يمكن أن نعتبر ذلك من الأدب فى شىء ! ومن قال أن التغزل فى المحاسن الجنسية عند المرأة يمكن أن يعتبر أدب رفيع ! ..

فى أدبنا العربي القديم يمكن أن تقف على بعض التجاوزات لكنك لا يمكن أبداً أن تخرج بقناعة أن أدبنا العربي القديم كان أدباً جنسياً فى مجملة .. كنت أقرأ منذ فترة فى الديوان الشعري لجميل بن معمر مجنون بثينة ..فطوال صفحات الكتاب لم اقرأ بيتاً شعرياً واحداً لجميل يتغزل فى محاسن بثينة الجنسية .. بل وجدت أدباً رفيعاً جداً من نوعية " فما غاب عن عينى خيالك لحظة .. ولا زال عنها والخيال يزول " ومن أمثلة " فيا حسنها ! إذ يغسل الدمع كحلها وإذ هى تذري الدمع منها الأنامل .. عشية قالت فى العتاب قتلتني وقتلى بما قالت هناك تحاول ..فقلت لها جودي فقالت مجيبة : أللجد هذا منك أم أنت هازل " هذا أبيات يمكن أن نطلق عليها أدب رفيع تشعر وأن تقرأه بسمو فى الروح ولكننا فى تلك الأيام أصبحنا نتعامل مع قلة الأدب على أنها أدب ..

والمتأمل أكتر لهذا الوضع ، سيلاحظ بدون أدنى شك أن هؤلاء هم عقل ممسوخ للفكر الغربي ، وهذا الكلام واضح جدا لكل من يستطلع او يتصفح الادب الاوروبي .. الذى كان له صفة مميزة فى إتجاهه نحو الإنحلال وخصوصا بعد عصر النهضة ، وكرد فعل مضاد للرهبانية التي كانت سائدة فى أوروبا فى ذلك الوقت ، فظهرت الدعوة المضادة هذه صريحة للفجور والفحش والدعارة ، وكانت كل الدعاوى تلك تنطلق من الأدب الاوروبي المنحل الذى كان فى الاساس متأثراً بالاتجاه الوثنى الإلحادي الذى كان عند الإغريق .. ويمكن بكذلك ملاحظة هذا فى تقديس ممثلات هيوليود لتمثال ( افروديت) إله الحب عند الاغريق حتى أنهم يعتبروه هو المقياس لجمال أجسام ممثلات هوليود .
فكان أدب الجنس كقصة وكشعر هو المسيطر على عقول الاوربيين فى تلك الفترة وهو على فكرة فى العالم الغربي فى كل مكان ...وهو مسيطر على دور النشر وبياخد الملايين من الناس ، حتى الاطفال تكتب لهم مسلسلات جنسية وروايات جنسية .. وتجد مثلا من مشاهير الادب الجنسي عندهم واحد اسمه (( ديفيد هربنت لورانس)) الذى كتب روايات جنسية صريحة مثل قصة (( عشيق ليدى تشارلى)) وهذه القصة بسبب جرأتها فى الجنس أثارت ضجة فى انجلترا حتى انها لم تنشر كاملة إلا فى بداية الستينات .

ولا تقتصر الإباحية فى الأدب فى عالمنا العربي على الجنس فقط .. ولكن تلك الإباحية قد تعدت الجنس إلى التطاول على الذات الإلهية تحت مسمى الأدب .. ونرجع مرة اخرى إلى " نزار قباني " شاعر النهدين والحلمات الذى لم يكتفى بذلك ولكن وصل شعره إلى التطاول بشكل غريب على الذات الألهية وعلى المفاهيم الإسلامية وكله تحت مسمى الأدب ..فنجده والعياذ بالله يستهزىء بيوم القيامة فيقول في ديوانه (الحب) صفحة 47: (كيف ما بين ليلة وضحاها صار نهداك.. مثل يوم القيامة ؟.) كما يدعي نزار قباني أن الله عز وجل يغني ، تعالى الله عن ذلك علواً كبيراً، فيقول في أعماله السياسية الكاملة صفحة 135: ( آهٍ.. يا آه.. هل صار غناءُ الحاكم قُدسيّاً كغناء الله ؟؟. )
ويمعن نزار قباني في الازدراء والاحتقار والاستهزاء من صاحب العظمة والكبرياء سبحانه وتعالى فيصفه بالبكاء، والعصبية، والإضراب عن الطعام، فيقول: (فلا تسافري مرةً أخرى لأن الله منذ رحلتِ دخل في نوبة بكاء عصبية وأضرب عن الطعام) .
وهناك الكثير والكثير من قاذروات نزار قباني الذى يرفعه كثير من الشباب والبنات إلى مرتبة فوق مرتبته الحقيقية فهل ما يكتبه نزار قباني هذا أدب أم أقوال لم يجروء على قولها ابو جهل ذات نفسه !

فبعد هذا الكلام الصريح العفن هل يجروء أحد ان يدافع عمن يكتب هذه الكلمات ويقول " المعنى فى بطن الشاعر " وأنا أسأل أولئك المخدوعين لو أن شاعراً قام وصرح باسم رئيس دولة من الدول، ووصفه مثلاً بأنه قد رآه مشنوقاً على باب المدينة، أو أن ذلك الشاعر قد رأى ذلك الملك أو ذلك الحاكم مذبوحاً في عَمَّان كما فعل نزار قباني فى وصفة للذات الإلهية أتكون أقوال ذلك الشاعر في حق ذلك الملك أو الرئيس أو الحاكم من القوالب الشعرية التي يراد منها غير حقيقتها؟ وهل تلتمسون لهذا الشاعر العذر كما التمستموه له عندما رمى الله عز وجل بهذه النقائص؟ الجواب طبعاً لا وألف لا؛ والسبب في ذلك أن هذا الرئيس أو الملك أو الحاكم عذابه معجل دنيوي ملموس عند أهل الدنيا، أما عذاب الله تعالى فمؤخر مؤجل إلى ذلك اليوم الذي تشيب فيه مفارق الولدان .

aYaM wBeN3ShHa 12-07-2010 01:23 AM

نيس توبيك يا احلى مواضيع بتنزل

سندس 12-07-2010 01:38 AM

ربنا يخليك .. بس انت ايه رايك في الكلام اللى فوق ده!!!!!!!!!

ENG MEROO 12-07-2010 01:57 AM

موضوع جميل جدا وفيه شئ من الجراه لكن ده امر واقع ومفيش مانع نتكلم فيه
اللي احب اعلق عليه بس هو نذار قباني واسلوبه وده كان معروف من زمان جدا
وكتير جدا كتب وقال في تصريحاته وشرحه للشعر انه ميقصدش كده وانه مجرد تشبيهات
بس حتي لو كانت تشبيهات متبقاش بالتطاول والسفاله دي علي الذات الالهيه
شكرا ليكي مره تانيه علي موضوعك المميز

Caesar 12-07-2010 01:58 AM

سنـدس



أولا .. انا متفق معاكي فى كل الى قلتيه .. و ان فعلا تلامذة المدرسه الرومانسيه المعاصره منهم كتير جدا انساق ورا الادب الغربي بعد عصر الRenaissance او زي ما قلتي .. عصر النهضه .. الى فعلا اتجه فيه الأدب للقصص الجنسيه .. ومنها واحده انا درستها فى الادب الانجليزي بتتكلم معلمه او مدرسه .. كل علاقتها جنسيه وبتعلم دا لتميذاتها ... كان اسمها على ما افتكر The prime of miss Jean Brodie و افتكر ان الروايه دي انا كنت بتحرج اذاكرها مع زميلاتي البنات .. عشان ابيحه جدا بصراحه غير الشعر و ولو ان انا كنت بعتبر ان الادب الغربي عموما مفهوش تراث ادبي برع في الشعر زي الادب العربي .. فعشان كدا جبت لك مثال روائي مش شعري .. لأن شعرهم بصراحه ميجيش ربع الشعر العربي


و متفق معاكي ، بالرغم انا واحد من محبي شعر نزار قباني .. و واحد من تلامذته الشعريه .. و دا طبعا ميحطنيش فى نفس المكانه الشعريه معاه .. على ان نزار قباني ليه شطحاته ( الغير مقبوله بالمره ) و الى تخليني أكرهه كـ ( إنسـان و مفكر ) و أكيد ( شاعـر ) بس دا ميمنعش بالاعتراف ان ربنا عز و جل حط فيه موهبه شعريه استثنائيه بكل معان الكلمه .. و هو اساء استخدامها بشكل مقزز

عموما نوعيه الغزل الصريح لم تكن تتضمن ايحاءات جنسيه صريحه فى الشعر العربي حتي فى العصر الجاهلي زي اشعار نزار قباني .. لأنه اتأثر جدا بالفتره الى عاشها فى اوروبا .. و مخه لسع منه فى الفتره دي .. انا بعتبر ان موهبة نزار الشعريه الفذه هيا الى عملت فيه جدا .. عقل ارهقت خلاياه من الموهبه والعبقريه الشعريه .. لدرجة وصلته لمكانه .. نستعيذ بالله كلنا منها ..

نرجع تاني للشعر العربي القديم .. الى كان مبدع بصراحه فى الغزل و الحب .. مثلا الاعشي لما قال

ودع هريرة ان الركب مرتحل .. وهل تطيق وداعا ايها الرجل
غراء فرعاء مصقول عوارضها .. تمشي الهوينه كما يمشي الوجي الوحل
كأن مشيتها من بيت جارتها .. مر السحابه لا ريث ولا عجل

و مثلا ابن زيدون فى مثال من الشعر الأندلسي لما قال فى ولاده بنت المستكفي

أضحي التنائي بديلا عن تدانينا .. وناب عن طيب لقيانا تجافينا
الا و قد حان صبح البين صحبنا .. حين فقام بنا للحين ناعينا


ملحوظه : دي انا درستها و مفهمتش منها ولا كلمه الا بعد ما سقطت فيها


و في مثال للشعر فى العصر العباسي لأبو تمام لما قال

نقل فؤاد حيث شئت من الهوي .. وما الحب الا للحبيب الأولي

دي نوعية الغزل الى انا احبها .. ودي الى انا حبيتها برده فى بعض اشعار نزار ( المحترمه ) مثلا في قصيده زي زيديني عشقا .. او فى المقهي .. او قصايده المحترمه

وكرهتها جدا و كرهته هو شخصيا فى تطاوله على الذات الالهيـه .. مثلا لما بيقول

إن أحبك من خلال كأبتي ..
وجها كوجه الله غير يطال !!


ودا كان سبب ان كرهته جدا .. فكان من الممكن والسهل جدا انه يقول

إن أحبك من خلال كآبتي
وجه كوجه القمر غير يطال !!


كانت هتأدي نفس المعني و المحافظه على نفس البحر و نفس كل حاجه بس من غير قلة ادب ومسخره .. بس زي ما قلتلك هو مخه كان لاسع منه شويه

اما بخصوص الشعر عموما .. فـ انا بفضل نمشي بالآيه القرأنيه الى بتقول ( وما علمناه الشعر وما ينبغي له ) و مع ان الآيه دي كانت موجهه لسيدنا محمد دونا عن باقي المسلمين والبشر العاديين زينا .. فـ انا بفضل ان كلنا نمشي وراها .. بدل ما يكون الشعر وسيله لابليس يدخلنا منها .. لأن مفيش فينا حسان بن ثابت .. ولا هيكون فالأفضل اننا نتقي الشبهاات .. ودي وجهة نظري انا والى فعلا طبقتها على نفسـي

والله المستعان





سندس 12-07-2010 03:36 AM

ENG MEROO
ما هى حكاية مجرد تشبيهات دي اللى أنا تكلمت عليها فى التوبيك
يعنى ضاقت بيه الدنيا ملاقاش غير التشبيهات دي !
وأشكرك على مرورك الكريم

Caesar
والله يا سيزر أنا متفقة معاك جداً فى كل اللى قولته..
بس فيه حتة مفهمتهاش ..
واللى هي ..
اقتباس:

اما بخصوص الشعر عموما .. فـ انا بفضل نمشي بالآيه القرأنيه الى بتقول ( وما علمناه الشعر وما ينبغي له ) و مع ان الآيه دي كانت موجهه لسيدنا محمد دونا عن باقي المسلمين والبشر العاديين زينا .. فـ انا بفضل ان كلنا نمشي وراها .. بدل ما يكون الشعر وسيله لابليس يدخلنا منها .. لأن مفيش فينا حسان بن ثابت .. ولا هيكون فالأفضل اننا نتقي الشبهاات .. ودي وجهة نظري انا والى فعلا طبقتها على نفسـي

يعنى اللى فهمته إنك موش عايز حد يكتب شعر خالص ..
بس الشعر زيه زى أى حاجه تانية ممكن يبقى فيها الحلال والحرام ..
أنا بحب الشعر اللى بيعبر عن الأشواق والحب ولكن دون وصف المفاتن وكده ..
فوضحلى بقى وجهة نظرك كده وانت واخدلى إسم جون البرزيل سيزر:shiny01:

hany koky 12-07-2010 04:06 AM

كالعاده منوره بكلام العسل بس المره دى انا اللى اتاخرت فى الرد
وعلى فكره انا كنت بتكلم فى موضوع كلمات الاغانى دى بعد صلاة الجمعه
مع بابا طبعا بابا انت عارفه الناس الكبيره بتاعت زمان كيف اغانى ام كلثوم وكان بيدافع عن الكلمات دى وطبعا انا لسانى طويل اليومين دول وخصوصا فى الدين مش بسكت

على العموم خلينه فى الموضوع بتاعك الجميل ده اولا احنا اخذنا من الغرب الهيافه
سورى فى اللفظ
وهما اخدو كل تعاليم الاسلام ونفذوها بدقه متناهيه حتى صار العكس كان زمان العرب هم الاقوى والاحسن فى كل شيئ الغرب ياخذم منا كل شئ اما الان الوضع اتغير
احنا بناخد منهم وللاسف بناخد الحاجات الهبطه فقط
وهما خدو تعاليم الاسلام فقط وما احلاها وما احسنها
ده بالنسبه للعرب والغرب
اما موضوع التاليف كله بيضحك على كله ومحدش عارف يتكلم طالما اللى بيكتب معاها
وبيدفع خلاص يبقى هوه الصح والاباقى غلط
وشكر على الموضوع الجميل ده يا اختى الفاضله سندس

osmanusso 12-07-2010 05:14 PM

"اباحيه نزار قباني و تأثره بالغرب"

الموضوع مبقاش واحد شطح مره و سكتت الدنيا عن كده
ده حتي الاباحيه وصلت للجرائد الكبيره

عموماً ده زمن ضاع فيه الحياء و
ركب الجهل علي ظهورناو (دلدل رجليه)

المفروض تبقي فيه رقابه جاده
ان مكانتشي من جهات معينه
يبقي من القاريء نفسه

و بجد وحشتني المواضيع الراقيه من
الباشمهندسه سندس :)

سندس 12-07-2010 07:17 PM

hany koky
جميل كل اللى قولته ..
بس هو إذا كان ده الحال ..
ما الناس دي إشتهرت بسببنا إحنا ..
يعنى الناس دي وجدت الأرض الخصبة لإنتشار افكارهم ..
من الأخر ..الناس دى لم تهبط من الفضاء ..
ولكن بسبب فساد المجتمع ظهر فساد دول .

osmanusso
أل وأنا اللى قولت إن عثمان خلاص أخدت شنطة سفره ونط
فى هجرة غير شرعية إلى إيطاليا:grin:
والله زمان يا عثمان .. يا ابو الزغازيغ :thumbsup:
بص بقى يا عثمان وطرطق لى ودانك كده ..
رقابة مين يا بنى .. حنقول الحكومة ..طيب الحكومة ماشية بمبدأ حرية التعبير طالما
موش بتتكلم فى السياسة .. حنقول رقابة من القارىء .. ده القارىء أول ما بيعرف
إن فيه حاجه من دي موجودة فى السوق حيبات عليها عند بتاع الجرائد أو المكتبة ..
رقابة مين بقى !!

medo5 12-07-2010 07:50 PM

اولا احب اقول ان مواضيعك كلها رائعة بجد
ثانيا بالنسبة لموضوع اباحية الادب اوك انا متفق تماما بس
هو الادب بس اللى فيه اباحية ؟؟
اعتقد ان الاباحية بقت كلمة عادية جدا
تأثرنا بالغرب و بافكارهم اللى بتنمى فينا شئ من الخلل
خلل فكرى فيصورون لنا ما يشائوا
و يمكن ده واضح من خلال تناقص نسبة الحياء فينا كبشر
فقد قال اشرف الخلق صلى الله عليه وسلم "ان لكل دين خلقا, و خلق الاسلام الحياء"
نرجع تانى للموضوع و اقول ان عمر ما كان وصف مفاتن المرأة يمكن ان يعتبر
من الادب
مهما كانت المعانى الباطنة اللى فيه على حد قولهم, فالاباحية هى الاباحية مهما تغيرت و تعددت اسمائها او طرق وصفها
و اقدر اقول ان فى الاول و الاخر احنا المذنبين, احنا اللى سمحنا بتواجد النوع ده من الفكر فى حياتنا


الساعة الآن 12:52 AM.

Powered by vBulletin® Copyright ©2000 - 2018, Jelsoft Enterprises Ltd. , Designed & TranZ By Almuhajir

Security & upgrade & support by LameyHost

Security team